Zeremi 18:23 - NYANMIƐN NDƐ'N 1998

²³ Anannganman, ɔ bɔbɔ a si cicilɛ nga b'a cici kɛ be ´kun min'n. I sɔ'n ti sɛ be yi ɔ kpatalɛ tɛ'n, nán sɔ nun. Nán nunnun bé sa tɛ'n nan ɔ jaso ɔ nyrun lɛ. Nán be kwla jran ɔ nyrun. Man bé wun ya tran ɔ klun tititi.

Zeremi 18:23 ပူးပေါင်းရင်းမြစ်များ

Jue Mun 119:126

Anannganman, ɔ mmla'n yɛ be ´fɔn i lɛ, nga a ´ko yo'n, yo.

Jue Mun 35:4

Be nga be kunndɛ kɛ be ´kun min'n, man bé nyin gua ase, man be wun nyannzuɛn. Be nga be gugu kɛ be ´yo min sa'n, man nyannzuɛn kun be, nan be bli be sa bé sin be wɔ.

Jue Mun 56:8

?Sa tɛtɛ nga be ´yo be lɛ'n, nan be nyan bé ti? Ee Nyanmiɛn, fa bé wun ya nan yi be ase!

Jue Mun 59:5

M'an yo-man like fi, sanngɛ kpɛkuun be wanndi be ba min su, b'a sa cɛiin. Jaso! Bla mín wun wa nan nian.

Ezai 10:3

?Fɔ bulɛ cɛn nun'n, nin nyrɛnnɛn ng'ɔ fin mmua ba'n i cɛn nun'n, amun ´yo i sɛ? ?Wan yɛ amun ´wanndi ko talo i-ɔ? ?Yɛ nin yɛ amun ´yaci amun anyanbeun ninnge mun-ɔn?

Ezai 2:9

I sɔ'n ti, be wa kan sran'm be ase, yɛ be wa gua be nyin ase. Yɛ wɔ Anannganman, nán yaci sa fi cɛ be!

Zeremi 11:23

Nyrɛnnɛn nga n wa fa yi i Anatɔtfuɛ'm be su'n, be nun kun sa su fite-man nun.»

Zeremi 15:15

Anannganman, ɔ bɔbɔ a si min. Nán ɔ́ wla tra min su, nian min lika. Tu min klunngbɔ be bɔ be kle min yalɛ'n be su. Nán man ɔ ya bɔ a fɛ-mɛn i ndɛndɛ'n ti sa `nyan min. Ɔ bɔbɔ nian, nyannzuɛn nga n ´wun i yɛ'n, ɔ dunman nun yɛ n wun i-ɔ.

Zeremi 17:18

Min yalɛ klefuɛ mun be yɛ ɔ ti bɔ be wun nyannzuɛn-ɔn, nán min-ɔn. Be yɛ ɔ ti bɔ be klun titi be-ɔ, nán min-ɔn. Yo man nyrɛnnɛn blɛ'n ju, man ɔ tɔ be su. Fa nyrɛnnɛn fa nnyɔn yi be su.

Zeremi 17:4

Aja nga n fa mannin amun'n, amun bɔbɔ ti man ɔ ´fi amun sa. N ´yo man amun kpɔfuɛ'm be ´tra amun kɔ mɛn wie bɔ amun si-mɛn i'n nun. Afin min ya'n b'ɔ jue kɛ sin sa'n amu'an sɔ i nuan. Ɔ ´jue lele be yo i like fi-ɔ ɔ su yo-man ye.

Zeremi 18:18

Be wie'm be se kɛ: «An man e cici Zeremi i wun ndɛ, afin i kunngba'n ti man Nyanmiɛn nyrun jranfuɛ'n su wie-man nan se kɛ mmla'n ´ka lɛ mlin. Ngwlɛlɛfuɛ'm be kusu be su wie-man nan se kɛ e su nyan-man afɔtuɛ manfuɛ kun. Nyanmiɛn nuan ijɔfuɛ'm be su wie-man nan se kɛ e su ti-man Nyanmiɛn nuan ndɛ'n kun. Man e saci i wun. Sɛ ɔ kan ndɛ siɛn'n, nán e sie é su kun.»

