Zeremi 2:18 - NYANMIƐN NDƐ'N 1998

¹⁸ ?Ezipt lɔ Nil nzue'n ba'n i nzue nɔnlɛ'n ɔ wa yo wɔ sɛ? ?Asiri lɔ Efrat nzue ba'n i nzue i nɔnlɛ'n ɔ wa yo wɔ sɛ?

Zeremi 2:18 ပူးပေါင်းရင်းမြစ်များ

2 Be Nyoliɛ 28:16

Blɛ sɔ nun'n, famiɛn Akaz seli Asiri famiɛn'n kɛ ɔ wa ukɛ i,

Ezai 23:3

Fie nga be di be Nil'n i nuan'n, be su ninnge'm be kaci Sidɔnfuɛ'm be liɛ. Sidɔn lɛ yɛ mɛnmɛn'm be nunfuɛ'm be wa di bé gua-a.

Ezai 31:1

Be nga be kɔ Ezipt kɛ be ´ko kunndɛ ukalɛ'n be yako. Nnɛn kpanngɔ'm be su yɛ be bu be akunndan'n be gua-a. Alɛ kakaklolo kpanngban'm be su yɛ bé wla'n wo-ɔ. Nnɛn kpanngɔ su fufuɛ'm be su yɛ be kisa-a, afin be si alɛ kun. Be kpɛ-man bé nyin Izraɛl Nyanmiɛn'n i wun lɔ, be usa-man Anannganman osu.

Ezai 7:20

Blɛ sɔ nun'n, Anannganman ko fa laliɛ lɛman Efrat nzue'n i sin lɔ. Asiri famiɛn'n i ndɛ yɛ ɔ ´kɛn i lɛ-ɔ. Ɔ ´yi amún ti'n nin amun wunnɛn'n su ndrɛ'n kwlaa, ɔ ´yi amun akanza'n wie.

Zeremi 2:36

?Ɔ yo sɛ yɛ man a kaci ajalɛ ndɛndɛ sa-a? Ezipt'n kusu ɔ wa gua ɔ́ nyin ase kɛ Asiri'n fa guali ɔ́ nyin ase'n sa.

Zeremi 31:22

?Nan wɔ bɔ a ti kɛ talua nyin keklefuɛ wie sa'n kɛ a ´sisi ɔ bo titi sa? Nian, Anannganman ɔ'a kpɛ like uflɛ ba mɛn'n nun. Siɛn'n, bla yɛ ɔ ko wlan-wlan kunndɛ yasua-a.»

Ngwlɛ Yilɛ 4:17

E waan wuun sɛ mɛn uflɛ wie nun sran'm be ´ba e delɛ o. Y'a kplongblo e nyinma'n lele y'a fɛ ngbɛn. Y'a nian, y'a nian, e klun fɛfɛfɛ, kpɛkuun sran fi ɔ'a ba-man e delɛ .

Ngwlɛ Yilɛ 5:6

E yo Eziptfuɛ mun nin Asirifuɛ'm be atannin nan y'a nyan é nuan nun aliɛ y'a di.

Ezekiɛl 16:28

A nin Asirifuɛ mun amun sili blɔdɛ, yɛlɛ kɛ laa liɛ'n ɔ'a ju-man wɔ, ɔ nin i sɔ'n ngba'n, ɔ́ nyin a yi-man ng'ɔ o lɛ'n ekun.

Ezekiɛl 17:15

Sanngɛ famiɛn uflɛ'n jasoli ng'ɔ kwlali i'n i wun, ɔ sunmannin sran Ezipt lɔ kɛ be kɔ srɛ nnɛn kpanngɔ nin sonja kpanngban kpa. ?Sran ng'ɔ yoli sa sɔ'n, ɔ ´fite nun? Ɔ sacili aenguɛ'n, i ti ɔ su fite-man nun.

Ezekiɛl 23:30

Sa ti bɔ be ´yo wɔ sɔ'n yɛlɛ kɛ a nin nvle-nvle mun amun boli tekle. Afin a yoli ɔ wun fiɛn be amuɛn fiɛnfiɛn'm be sɔlɛ'n nun.

Ndɛ Nga Nyanmiɛn I Nuan Ijɔfuɛ Oze Kannin'n 5:13

Efraimfuɛ'm be wunnin be tukpacɛ'n, Zidafuɛ'm be kusu be wunnin bé wun kannin dan'n. Ɔ man Efraimfuɛ'm be nuan toli Asirifuɛ mun. Be sunmannin sran famiɛn dan'n i wun lɔ. Sanngɛ Efraimfuɛ mun famiɛn sɔ'n su kwla yo-man man amun jaso-man, ɔ su kwla yo-man amún kannin'n i ayre.

Ndɛ Nga Nyanmiɛn I Nuan Ijɔfuɛ Oze Kannin'n 7:11

Efraimfuɛ'm be ti kɛ auble wie mun bɔ be si-man ngwlɛlɛ bɔ akunndan nun-man bé ti nun'n sa. Be kpan flɛli Eziptfuɛ mun, kpɛkuun b'a sin b'a ɔ Asiri.

Zozie 13:3

b'ɔ fɛ i Ezipt nuan su, Siɔn nzue ba nuan'n, lele fa ju Ekrɔn b'ɔ o nglo lɔ lika nun'n. Lika sɔ'm be ka be wla Kanaan lika'n nun. Filistifuɛ'm be kpɛnngbɛn nnun'n: Gaza liɛ'n, Asdɔd liɛ'n, Askalɔn liɛ'n, Gat liɛ'n, ɔ nin Ekrɔn liɛ'n, lika sɔ'n ti be liɛ.