Zeremi 2:19 - NYANMIƐN NDƐ'N 1998

¹⁹ Ɔ klunwi'n i su sa'n yɛ ɔ taka ɔ́ ti su lɛ-ɔ. Wɔ ajalɛ tɛ nga a tuli'n i su afɛ'n yɛ a ´fɛ i lɛ-ɔ. A wa wun kɛ kannzu min Anannganman bɔ n ti ɔ Nyanmiɛn'n min ase yilɛ'n, ɔ nin ɔ́ nyin b'ɔ yi-man min'n, ɔ ti sa tɛ dan kpa.» Anannganman Nyanmiɛn b'ɔ sie mɛn wunmuan'n yɛ ɔ kan sɔ-ɔ.

Zeremi 2:19 ပူးပေါင်းရင်းမြစ်များ

1 Famiɛn Mun 18:18

Eli tɛli i su kɛ: «Nán min yɛ man Izraɛlfuɛ'm be wun nyrɛnnɛn nin-ɔn. Wɔ a nin ɔ si i osufuɛ mun, amun ti-ɔ, afin amun yacili Anannganman i mmla'm be lɛ, amun ko suli Baal mun.

2 Be Nyoliɛ 12:5

Sɛmaɛza b'ɔ ti Nyanmiɛn nuan ijɔfuɛ'n ko toli Rɔbɔam nin i awlo lɔ sran dandan mun Zerizalɛm lɔ, afin kɛ Sisak ´ba'n, be ko yiali lɔ. Ɔ seli be kɛ: «Anannganman wan yoo: ‹Amun kacili amun sin sili min! N kusu n ´fa amun wla Sisak sa nun.› »

2 Be Nyoliɛ 21:10

Kɛ ɔ fɛli i blɛ sɔ'n nun'n, Zida ɔ'a sie-man Edɔmfuɛ mun kun lele ndɛ. Klɔ nga be flɛ i Libna'n, i blɛ kunngba sɔ nun'n, i sufuɛ'm be kusu be yili bé ti Zɔram i sielɛ'n bo wie, yɛlɛ kɛ Zɔram yili Anannganman b'ɔ ti i nannan'm be Nyanmiɛn'n i ase.

2 Be Nyoliɛ 25:16

Famiɛn'n kpaloli i nuan ndɛ'n, yɛ ɔ usɛli i kɛ: «?I kpa'n, e fali wɔ kɛ a yo famiɛn'n i afɔtuɛ manfuɛ? Sɛ a kunndɛ-man kɛ be yo wɔ tɛtɛ'n, nán kan ndɛ fi kun!» Nyanmiɛn nuan ijɔfuɛ'n mannin ndɛ'n su ekun, ɔ seli kɛ: «Sa nga a yoli'n nin afɔtuɛ nga m mannin wɔ bɔ w'a fa-man ti'n, n si kɛ Nyanmiɛn ɔ'a gugu kɛ ɔ ´kun wɔ.»

Jue Mun 36:1

Jue nga ti David b'ɔ ti Anannganman i sufuɛ'n, i liɛ. Ɔ o jue tofuɛ'm be su kpɛn'n i fluwa'm be nun wie. I waan:

Ezipt Lɔ Tulɛ'n 33:6

Kɛ Izraɛlfuɛ'm be jasoli Orɛb oka'n wun lɛ bɔ be ´kɔ'n, be yiyili be wun blɛ dilɛ ninnge mun.

Nyanndra Mun 1:31

Amun bɔbɔ amun atin nga amun fali'n i su sa yɛ ɔ nyannin amun-ɔn.

Nyanndra Mun 1:32

Yɛ amún sa su kpalɛ'n mlin amun, afin amun sinnglinfuɛ mun amún ti totolɛ'n ɔ ´kun amun.

Nyanndra Mun 5:22

Sran nga sa tɛ'n yɛ ɔ yo'n, sa tɛ sɔ'n ɔ ci i. Ɔ ti kɛ aya sa, ɔ trɛ i bɔbɔ.

Ezai 3:9

Be wafa nga be ti'n, ɔ saci bé wun. Be yo be sa tɛtɛ mun wia klengle kpa'n nun kɛ Sodɔm lɔ fuɛ'm be sa, be fia-man bɔ kaan sa. Be yako! Afin be liɛ'n, be bɔbɔ be nyrɛnnɛn trɔ'n yɛ be su wlɛwlɛ i lɛ-ɔ.

Ezai 5:5

Ɔ man yoo, n wa kle amun like nga n wa fa yo min vinyi fie'n. M ´bubu i wun talɛ'n, yɛ nnɛn'm be wa di vinyi nga n tali'n. N ´saci awa ng'ɔ si i wun'n, yɛ be nga be ´sin'n be ´tiatia vinyi'n su.

