Zeremi 2:2 - NYANMIƐN NDƐ'N 1998

² «Ko se Zerizalɛmfuɛ'm be kɛ: ‹Anannganman'n waan: Mantanlɛ nga kɛ amun tɛ yo kɛ talua sa'n amun nin min mantannin'n, klolɛ nga amun fa kloli min kɛ be fa klo bla bɔ b'a jɛ i uflɛ sa'n b'ɔ man an suli min su aawlɛ flɛnnɛn, bɔ be kwla di-man nun fie'n i nun'n, mín wla o su.

Zeremi 2:2 ပူးပေါင်းရင်းမြစ်များ

Jue Mun 129:1

Zerizalɛm kɔlɛ'n i su jue. Kɛ ɔ fin min kaan nun lele'n, blɛ sunman be kleli min yalɛ. Man Izraɛlfuɛ'm be kan sɔ wie! Man be se kɛ:

Ezipt Lɔ Tulɛ'n 14:31

Kɛ Izraɛlfuɛ'm be wunnin Anannganman i tinmin dan bɔ i ti ɔ kwlali Eziptfuɛ mun'n, bé nyin yili i. Be lafili i su, yɛ be lafili i sufuɛ Moiz su wie.

Ezipt Lɔ Tulɛ'n 16:8

Moiz waan: «Anannganman wa man amun nnɛn amun ´di ndɛ nnɔsua. Ainman nglɛmun kusu'n, ɔ ´man amun kpaun nga ɔ ko ju amun dilɛ'n. Anannganman tili trikilɛ nga amun trikili i su lɛ'n. ?Afin waan yɛlɛ ye? Nán e su yɛ amun trikili-ɔ, sanngɛ Anannganman i su yɛ amun trikili-ɔ.»

Nyanndra Mun 1:20

Sɛ akunndan'n ti sran'n, wuun n ´se kɛ ɔ kpan mmuɛ'm be nun sin. Ɔ kpan sin, ɔ lɛ-man anyia lika kun nga be ti-mɛn i aniɛn'n nun-ɔn.

Ngɔjue Fɛfɛ Kpa'n 3:11

Zerizalɛm talua mun, amun `bla be wa nian famiɛn Salomɔn. Kle nga i nin mɛnnin i'n, kɛ be ´trɛ i soman'n i atɔnvlɛ'n, ɔ wo i ti. Afin cɛn sɔ'n ti i aklunjuɛ cɛn.

Ngɔjue Fɛfɛ Kpa'n 3:6

?Nguɛ yɛ ɔ fin aawlɛ flɛnnɛn'n nun ba kɛ sin wɛnsrɛn sa nin-ɔn. ?Nguɛ yɛ ɔ ´ba wuun mir nin ansans fanninfannin, ɔ nin parfɛn kpakpa'n kwlakwla be ´bɔn su i su sɔ nin-ɔn?

Ezai 58:1

Anannganman wan yoo: «Kpan kpanlɛ kpa, nán mian wɔ alowa'n!» Kpan kekle kɛ nnɛn wɛ bɔ be fita nun b'ɔ tɛ kekle'n sa, kan min nvle nunfuɛ'm bé sa tɛ'm bɔ be yo'n kle be, kan Zakɔb i osu'n nunfuɛ'm bé sa'm bɔ be yo'n kle be.

Zeremi 11:6

Anannganman'n seli min kɛ: «Kan ndɛ ng'ɔ o yɛ'n Zida klɔ'm be su, kan sin Zerizalɛm akpɔ'm be su. Se kɛ: ‹An `nian aenguɛ sɔ'n su be nanti.

Zeremi 19:2

Nan `fin klɔ nun fite. A ´kɔ'n, sin Sɛ Bue Anuan'n nun. Kɔ Inɔm kongo'n i wun lɔ. A ju lɔ'n, n ´fa ndɛ n ´wla ɔ́ nuan yɛ a ´kan-an.

Zeremi 2:1

Anannganman'n kaleli min kɛ:

Zeremi 2:6

B'a usa-man kɛ: ‹?Anannganman'n b'ɔ fali ye Ezipt lɔ bali'n, b'ɔ kleli ye atin aawlɛ flɛnnɛn nun lɔ'n, ɔ liɛ lika kee sɔ'n, lika kunman-kunman sɔ'n, nzue we lika sɔ'n, awlaboɛ lika sɔ'n, lika bɔ sran fi sin-man nun'n, bɔ sran fi tran-man lɔ'n, Anannganman sɔ'n wo nin?

