Zeremi 2:25 - NYANMIƐN NDƐ'N 1998

²⁵ Kɛ n se wɔ kɛ Izraɛl, nian ɔ́ wun, ɔ'a yo-man sɔ-ɔ ɔ́ ja'n kpla, ɔ konviabo'n ɔ ´wu kee'n, a tɛ min su kɛ: ‹Cɛcɛ, be yaci min diin! Aofuɛ mun yɛ n klo be-ɔ. Be su yɛ n ´su-ɔ.›

Zeremi 2:25 ပူးပေါင်းရင်းမြစ်များ

2 Be Nyoliɛ 28:22

Kannzɛ bɔ famiɛn Akaz o nyrɛnnɛn dan nun'n, sanngɛ ɔ'a mantan-man Anannganman.

2 Be Nyoliɛ 28:23

Damas amuɛn mun bɔ be ti yɛ man ɔ'a nyan-man jranwlɛ'n, ɔ yili sraka mannin be, afin ɔ seli i wun kɛ: «Siri famiɛn'm be like nga be jran bé sin'n, n ´sɔ be wie nan be jran min sin wie.» Sanngɛ amuɛn sɔ'm be yɛ man Akaz nin Izraɛlfuɛ'm be tɔli mlɔnmlɔn nin-ɔn.

Ezai 2:6

W'a yi ɔ nvle'n nunfuɛ'm be ase. W'a yi Zakɔb i osu'n nunfuɛ'm be ase. Afin wia afiliɛ lɔfuɛ'm be nzuɛn'n yɛ be fa-a, be yi wunnzue kɛ Filistifuɛ'm be sa, yɛ be nin nvle kun nga'm be nunfuɛ'm bé bo ti kun .

Ezai 57:10

Kɛ bɔ amun ´nantili dan sɔ'n ti'n, amun fɛli. Sanngɛ amu'an se-man amún wun kɛ: «E yo-mɛn i sɔ kun!» Amun nyannin wunmiɛn ekun, yɛ amún sa sin a bubu-man amun.

Zeremi 13:21

?Be nga a fali ɔ wun mannin be man be sieli wɔ'n, kɛ be ´ba wɔ bolɛ'n, a ´se sɛ? ?Kɛ a ´wun kɛ be nga be nin wɔ mantan mun be su ba'n, ɔ klun'n su kisan-man wɔ fiaan kɛ bla bɔ i ba wulɛ ɔ'a to i'n sa?

Zeremi 13:22

A wa usa ɔ́ wun kɛ: ‹?Nguɛ ti yɛ sa nga'm be ju min su-ɔ?› Sɛ a ti bla'n, wuun n ´se kɛ sa tɛ dan bɔ a yoli'n ti yɛ be trali wɔ bɔ be nin wɔ lali kekle nun nin-ɔn.

Zeremi 14:10

Nvle nga nunfuɛ'm be wun ndɛ bɔ Anannganman kan'n yɛ: «Be akunndan'n ti nnyɔn-nnyɔn ngboko. Bé nyin kan-man ase. Anannganman'n klo-mɛn i sɔ'n. I nyin wo bé sa tɛ'm be su. Ɔ ´bu be fɔ bé sa tɛ'n ti.»

Zeremi 18:12

Sanngɛ be tɛ min su kɛ: «Nán kle ɔ wun yalɛ. Ye akunndan liɛ'n su yɛ e ´fa-a. E liɛ nga e waan e ´yo'n yɛ e ´yo-ɔ.»

Zeremi 2:31

?Ajulisufuɛ mun, an `sie amún su tie ndɛ nga Anannganman kan'n, i waan: «?Izraɛlfuɛ mun, m'an kaci amun nyrun kɛ aawlɛ flɛnnɛn sa annzɛ kɛ lika nga aosin'n dun su tritritri'n b'ɔ yo sro'n sa?» ?Min nvlefuɛ mun, nguɛ ti yɛ an ijɔ se kɛ: «Kan e klo kɛ e ´kɔ lɛ'n, e su kɔ! E su sa-man e sin ɔ́ wun» nin-ɔn?

Zeremi 22:20

«Zerizalɛm, sɛ a ti bla'n, wuun n ´se kɛ, fu Liban oka'n i ti su nglo nan kpan. Tike ɔ́ ti sun Bazan lika'n, jran Abarim oka'n su lɔ kpan, afin ɔ soman'm be kwlakwla be liɛ ɔ'a wie.

Zeremi 22:21

Blɛ nga sa fi nian ju-man'n yɛ n kan kleli wɔ-ɔ. A waan: ‹N tie-man.› Kɛ ɔ fin ɔ kaan nun lele'n, kɛ a yoli sɔ-ɔ. N kan ndɛ n kle wɔ-ɔ, a ti-man.

