Zeremi 19:14 - NYANMIƐN NDƐ'N 1998

¹⁴ Kɛ Zeremi fin Tɔfɛt lɔ kan Anannganman'n sunmɛnnin i kɛ ɔ `ko kɛn i nuan ndɛ'n lɔ bali'n, ɔ ko jrannin Nyanmiɛn i sua'n i awlo'n nun. Ɔ seli sran nga be o lɛ'm be kwlaa kɛ:

Zeremi 19:14 ပူးပေါင်းရင်းမြစ်များ

2 Be Nyoliɛ 20:5

Zozafat jaso jrannin Zerizalɛmfuɛ mun nin Zidafuɛ'm bɔ be sin yiɛ i'n be afiɛn. Ɔ kacili i nyin Nyanmiɛn i sua'n i awlo uflɛ'n su lɔ.

Zeremi 17:19

Anannganman'n seli min kɛ yoo: «Kɔ ko jran sran kpa'm be anuan'n nun kan Zida famiɛn'm be sin lɛ'n, jran Zerizalɛm anuan'n kwlaa nun.

Zeremi 25:2

Zeremi kusu wa kan kleli sran mun, ɔ kɛnnin i Zidafuɛ mun nin Zerizalɛmfuɛ'm be nyrun. I waan:

Zeremi 26:2

«Anannganman'n wan yoo: ‹Ko jran min sua'n i awlo klun'n nun nan kan ndɛ nga n ´fa wla ɔ́ nuan yɛ'n kwlaa kle sran nga be fin Zida klɔ klɔ'm be su ba min bo kotolɛ'n, kan ndɛ sɔ'n kwlaa kle be. Nán yaci wie lɛ.

Zeremi 28:5

Yɛ Nyanmiɛn nuan ijɔfuɛ Zeremi tɛli Nyanmiɛn nuan ijɔfuɛ Anania su Nyanmiɛn nyrun jranfuɛ nin sran nga be o Anannganman i sua nun'n be nyrun lɛ'n, ɔ seli kɛ:

Sa nga bé yôli'n 5:20

«An `wɔ ko jran Nyanmiɛn i sua'n nun lɔ, an `kan nguan nga i ndɛ'n kwlaa kle sran mun.»