Zeremi 3:4

Kɛ e ´se yɛ'n bɔ a se min kɛ: ‹?Mín si bɔ kɛ ɔ fin min kaan nun yɛ ɔ nin min trali janvuɛ'n,

Zeremi 7:2

I waan ɔ ko jran Nyanmiɛn i sua'n i anuan'n nun nan ɔ `kan ndɛ ng'ɔ o yɛ'n man sran'm be ti: «Zidafuɛ mun, amun `tie ndɛ nga Anannganman kan'n, amun bɔ an sin anuan nga nun'n, an ko koto Anannganman'n i bo'n.

Ezekiɛl 16:22

Blɛ bɔ a ´si blɔdɛ'n i tɛtɛ kpa'n, ɔ́ wla ɔ'a kpɛn-man ɔ kaan nun su, kɛ ɔ yo sɔ'n, wuun ɔ wun ti ngbɛn'n, wuun like fi nun-man ɔ́ wun yɛ a la kondo ɔ mmoja'n nun.»

Ezekiɛl 16:60

Sanngɛ n liɛ fuɛ'n, n wla su fi-man aenguɛ nga e nin wɔ e trɛli i blɛ bɔ a tɛ yo bakan'n i su. Yɛ n ´kaci i aenguɛ uflɛ b'ɔ ´ka lɛ tititi .

Ezekiɛl 16:8

N sinnin ɔ́ wun lɛ, n ´nian-an, a si yasua-a ɔ yo ye yɛ n fali min tralɛ dan'n n katali ɔ́ wun-ɔn, b'a wun-man ɔ́ wun kplɛn'n kun. N tali nda kɛ n su kpɔci-man wɔ e nin wɔ e trali aenguɛ. Kpɛkuun yɛ a yoli min liɛ-ɔ.› » Anannganman Nyanmiɛn'n yɛ ɔ kan sɔ-ɔ.

Ezekiɛl 23:19

Sanngɛ ɔ wa wlɛli wun ase ɔ boli tekle'n. Ɔ nantili tekle bolɛ'n nun kɛ ɔ fa boli i talua nun Ezipt lɔ'n sa.

Ezekiɛl 23:3

Be ko boli tekle Ezipt lɔ. Be boli tekle be talua nun, lɔ yɛ sran wie mian-miannin be nyɔnflɛn fifi nin-ɔn. Lɔ yɛ be kannin be wue'n bɔ be nian kɛn-mɛn i le nin-ɔn.

Ezekiɛl 23:8

Ɔ'a yaci-mɛn i tekle ng'ɔ boli i Ezipt lɔ'n. Afin be nin i lali i talua nun yɛ be miɛn-miɛnnin i nyɔnflɛn'n fifi, yɛ be fɛ i wlali tekle bolɛ'n nun.

Ndɛ Nga Nyanmiɛn I Nuan Ijɔfuɛ Oze Kannin'n 11:1

«Kɛ Izraɛl tɛ yo sɛsɛ kan'n, yɛ n sɔli i klolɛ-ɔ, i nun sɔ'n nun yɛ n flɛli mín wa'n kɛ ɔ jao Ezipt lɔ bla-a .

Ndɛ Nga Nyanmiɛn I Nuan Ijɔfuɛ Oze Kannin'n 2:15

Baal sɔlɛ b'ɔ sɔ i'n, bɔ sɛ i cɛn'n ko ju-ɔ, ɔ fɛfɛ i wun klanman, ɔ fa nzɛ wlɛ i sa'n, yɛ ɔ wla i kɔmin nyanman nglanman mun'n, i ti e nin e wa nyɛn i. Ɔ su i soman'm bé su kpɛkuun i wla fi mín su.» Anannganman yɛ ɔ kan sɔ-ɔ.

Ndɛ Nga Nyanmiɛn I Nuan Ijɔfuɛ Oze Kannin'n 2:17

Kpɛkuun n ´fɛ i vinyi fie mun `mɛn i ekun. N ´yo man Nyrɛnnɛn kongo'n ´kaci i wla ase gualɛ lika. Ɔ wa to jue su min su kɛ i talua nun'n sa. Ɔ ´su min su kɛ blɛ ng'ɔ fin Ezipt ´ba-a, ɔ fa suli min su'n sa .»