Ezai 50:1

Anannganman waan: «?Fluwa bɔ n klɛli b'ɔ kle kɛ m'an yra amún nin'n, ɔ o ninfan? ?Annzɛ kusu, sran nga i kalɛ wo min su bɔ n yoli amun atɛ i sa nun'n, yɛlɛ wan? Sɛ be yoli amun atɛ'n, ɔ fin amun fɔnlɛ bɔ amun fɔnnin'n, sɛ be kannin amún nin bo'n, ɔ fin amun sa tɛtɛ bɔ amun yo'n.

Zeremi 1:16

Sa tɛ kwlaa nga be yoli'n ti'n bé fɔ nga n kannin kɛ m ´bu be'n, m ´bu, yɛlɛ kɛ be kacili be sin sili min: be yrali ansans mannin amuɛn mun, be bɔbɔ be yoli amuɛn mun, kpɛkuun be bli bé nyin be kotoli be bo.

Zeremi 13:22

A wa usa ɔ́ wun kɛ: ‹?Nguɛ ti yɛ sa nga'm be ju min su-ɔ?› Sɛ a ti bla'n, wuun n ´se kɛ sa tɛ dan bɔ a yoli'n ti yɛ be trali wɔ bɔ be nin wɔ lali kekle nun nin-ɔn.

Zeremi 2:17

?Izraɛl nvle, nán ɔ bɔbɔ yɛ man i sɔ sa'n ju wɔ su-ɔ? Afin Anannganman bɔ yɛ ɔ ti wɔ atin klefuɛ'n, a kacili ɔ sin sili i.

Zeremi 3:22

«Amun bɔ amun ti kɛ bian safuɛ sa'n, an `sa amun sin bla, man n yo nan amún bian sa'n ɔ wie.» «E yɛ e o yɛ, y'a ba ɔ́ sin Anannganman, afin wɔ yɛ a ti e Nyanmiɛn nin-ɔn.

Zeremi 4:18

«Sa ti b'ɔ yo sɔ'n yɛlɛ ɔ nzuɛn'n nin wɔ aeliɛ mun. Sa sɔ'n b'ɔ ju wɔ su'n, sa tɛ bɔ a yoli'n ti-ɔ, a wun i ya kpa. Ɔ wlu ɔ wun kpa sa fiaan!»

Zeremi 5:22

Anannganman usa kɛ: ‹?M bɔbɔ'n yɛ amun nyin yi-man min nin-ɔn? ?Yɛ an usu-man min nyrun nin-ɔn? Min yɛ n fali aunnyan'n n jali jenvie'n i awɛ nin-ɔn. Ɔ ti i awɛ mlɔnmlɔn ɔ lɛ-man atin kpɛ-man. Kannzɛ ɔ ´keje sɛ nán kɛ ɔ ´kwla yo sa ti-ɔ. Kannzɛ ɔ ´bo sɛ, nán kɛ ɔ ´kwla kpɛ ti-ɔ,

Zeremi 5:24

An bu-man akunndan se-man kɛ: ‹Man e nyin yi Anannganman e Nyanmiɛn'n, afin i yɛ kɛ nzue'n ju i blɛ'n, ɔ tɔ man ye-ɔ. Ɔ tɔ nzue klikli nin afuɛ nuan nzue kasiɛn'n. I yɛ man afuɛ nuan kwlakwla e nyan blɛ e ti e fie su ninnge mun-ɔn.›

Zeremi 5:6

I sɔ'n ti yɛ asɔmɔli'm be fin bo nun lɔ bɔ be fa be nyin wɔ be nin-ɔn. I sɔ'n ti yɛ blo alua mun bɔ be o lika kpɛtɛkplɛɛ'm be nun'n, be titi be nun nin-ɔn. I sɔ'n ti yɛ kangale'n bu sa be klɔ'm be sin ɔ titi be kwlaa nga be fin lɔ fite'n be nun nin-ɔn. Kannzu bé nyin kekle aeliɛ b'ɔ sɔnnin sa'n ti-ɔ. Be nyin kekle beblebe sa'n ti-ɔ.

Zeremi 7:19

Anannganman wan yoo: «?Like nga be yo i lɛ'n, min yɛ be su yo min-ɔn? Be bɔbɔ yɛ be su yo be wun-ɔn. Ɔ ti be bɔbɔ be nyrun nyannzuɛn.»

Zeremi 8:5

?Yɛ ɔ yo sɛ ti yɛ Zerizalɛmfuɛ'm be nyin kekleke'n ti tantrantan sa-a? B'a fa bé wun b'a mantan ato ninnge mun saa, nán bé wun kpɔcilɛ yɛ be ko kpɔci-ɔ.

Ezekiɛl 23:30

Sa ti bɔ be ´yo wɔ sɔ'n yɛlɛ kɛ a nin nvle-nvle mun amun boli tekle. Afin a yoli ɔ wun fiɛn be amuɛn fiɛnfiɛn'm be sɔlɛ'n nun.

