Zeremi 19:8 - NYANMIƐN NDƐ'N 1998

⁸ N ´yo man klɔ nga kɛ sran be ´wun i'n, be ´bo bli. N ´yo man kɛ be nga be sin'n be wun sacilɛ bɔ ɔ'a saci'n, be ´bo awuyomo, yɛ be ´didi i wun.

Zeremi 19:8 ပူးပေါင်းရင်းမြစ်များ

1 Famiɛn Mun 9:8

Sua sɔ'n bɔ i dunman'n ɔ fu'n, sran nga be ´sin i wun lɛ'n, be kwlaa be ´kpiti yɛ bé nuan'n ´bo bé wun. Be ´usa kɛ: ‹AI! ?Ɔ yo sɛ ti yɛ Anannganman yo mɛn nga nin sua nga'm be sɔ-ɔ ?›

Zeremi 18:16

B'a yo man kɛ a wun be mɛn'n sa-a, ɔ yo sro, sran'm be yaci-mɛn i finfin yolɛ, be kwlaa nga be sin lɛ'n, be nuan bo bé wun, yɛ be keje be ti sɛkɛsɛkɛsɛkɛ.

Zeremi 25:18

N fa mannin Zerizalɛmfuɛ mun nin Zida klɔ'm be nunfuɛ mun. N fa mannin famiɛn mun nin be awlo lɔ sran dandan mun, nan be nunnun, nan sɛ sran'm be wun be-ɔ, be `bo kitika, be `fa be di flɛn, be `fa be bo sannzan .

Zeremi 49:13

Anannganman waan: «Se kɛ sɛ, n kan m bɔbɔ min Anannganman'n ti: Bɔzra klɔ'n ɔ ´nunnun mlɔnmlɔn, be su wun-man like kun b'ɔ fɛ i-ɔ. Be ´saci kɛ likɛ. Be ´fɛ i dunman'n be ´fa bo sannzan. I asa'n su klɔ'm be kusu be ´nunnun mlɔnmlɔn.»

Zeremi 50:13

Anannganman ɔ'a fɛ i wun ya. I ti sran tran-man nun kun. I ti ɔ ´kaci flɛnnɛn! Sran nga be ´sin Babilɔni'n, kɛ be wun sa ng'ɔ juli i su'n, be ´yo i finfin. Kɛ be wun sacilɛ bɔ ɔ'a saci'n, be srisri i.

Ezekiɛl 27:36

Be nga be di aata bɔ be tran nvle-nvle'm be nun'n, be fɛfɛ ɔ dunman nun. W'a kaci kɛ like kun bɔ be wun i-ɔ srɛ kun be'n sa. W'a kaci kɛ like sroesroe sa. W'a nunnun mlɔnmlɔn.› »

Saun Yolɛ 26:32

Amun mɛn'n i nunnunlɛ tɛ bɔ n ´nunnun i'n ti, ɔ ´yo amun kpɔfuɛ'm be koun.

Mise 6:16

Famiɛn Ɔmri ɔ nin i wa Akab i awlofuɛ'm bé sa tɛtɛ nga be yo'n, i su yɛ amun nian-an. Like nga be yo'n, yɛ amun yo-ɔ. I sɔ'n ti amun klɔ'n ɔ ´bo. Amun kusu bɔ amun wo klɔ'n su'n, srisrilɛ yɛ be ´srisri amun-ɔn. Nyannzuɛn trɔ nga bɔ yɛ ɔ jin min mɛn wunmuan'n i ti su yɛ'n, amun yɛ amun ´suɛ i sɔ nyannzuɛn trɔ liɛ nin-ɔn.»

Sofoni 2:15

«Sran kwlaa ng'ɔ ´sin i wun lɛ'n, srilɛ'n yɛ be sri wɔ-ɔ, be keje be sa be se kɛ: ?Klɔ klanman bɔ i nunfuɛ'm be klun ti-man be'n, bɔ be bu i kɛ be lɛ-man wunsu'n yɛlɛ nga ɔ'a yo sa yɛ'n? ?Klɔ sɔ'n yɛlɛ nga ɔ'a nunnun mlɔnmlɔnmlɔn bɔ ɔ'a kaci nnɛn'm be lawlɛ yɛ'n? »

Mmla'n 28:37

Nvle nga Anannganman ´fa amun ´kɔ be nun'n, be nunfuɛ'm bé nuan ´bo bé wun. Be ´srisri amun, be ´yo amun finfin.

Mmla'n 29:22

Be ´wun kɛ lika'n ɔ'a yo kɛ ɔ'a yra sa sufru nin njin'n ti. Ɔ man be di nun fie-ɔ ɔ yo-man ye, nan ´se kɛ aliɛ yɛ be ´nyɛn i nun-ɔn. Be ´wun kɛ ijre fi su fi-man kɛ Sodɔm, nin Gomɔr, nin Adma, ɔ nin Zɛbɔim bɔ Anannganman fali ya nunnunnin be'n be blɛ su sa.