Ndɛ Nga Nyanmiɛn I Nuan Ijɔfuɛ Oze Kannin'n 2:7

Bé nin sili tekle. I b'ɔ wuli be'n, i bɔbɔ kuɛkuɛli i wun, afin ɔ ko se kɛ: ‹N ´kɔ min soman'm bé sin, afin sɛ n ´nyan aliɛ n ´di o, sɛ n ´nyan nzue n ´nɔn o, sɛ n ´nyan kondro n ´kla o, sɛ n ´nyan be n ´la su o, sɛ n ´nyan nguɛn n ´kpakpa o, sɛ n ´nyan nzan n ´nɔn o, i kwlaa sɔ'n fin be.›

Ndɛ Nga Nyanmiɛn I Nuan Ijɔfuɛ Oze Kannin'n 8:1

An `bo awɛ be bo sran'm be jɔ. Anannganman i sran'm be kpɔfuɛ'm bé su tɔ bé su, kɛ anunman nyin tɔ like wie su'n sa. «Sa ti bɔ be tɔ bé su sɔ'n, yɛlɛ kɛ aenguɛ nga min nin be e trali'n, b'a saci i'n. I bo'n kun ekun yɛlɛ kɛ b'a bu-man min mmla'n i like fi kun.

Ndɛ Nga Nyanmiɛn I Nuan Ijɔfuɛ Oze Kannin'n 9:10

Anannganman'n waan: «Laa Izraɛl ti min nyrun kɛ aawlɛ flɛnnɛn wie nun vinyi mma sa. Kɛ n niannin amun nannan mun'n, n wunnin kɛ be like bɔ be fɛli i'n blɛ sɔ nun'n, yɛlɛ figie mma klikli nga be nyɛn i figie'n su'n. Sanngɛ be Baal-Pɛɔr lɔ julɛ yɛ, bé wun Baal b'ɔ ti nyannzuɛn like'n i sa nun fa wlalɛ yɛ. Be fali bé wun wlali amuɛn sɔ'n i sa nun, ɔ man be bɔbɔ be kacili tete like kɛ be soman uflɛ sɔ'n sa.

Zonas 1:2

«Jaso kɔ Niniv, kɔ klɔ dan sɔ'n su lɔ. Kan ndɛ cinnjin ng'ɔ o yɛ'n weiin kle lɔfuɛ mun: Ninivfuɛ'm be nzuɛn tɛ'n ɔ'a flan min.»

Matthieu 11:15

Sran ng'ɔ si fa sie'n, man ɔ fa sie.

JÉSUS-CHRIST I DYASIN FE'N BO LUC KLELI'N 12:13

Be bɔ be yiali lɛ'n, kun seli Jésus kɛ: «Nja, se min niaan bian'n man e cɛ aja bɔ é si yaci mannin ye'n.»

Mmla'n 2:7

Afin like nga amun yoli bɔ Anannganman amun Nyanmiɛn'n man ɔ'a yo-man ye'n ɔ nun-man lɛ. Ɔ niannin amun su aawlɛ flɛnnɛn dan nga i kpɛlɛ'n nun. Afuɛ ablanan nga amun dili'n nun'n, Anannganman amun Nyanmiɛn ɔ'a kpɔci-man amun le. Like fi ɔ'a mian-man amún sa.

Mmla'n 33:3

Anannganman klo Izraɛl akpasua-akpasua be sufuɛ mun. Ɔ sasa be bɔ be ti i liɛ mlɔnmlɔn'n, ɔ sasa be bɔ be trɛn i bo lɛ kɛ be ´ti i ndɛ'n.

Mmla'n 8:2

Nán amún wla fi atin tɛnndɛn nga Anannganman amun Nyanmiɛn'n fali amun sinnin nun aawlɛ flɛnnɛn'n nun lɔ afuɛ ablanan'n. I waan ɔ ´gua amun nyin ase nan ɔ ´sa amun nian. I waan ɔ ´si amun klun lɔ akunndan mun. I waan ɔ ´nian sɛ amun ´fɛ i nuan ndɛ'n su o, annzɛ sɛ o.

Jacques 4:4

An ti kɛ bla b'ɔ kunndɛ bian i wun bo sa. ?An si-man kɛ sran ng'ɔ klo mɛn'n i dilɛ'n, wuun ɔ kpɔ Nyanmiɛn? Ɔ man sran nga i waan ɔ ´fa mɛn'n tɛkɛ i ti su'n, ɔ kaci Nyanmiɛn i kpɔfuɛ.

Sa nglô yile 2:4

Sanngɛ amún wun sa o n klun, yɛlɛ kɛ klolɛ nga an fa klo min laa'n, an klo-man min sɔ kun.