Zeremi 26:11

Yɛ Nyanmiɛn nyrun jranfuɛ mun nin Nyanmiɛn nuan ijɔfuɛ'm be seli famiɛn'n i awlo lɔ sran dandan mun nin sran nga be o lɛ'm be kɛ: «Ɔ kannin klɔ nga i wun ndɛ tɛ, yɛ amun bɔbɔ be tili i lɛ-ɔ, ɔ man i ti be `kun i.»

Zeremi 26:8

Kɛ Zeremi wieli ndɛ nga Anannganman'n fa wlɛli i nuan kɛ ɔ `kan kle sran'm be kwlaa'n kan cɛ'n, yɛ be trɛli i-ɔ. Be waan: «A wuli yɛ a o lɛ! A wuli yɛ a o lɛ!

Zeremi 37:15

Kɛ i su kpɛn'm be tili i sɔ'n, be fali ya Zeremi wun nan b'a bo i b'a wlɛ i bisua fluwa klɛfuɛ Zonatan i sua lɔ. I blɛ sɔ nun'n, wuun b'a fa sua sɔ'n b'a yo bisua.

Zeremi 38:4

Kɛ famiɛn'n i awlo lɔ sran dandan sɔ'm be tili i sɔ'n, be seli famiɛn'n kɛ: «Yasua nga, ɔ nin wulɛ yɛ ɔ fata-a. Afin ndɛ ng'ɔ kan be'n, be bubu sonja kanngan bɔ be ka'n, ɔ nin Zidafuɛ'm bé sa sin. Yasua nga kunndɛ-man kɛ nvle nga yo kpa. Sa tɛ yɛ ɔ sunnzun i nin i-ɔ.»

Zeremi 6:15

Sa tɛtɛ nga be yoli'n, ɔ yo-man be ya! Like nga be flɛ i nyannzuɛn'n, be si-mɛn i. I sɔ'n ti kusu sran nga be ´tɔ'n, be nin be yɛ be ´tɔ-ɔ. Blɛ nga e nin be e yia nun'n, be ´fin ase.»

Zeremi 6:21

I sɔ'n ti Anannganman'n wan yoo: «N wa fa ninnge wie mun n ´sie nvle sɔ'n i nunfuɛ'm be atin'n su n ´fa yi be ase. Man siɛ mun nin be mma mun, nin be tranfuɛ mun, nin be janvuɛ mun, be kwlakwla be wu.»

Zeremi 7:20

I sɔ'n ti Anannganman Nyanmiɛn'n waan: «Nian, min ya'n, min ya dan'n i nuan like ɔ wa ju lika nga su, ɔ ´ju sran nin nnɛn'm be su. Ɔ ´ju bo nun waka nin fie su ninnge'm be su. Ɔ wa jue kɛ sin sa, be nuɛn i-ɔ ɔ su yo-man ye.»

Zeremi 8:12

Sa tɛtɛ nga be yoli'n, kɛ ɔ `yo be ya'n, nán be-ɔ! Like nga be flɛ i nyannzuɛn'n, be si-mɛn i. I sɔ'n ti kusu sran nga be ´tɔ'n, be nin be yɛ be ´tɔ-ɔ. Blɛ nga e nin be e ´nyɛn i'n, be ´fin ase.»

Ngwlɛ Yilɛ 3:60

Sa nga be fa wlali min nun'n, a wunnin i. Gugulɛ tɛ nga be guguli mín wun'n, a wunnin i.

Ngwlɛ Yilɛ 3:61

Nzowa nga be kpɛli min'n, Anannganman, a wunnin i. Gugulɛ tɛ nga be guguli mín wun'n, a wunnin i.

JÉSUS-CHRIST I DYASIN FE'N BO LUC KLELI'N 21:22

Kɛ ɔ ´yo nan ndɛ nga be klɛli'n i kwlaa ɔ'a kpɛn su'n, blɛ sɔ'n nun'n, Nyanmiɛn wa tu sran'm be fɔ dan kpa .

Rɔmfuɛ Mun 2:5

Amún nyin kekle'n nin sa nga an yoli bɔ an yaci-mɛn i yolɛ'n, Nyanmiɛn bu sie. Ɔ man cɛn nga i ya'n jao bɔ e ´wun kɛ ɔ di jɔlɛ nanwlɛ su, ɔ ´fa amun wun ya kpa,