Zeremi 19:7 - NYANMIƐN NDƐ'N 1998

⁷ Lika nga nun wa'n, n ´saci Zidafuɛ mun, nin Zerizalɛmfuɛ'm be ngwlɛlɛ'n nga be ´fa'n. N ´yo man be ´tɔ be kpɔfuɛ'm be nyrun. Be bɔ be klo-man be nin nguan'n, be ´nyan be. N ´fa be saka'n n ´fa gua anunman nin bo nun nnɛn'm be bo man be di.

Zeremi 19:7 ပူးပေါင်းရင်းမြစ်များ

2 Famiɛn Mun 21:14

N ´yi min sa min nvlefuɛ nga be kali lɛ'n be su, n ´yi be n ´wlɛ i be kpɔfuɛ'm bé sa nun. Be kpɔfuɛ sɔ'm, be ´fɛn bé bo ninnge mun.

Nyanndra Mun 21:30

Anannganman i like nga i waan ɔ ´yo i sa'n, sran i akunndan o, sran i ngwlɛlɛ o, sran i gugulɛ o, i wie fi kwla jrɛn-mɛn i.

Ezai 29:14

I sɔ'n ti, n wa yo man bé nuan'n ´bo bé wun. N wa yi atrɛ mun yɛ n ´yo abonuan sa mun. Akunndanfuɛ'm be akunndan'n ɔ ´mlin, yɛ ngwlɛlɛfuɛ'm be ngwlɛlɛ'n ɔ ´fia .»

Ezai 8:10

Kannzɛ amun bu like nga amun ´yo'n be akunndan sie, be su kpɛn-man su! Kannzɛ amun kan ndɛ wie'n, ɔ su kpɛn-man su, afin Nyanmiɛn nin ye o nun.

Zeremi 15:2

Sɛ be usa kɛ: ‹?Nin yɛ e wɔ-ɔ?› Tɛ be su kɛ: ‹Anannganman'n wan yoo: Be bɔ tukpacɛ b'ɔ sa ndɛndɛ ko kun be'n, man ɔ kun be. Be bɔ alɛ'n ko kun be'n, man ɔ kun be. Be bɔ awe'n ko kun be'n, man ɔ ko kun be. Be bɔ be ko tra be lomuɛn ko wɔ'n, man be tra be wɔ .› »

Zeremi 15:9

Bla b'ɔ wuli ba yasua lele nso'n, yɛ ɔ lɛ-man wie kun yɛ, yɛ ɔ su wu yɛ. I nyrun'n, lika ɔ'a san sanngɛ wia'n tɛ o nun. Ɔ'a sokpa, ɔ'a wun nyannzuɛn. Be nga be ka lɛ'n, n ´yo man be wu be kpɔfuɛ'm be nyrun.» Anannganman'n yɛ ɔ kan sɔ-ɔ.

Zeremi 16:4

«Be ´wu nyrɛnnɛn wie, sran fi su sun-man be, be su sie-man be. Be fuɛn'n ɔ ´kplɔ, ɔ ´yo kɛ angrɛ sa asiɛ'n su. Alɛ'n nin awe'n ´di be. Be fuɛn'm be ´yo apɛtɛkuasi nin nsoso'm be aliɛ.»

Zeremi 18:21

I sɔ'n ti, yo man awe'n kun be mma mun. Fa be bɔbɔ yi i alɛ'n nun. Man be yi'm be mma'm be fi be sa. Man be ka angboti. Man tukpacɛ b'ɔ sa ndɛndɛ'n kun bé wun mun. Man alɛ'n di be mma gbanflɛn mun.

Zeremi 21:7

I sin, Sedesias b'ɔ ti Zida famiɛn'n nin i awlo lɔ sran dandan mun, ɔ nin klɔ'n nun sran nga tukpacɛ b'ɔ sa ndɛndɛ'n nin alɛ'n, ɔ nin awe'n ɔ'a kun-man be'n, n ´fa be n ´wla Nɛbikadnɛzar b'ɔ ti Babilɔni famiɛn'n i sa nun. N ´fa be ´wla be kpɔfuɛ mun nin be bɔ be klo-man be nin nguan'n bé sa nun. Nɛbikadnɛzar su si-man be aunnvuɛ, ɔ su yo-man be blɛblɛ mlɔnmlɔn, ɔ ´kun be.› »

Zeremi 22:19

Be ´sie i kɛ aflunmun wie sa. Be ´cuɛn i fuɛn'n klɔ'n nun be ´ko yi i Zerizalɛm sin lɔ.»

Zeremi 22:25

N ´fa wɔ m ´man be bɔ be klo-man wɔ nin nguan'n. N ´fa wɔ m ´man be bɔ a wun be-ɔ a sro be'n. N ´fa wɔ m ´man Nɛbikadnɛzar b'ɔ ti Babilɔni famiɛn'n nin i sran mun.