Zeremi 3:13

Ɔ man i ti'n, di ɔ́ sa tɛ'n i nanwlɛ: Nyin kekle nga a yoli i min Anannganman ɔ Nyanmiɛn'n min su'n, kan. A wanndi ɔli nvle uflɛ'm be amuɛn'm bé sin, a ɔli waka nga be lɛ nnya'n be kwlaa be bo. W'a tie-man min aniɛn'n.› » Anannganman'n yɛ ɔ kan sɔ-ɔ.

Zeremi 44:17

E liɛ nga e waan e ´yo'n yɛ e ´yo-ɔ. E ´yra ansans'n e ´man nyanmiɛn su lɔ famiɛn bla'n. E ´gua nzan e ´mɛn i kɛ e nin é si mun e fa yo i titi'n sa, e yo i kɛ e famiɛn mun nin e famiɛn i awlo lɔ sran dandan mun be fa yo i Zida klɔ'm be su nin Zerizalɛm mmuɛ'm be nun'n sa. Laa bɔ e yo i sɔ'n, e mian-man aliɛ wun, ninnge'n sin yia ye, e nun-man nyrɛnnɛn nun kɛ nga sa.

Ngwlɛ Yilɛ 1:2

Kɔnguɛ'n, ngwlɛ'n yɛ ɔ yi-ɔ, i nyinmuɛn'n ɔ gua sa puu. Be b'ɔ nin be trali janvuɛ'n, kun sa fɔnvɔ-mɛn i. Be kwlaa be wieli i wanndi, b'a tu bé nyin b'a wɔ i .

Ngwlɛ Yilɛ 4:4

Nzue we'n ɔ'a kun ba nɔnman'm be lele be taaman'n ɔ'a mantan. Ba kanngan'm be sun awe lele ngbɛn, sran fi fa-man aliɛ kɔnndɔnman bɔ kun kle-man be.

Ezekiɛl 20:32

«Amun bu i kɛ amun kwla yo kɛ mɛn kun nga'm be nunfuɛ'm be sa nan amun ´kwla sɔ waka mun nin yɛbuɛ mun, atin sin-man lɛ.

Ndɛ Nga Nyanmiɛn I Nuan Ijɔfuɛ Oze Kannin'n 2:3

Anannganman'n dunman nun amun `flɛ amun niaan yasua'm be kɛ: «Min sran mun» Yɛ amun `flɛ amun niaan mmla'm be kɛ: «Nsi-be-aunnvuɛ».

Ndɛ Nga Nyanmiɛn I Nuan Ijɔfuɛ Oze Kannin'n 2:5

Sɛ ɔ ti-mɛn i ti'n, n ´kpɛ i wun kɛ ndɛkɛn yɛ b'a wu i sa, i wun yo ngblɛn. N ´yo man ɔ yo kɛ aawlɛ flɛnnɛn'n sa, ɔ ´kaci kɛ asiɛ bɔ be yo su like-ɔ ɔ yo-man ye'n sa, nzue we ´kun i lele ɔ ´wu.

Malasi 3:14

Kusu wuun amun ijɔ be se kɛ: ‹?Nyanmiɛn sulɛ'n ti afɛ ngbɛn. ?Kɛ e fali Anannganman i mmla'n su bɔ e trannin awlaboɛ nun'n nguɛ yɛ e nyɛnnin i nun-ɔn?

JÉSUS-CHRIST I DYASIN FE'N BO LUC KLELI'N 15:22

Sanngɛ i si seli i sran'm be kɛ: ‹An `fa tralɛ klanman kpafuɛ'n bla ndɛndɛ fa wlɛ i wun, an `fa sama ti nga kun wlɛ i sa, yɛ an `wlɛ i ngbabua .

JÉSUS-CHRIST I DYASIN FE'N BO LUC KLELI'N 16:24

Yɛ ɔ kpannin-ɔn, ɔ seli kɛ: ‹Nannan Abraam, yaci wun min aunnvuɛ, sunman Lazar man ɔ fɛ i sama ti bo nzue nun ɔ wa kpɛn n taaman'n su, n su wun min nyrun dan kpa sin'n nun wa.›

Rɔmfuɛ Mun 8:24

Nyanmiɛn su bɔ e lafi'n ti yɛ e si kɛ ɔ'a de ye-ɔ. Sanngɛ sɛ sran i nyin o like bɔ be waan be fa mɛn i'n i sin'n, sɛ ɔ nyɛn i'n, i nyin trɛn-mɛn i sin kun. ?Wan yɛ sɛ ɔ nyan like ng'ɔ kunndɛ'n, i nyin tɛ o like sɔ'n i sin ekun-ɔn?

Mmla'n 28:48

amun wa su amun kpɔfuɛ nga Anannganman man be nin amun wa kun'n. Awe nin nzue we ´kun amun. Amún wun tralɛ'n kwlakwla ´wie titi, yalɛ ´di amun. Anannganman ɔ ´sie amun kɔmin'n su blalɛ trɔ lele san ɔ ´wie amun nunnun.

Mmla'n 32:16

Izraɛlfuɛ'm be fali nvle wie'm be nun amuɛn mun fɔkɔli i anwlɛn, be yoli tete sa mun ɔ man ya kunnin i.