Ezekiɛl 39:24

N niannin kɛ be sa tɛtɛ'm be fa ti'n i su yɛ n yoli be sa nin-ɔn. N kacili mín sin n sili be.»

Ndɛ Nga Nyanmiɛn I Nuan Ijɔfuɛ Oze Kannin'n 11:7

Gblɛ kpɛlɛ'n yɛ min sran'm be fa cici bé ti-ɔ, be flɛ be kɛ be jaso, sanngɛ ngbɛn-ɔn.

Ndɛ Nga Nyanmiɛn I Nuan Ijɔfuɛ Oze Kannin'n 13:9

Izraɛlfuɛ mun, amun nunnunlɛ'n ɔ fin min wun bɔ amun jasoli'n. ?Wan yɛ ɔ wa uka amun-ɔn?

Ndɛ Nga Nyanmiɛn I Nuan Ijɔfuɛ Oze Kannin'n 14:1

Samarifuɛ'm be jasoli be Nyanmiɛn'n i wun, be wa fɛ i su afɛ'n. Alɛ'n wa di be, be ´wie be mma'm be nunkun, be ´kpaci be yi'm bɔ be ti wunnzɛfuɛ'm be klun nun.

Ndɛ Nga Nyanmiɛn I Nuan Ijɔfuɛ Oze Kannin'n 4:16

Izraɛlfuɛ'm be yoli nyin kekle. Be yoli kɛ nannin bla wie bɔ be ´sie i kɔmin su waka-a ɔ kpli-man su'n sa. Ɔ man i ti siɛn'n, Anannganman ɔ wa yo be kɛ bua ba wie bɔ b'a to i kunngba cenje b'a yi i aawlɛ wie nun b'ɔ su didi'n sa.

Ndɛ Nga Nyanmiɛn I Nuan Ijɔfuɛ Oze Kannin'n 5:5

Efraimfuɛ'm bé wun tulɛ'n ɔ'a saci bé wun. Izraɛlfuɛ mun nin Efraimfuɛ'm be sa tɛ bɔ be yoli'n ti be su wa tɔ. Zidafuɛ'm be nin be yɛ be ´tɔ-ɔ.

Ndɛ Nga Nyanmiɛn I Nuan Ijɔfuɛ Oze Kannin'n 7:2

Sanngɛ ɔ kpɛn-man sran fi klun se-man kɛ wie-ɔ, tɛ nga be yo'n n wun i. Yɛ be bɔbɔ bé tɛ'n yɛ ɔ'a ci be siɛn'n yɛ. I kwlaa'n yɛ ɔ gua mín nyin su kpɛsɛ yɛ.

Ndɛ Nga Nyanmiɛn I Nuan Ijɔfuɛ Oze Kannin'n 9:1

Izraɛlfuɛ mun, nán amun bo wɛ be bo nglo, nán amun bo wɛ be yi be aklunjuɛ'n i nglo kɛ nvle kun nga mun sa. Afin sɛ n ´kwla se'n amun kpɔcili min bɔ n ti amun Nyanmiɛn'n amun tekle silɛ'n ti. Kan kwlaa nga be bo ble lɛ'n, san amun ´kunndɛ amun akatua lɛ kpan!

Amɔs 8:10

Amún cɛn nga amun di be'n, n ´fa be n ´kaci awlaboɛ cɛn, jue nga amun to be'n, n ´fa be n ´kaci sunlɛ. Sran'm be kwlaa be ´wla bajɛ tralɛ. N ´fa nyrɛnnɛn n ´yi nvle wunmuan'n su. Be sran'm be kwlaa be ´kpu bé ti'n su kɛ sran wie bɔ i wa ba kunngba cenje'n ɔ'a saci i sa nun'n sa. Kpɛkuun i agualiɛ'n ko yo-man aklunjuɛ.»

Mise 1:5

Sa ti bɔ i sɔ ninnge'm be ´yo'n, yɛlɛ sa tɛ bɔ Zakɔb i osu nunfuɛ mun be yoli'n, yɛlɛ tɛ bɔ Izraɛl nvle'n yoli'n. ?Zakɔb i osu nunfuɛ'm bé sa tɛ'n bɔ be yo'n i bo'n ɔ fin wan? I bo'n fin Samarifuɛ mun. ?Zidafuɛ'm be kusu be amuɛn sɔlɛ'n i bo'n ɔ fin wan? I bo'n fin Zerizalɛmfuɛ mun.

Zakari 7:11

Sanngɛ b'a sie-man be su, be yoli nyin kekle.

Rɔmfuɛ Mun 3:18

Nyanmiɛn ti-man like fi be nyrun, ɔ man be nyin yi-mɛn i.»

Jɔlɛ Difuɛ Mun 10:13

Sanngɛ kpɛkuun amu'an kaci amún sin a si min, amu'an wɔ amuɛn'm be sɔlɛ. Nga amun yoli i lɛ'n ti n su de-man amun kun.