Zeremi 32:28

Nan yoo, n ´fa klɔ nga n wla Babilɔnifuɛ'm bé sa nun. N ´fa wla be famiɛn bɔ yɛlɛ Nɛbikadnɛzar i sa nun.

Zeremi 34:20

n ´fa be n ´wlɛ i be kpɔfuɛ nga be sunnzun be nin wie'n bé sa nun. Be fuɛn'n ɔ ´yo anunman nin bo nun nnɛn'm be aliɛ.

Zeremi 46:26

N ´fa be n ´wla be bɔ be kunndɛ be nin wie'n bé sa nun. N ´fa be m man Babilɔni famiɛn Nɛbikadnɛzar nin i sonja mun. Sanngɛ kɛ i sɔ blɛ liɛ'n ko sin'n, Ezipt mɛn'n su ka-man lɛ ngbɛn, sran ´tran nun kɛ laa'n sa.» Anannganman'n yɛ ɔ kan sɔ-ɔ.

Zeremi 7:33

Fuɛn sɔ mun yɛ be ´kaci apɛtɛkuasi nin nsoso'm be aliɛ-ɔ. Be ´di i sa-a sran fi su kankan-man be bo.

Zeremi 8:2

Be ´fa be yi gua'n su, wia'n i bo. Anglo nin nzraama'm be ´ta be su. Afin be kloli ninnge sɔ mun, be suli be, be suli be su, be fali bé wun mantannin be, be kotoli bé bo. Be su yiayia-man be owie sɔ'm be su. Be su sie-man be ndia nun. Be ´kaci kɛ angrɛ yɛ b'a fa guɛ i asiɛ'n nun sa.

Zeremi 8:8

«An tɔn amún wun suɛn se kɛ: ‹E si ngwlɛlɛ. Anannganman i mmla'n, é sa nun yɛ ɔ wo-ɔ.› Kusu wuun mmla'n i klɛfuɛ'm b'a kpɛ i wun lele siɛn'n ɔ'a kaci ato .

Zeremi 8:9

Ngwlɛlɛfuɛ'm b'a wun nyannzuɛn. Srɛ'n ɔ'a kun be kpo, b'a mian. Yɛlɛ kɛ be yoli Anannganman i ndɛ'n i finfin. ?Yɛ wuun kɛ ɔ o lɛ'n, be si ngwlɛlɛ?»

Ngwlɛ Yilɛ 3:37

?Wan yɛ kɛ ɔ uke i nuan'n kpɛkuun nga i waan ɔ `ju'n ɔ'a ka lɛ ɔ'a ju nin-ɔn ? ?Nán Anannganman-an?

Saun Yolɛ 26:17

E nin amun e ´nyɛn i: be nga be nin amun be kun'n, be yɛ be ´kwla amun-ɔn. Sɛ sran fi fuan-man amun bɔbɔ'n, sanngɛ amun ´wanndi .

Saun Yolɛ 26:25

Aenguɛ nga min nin amun e trali bɔ amun sacili i'n ti'n, n ´to alɛ n ´yi amun mɛn'n nun. Man amun ´ko fia klɔ wie'm bé su, sanngɛ n ´fa tukpacɛ bɔ sa ndɛndɛ kun n ´yi i klɔ sɔ'm bé su, yɛ kpɛkuun be nga bɔ be nin amun be kun'n, be yɛ be ´sie amun-ɔn.

Rɔmfuɛ Mun 3:31

?Nyanmiɛn su bɔ be lafi sɔ'n ti, ɔ man e bu-man mmla'n i like fi kun? E bu-mɛn i sɔ mlɔnmlɔn! Siɛn'n e bu i like dan tra laa'n.

Rɔmfuɛ Mun 4:14

Sɛ be nga be di mmla su'n be yɛ be ´nyan like nga Nyanmiɛn seli kɛ ɔ ´fa man'n, wuun Nyanmiɛn sulafilɛ'n ɔ ti ngbɛn, yɛ kusu wuun like ng'ɔ seli kɛ ɔ ´yo'n, ɔ kɛnnin i ngbɛn.

1 Samiɛl 17:46

Ndɛ aliɛ ba liɛ'n nun'n, Anannganman ´fa wɔ wla min sa nun, n ´kun wɔ, n ´kpɛ ɔ́ ti'n. N ´fa Filisti sonja'm be fuɛn'n m ´man anunman nin blo nnɛn mun ndɛ aliɛ ba liɛ'n nun. Ɔ man mɛn wunmuan'n ´si kɛ, Nyanmiɛn jin Izraɛlfuɛ'm be sin sakpa.