Zeremi 2:14 - NYANMIƐN NDƐ'N 1998

¹⁴ «?Izraɛl ti kanga? ?Ɔ ti afanniɛn ba? ?Cɛcɛ, yɛ ɔ yo sɛ ti yɛ man be trɛ i be kɔ kɛ be su di afɛn sa nin-ɔn?

Zeremi 2:14 ပူးပေါင်းရင်းမြစ်များ

Ezipt Lɔ Tulɛ'n 12:49

Mmla sɔ'm be ti amun Izraɛlfuɛ mun amun liɛ, yɛ be ti aofuɛ nga be tran amun mɛn'n nun be liɛ wie kusu.»

Ezipt Lɔ Tulɛ'n 4:22

I blɛ sɔ nun'n, se i kɛ: ‹Ndɛ nga Anannganman kan'n yɛ: Izraɛl nvle'n ti kɛ min wa yasua sa, min wa yasua klikli nin-ɔn.

Akunndanfuɛ'n 2:7

N toli afanniɛn bla nin kanga yasua mun, kpɛkuun be wuli ba min awlo'n nun be mannin min. N nyannin nannin kpanngban, nin bua kpanngban, ɔ nin boli kpanngban. N nyɛnnin i n trali be kwlaa nga be dun mmua min nyrun Zerizalɛm wa'n.

Ezai 50:1

Anannganman waan: «?Fluwa bɔ n klɛli b'ɔ kle kɛ m'an yra amún nin'n, ɔ o ninfan? ?Annzɛ kusu, sran nga i kalɛ wo min su bɔ n yoli amun atɛ i sa nun'n, yɛlɛ wan? Sɛ be yoli amun atɛ'n, ɔ fin amun fɔnlɛ bɔ amun fɔnnin'n, sɛ be kannin amún nin bo'n, ɔ fin amun sa tɛtɛ bɔ amun yo'n.

Zeremi 17:4

Aja nga n fa mannin amun'n, amun bɔbɔ ti man ɔ ´fi amun sa. N ´yo man amun kpɔfuɛ'm be ´tra amun kɔ mɛn wie bɔ amun si-mɛn i'n nun. Afin min ya'n b'ɔ jue kɛ sin sa'n amu'an sɔ i nuan. Ɔ ´jue lele be yo i like fi-ɔ ɔ su yo-man ye.

Zeremi 5:19

Sɛ be usa kɛ: ‹?Sanngɛ ɔ yo sɛ ti yɛ Anannganman e Nyanmiɛn'n yoli ye sa-a?› Tɛ be su kɛ: ‹I nun bɔ amun wo amun bɔbɔ amun mɛn'n nun lɔ'n, amun yacili min lɛ ko suli nvle uflɛ'm be nun amuɛn mun, i sɔ'n ti kusu yɛ man amun wa kɔ mɛn uflɛ nun amun ´ko su sran uflɛ mun nin-ɔn.› »