Zeremi 19:3 - NYANMIƐN NDƐ'N 1998

³ Se kɛ: ‹Zida famiɛn mun nin Zerizalɛm klɔ'n sufuɛ mun, an `tie ndɛ bɔ Anannganman'n kan'n. Anannganman b'ɔ sie mɛn wunmuan'n, Izraɛl Nyanmiɛn'n wan yoo: An `nian, n wa fa nyrɛnnɛn sa kun n ´yi i lika nga su. Nyrɛnnɛn sa sɔ'n, sran kwlaa nga be kɛn i ndɛ kle i'n, ɔ kpiti kpli.

Zeremi 19:3 ပူးပေါင်းရင်းမြစ်များ

Jue Mun 102:15

Afin e bɔ e ti ɔ sufuɛ mun'n, Siɔn lɔ yɛbuɛ'm be yo e klanman, e klo i osu-osu ng'ɔ ka lɛ'n.

Jue Mun 110:5

Min Min'n ɔ jin ɔ́ sa fama su. Cɛn nga i ya cɛn'n ko ba'n, ɔ ´nunnun famiɛn wie mun.

Jue Mun 2:10

I ti'n, famiɛn mun, amun `yo ngwlɛlɛfuɛ. Asiɛ'n su jɔlɛ difuɛ mun, amun `jran man be man amun afɔtuɛ.

Ezai 28:19

Blɛ'n kwlaa b'ɔ ´ba'n, ɔ ´kan amun. Afin ɔ ´ba nglɛmun kwlaa, ɔ ´ba wia'n nun, yɛ ɔ ´ba kɔnguɛ. Kɛ be ´ti i ngan'n, kpɛkuun srɛ ´kun be.

Zeremi 13:18

Se famiɛn'n nin i nin be kɛ: «An `bubu gua asiɛ wun gblo. Afin amun famiɛn kle klanman'n ɔ'a fin amún ti su ɔ'a tɔ.

Zeremi 17:20

Se sran'm be kɛ: ‹Wɔ Zida famiɛn, amun Zidafuɛ mun kwlaa, yɛ amun Zerizalɛmfuɛ mun kwlaa bɔ amun sin anuan nga nun wa'n, an `sie amún su tie Anannganman i nuan ndɛ'n.›

Zeremi 18:11

Ɔ man se Zidafuɛ mun nin Zerizalɛm klɔ'n sufuɛ'm be kɛ: «Anannganman'n wan yoo: ‹N su siesie amún wun sa kun, n su bu amun wun akunndan tɛ kun. I sɔ'n ti, man amun kwlaa an kaci amun nzuɛn'n. An `nanti klanman kɛ ɔ fata'n sa.› »

Zeremi 19:15

«Anannganman b'ɔ sie mɛn wunmuan'n, Izraɛl Nyanmiɛn'n wan yoo: ‹An `nian, nyrɛnnɛn sa nga n kɛnnin i ndɛ'n, n wa fa yi i klɔ nga nin i asa'n su klɔ'm be kwlaa be su, bé nyin kekle bɔ be yoli'n bɔ n kan ndɛ-ɔ be ti-man'n ti.› »

Zeremi 25:29

?Kɛ bɔ klɔ nga min dunman'n wo su yɛ'n n dun mmua n fali nyrɛnnɛn'n n yili su nin-ɔn, yɛ amun li yɛ n ´yaci n ´cɛ amun-ɔn? N su yaci cɛ-man amun. N ´fa alɛ'n n yi i asiɛ wunmuan'n su. Min Anannganman b'ɔ n sie mɛn wunmuan'n yɛ ɔ kan sɔ-ɔ.»

Zeremi 35:17

I sɔ'n ti, Anannganman b'ɔ sie mɛn wunmuan'n b'ɔ ti Izraɛl Nyanmiɛn'n wan yoo: «Kɛ ɔ ´yo bɔ ndɛ nga n kan'n be fa-man'n, bɔ n flɛ be-ɔ, be sro-man'n, i ti nyrɛnnɛn sa nga n kɛnnin i kɛ n ´fa yi i Zerizalɛmfuɛ mun nin Zidafuɛ'm be su'n, n wa fa yi be su.»

Zeremi 44:3

Sa ti bɔ n yoli be sɔ'n, yɛlɛ sa tɛ bɔ be yoli be fa klɔklɔli min'n. Amuɛn nga bé si'm b'a si-man be bɔ be bɔbɔ kusu be si-man be laa'n, be ko yrali ansans mannin be, be sɔli be.

Zeremi 6:19

Asiɛ'n sufuɛ mun, amun `tie. N wa fa nyrɛnnɛn wie n ´yi nvle sɔ'n i nunfuɛ'm be su. Akunndan tɛtɛ nga be bu'n, i su nyrɛnnɛn-ɔn. Afin b'a fa-man bé su b'a sie-man min ndɛ'n i bo. Be yoli min mmla bɔ n kleli be'n be finfin.

Ezekiɛl 7:5

Anannganman Nyanmiɛn'n wan yoo: ‹Ɔo nyrɛnnɛn! Nyrɛnnɛn bɔ be nian wun-mɛn i wunsu le'n yɛ ɔ ´ba lɛ.

Matthieu 10:18

Be ´fa amun kɔ be bɔ be sie mɛn'n nin famiɛn'm bé ja su min ti nan an kan min ndɛ kle be nin be bɔ be ti-man Zuif'n.

Sa nglô yile 2:29

Sran ng'ɔ si fa sie'n, man ɔ tie ndɛ nga Nyanmiɛn Wawɛ'n kan kle asɔnun mun'n!› »

1 Samiɛl 3:11

Anannganman seli Samiɛl kɛ: «Sa nga n wa fa yo Izraɛl nvle'n, sran kwlaa ng'ɔ ti i sɔ sa liɛ'n ɔ ´kpiti.