Zeremi 18:21 - NYANMIƐN NDƐ'N 1998

²¹ I sɔ'n ti, yo man awe'n kun be mma mun. Fa be bɔbɔ yi i alɛ'n nun. Man be yi'm be mma'm be fi be sa. Man be ka angboti. Man tukpacɛ b'ɔ sa ndɛndɛ'n kun bé wun mun. Man alɛ'n di be mma gbanflɛn mun.

Zeremi 18:21 ပူးပေါင်းရင်းမြစ်များ

2 Be Nyoliɛ 36:17

Ɔ yoli man Babilɔni famiɛn'n wa fali be mɛn'n. Ɔ kunnin sonja mun lele wluli Nyanmiɛn sua'n nun lɔ. Gbanflɛn mun o, talua mun o, kpɛnngbɛn mun o, sran oke mun o, Babilɔni famiɛn'n ɔ'a yaci-man wie fi lɛ. Anannganman yili be kwlaa mɛnnin i.

Jue Mun 63:10

Be bɔ be kunndɛ kɛ be ´kun min'n, man be bɔbɔ yɛ be wu be wɔ blɔlɔ-ɔ.

Jue Mun 63:11

Man be wɔ sran sɔ'm be kue sa bi! Man nsoso'm be di be fuɛn'n.

Ezipt Lɔ Tulɛ'n 22:24

Sɛ min nvle'n i nunfuɛ kun b'ɔ ti yalɛfuɛ'n ɔ wa usa bosia ɔ sa nun'n, nán yo i kɛ sran bɔ sran sika wo i su'n sa, nán se i kɛ ɔ su i bo.

Ezai 13:18

Be ´fa be ta'm be ´to gbanflɛn'm bé wun, be ´gua be ase fɛiin, be su yaci-man ba nɔnman'm be lɛ. Ba kanngan'm be su yo-man be annvɔ.»

Ezai 9:16

I sɔ'n ti, Anannganman i klun su kwla jɔ-man be gbanflɛn'm bé wun. Yɛ ɔ su kwla si-man be aika mma mun nin be angboti mmla'm be aunnvuɛ. Afin be wie fi sro-mɛn i, be kwlaa be ti sa tɛ yofuɛ mun ngunmin kokoko. Ndɛ ng'ɔ fin be nuan fite'n, ɔ ti tɛtɛ ngunmin. I sɔ'n ti, Anannganman i ya'n ɔ su jɔ-man, ɔ nin be ´nyɛn i tititi.

Ezai 9:17

Afin sa tɛ'n ɔ jue kɛ sin b'ɔ yra susrɛ mun nin owie mun'n sa. Sin sɔ'n, ɔ man bo'm be sɔ, yɛ sin wɛnsrɛn'n ɔ ´fu nyanmiɛn su lɔ lukuu.

Zeremi 12:3

N liɛ'n, a si min, Anannganman, a wun min, a si kɛ min anwlɛn'n wo ɔ su. Sran sɔ'm be liɛ'n, yi be sie be lɛ kɛ nnɛn bɔ be su wa ko kun be'n sa. Sie be ngunmin man be minndɛ be kunlɛ cɛn'n.

Zeremi 14:16

Sran nga kusu bɔ be kan ndɛ sɔ'n kle be'n, awe'n nin alɛ'n ´kun be, be ´gua Zerizalɛm akpɔ'm be su flɛnnɛnnɛn! Be su nyan-man sran fi b'ɔ ´sie be-ɔ. Be nin be yi mun nin be mma yasua mun, ɔ nin be mma bla mun, sa tɛ nga be yoli'n, n ´fa taka bé ti afiɛn.»

Zeremi 15:7

N kpajali n sran mun kɛ be kpaja awie nun'n sa. N kpajali be n guali mɛn'n i sin lɔ. N fali be mma mun n wɔli. N yoli man min sran sɔ'n, wie'm be wuli, sanngɛ b'a kaci-man be ajalɛ'n.

Zeremi 15:8

N yoli man be angboti mmla'm be yoli kpanngbangban, jenvie nuan aunnyan bɔbɔ ɔ ´fɛ i wun wɔ. N yoli man wia klakla kpa'n nun'n, like sacifuɛ'n ɔ wa tɔli sonja gbanflɛn'n i nin'n su. N yoli man i klun kpa'n suannin i sa kplala, kpɛkuun i wawɛ wanndili i wun.

Zeremi 50:30

«Ɔ man i ti lɔ gbanflɛn'm be ´tɔ klɔ gua'n su. Lɔ alɛ kunfuɛ'm be kwlaa be ´wu cɛn sɔ'n nun.» Anannganman'n yɛ ɔ kan sɔ-ɔ.

Zeremi 9:21

«Zeremi, se kɛ Anannganman'n wan yoo: ‹Fuɛn'm be ´gua asiɛ wun kɛ asiɛ'n i ye yolɛ like yɛ b'a guɛ i fie'n su sa. Be ´gua kɛ be su kpɛ ble nan be nyan-man sran isɛ-mɛn i ja mun nan ɔ tru bé sin'n sa.› »

Ngwlɛ Yilɛ 1:15

Sonja nga be o mín sa nun'n, e Min'n ɔ'a kpla be ɔ'a yi i lɔ. Ɔ yiali alɛ kunfuɛ kpanngban kɛ be nin min gbanflɛn'm be wa kun. E Min'n ɔ'a cuɛn min bɔ n ti Zida i wa bla'n min nun kɛ be fa cuɛn vinyi mma i nzue'n sa.

Ngwlɛ Yilɛ 5:3

E lɛ-man si kun. E nin'm b'a ka angboti. Y'a ka e liɛ aika.

Ezekiɛl 16:38

Fɔ nga be fa tu bla nga be kunndɛ bian bé wun bo'n, nin nga be gua mmoja ase'n yɛ n ´fa tu wɔ-ɔ. Ɔ wunnɛn'n kwlaa ɔ ´yo mmoja, afin n ´fa ya, yɛ n ´tu min klunngbɔ'n ɔ su .

Ezekiɛl 22:25

Ɔ su kpɛn'm b'a cici lɔ, be ti kɛ asɔmɔli bɔ be kpan be di be nnɛn'n sa, be kun sran mun be fa be sika'n nin be anwlɛn su ninnge kpakpa mun kekle su. B'a yo man be di-man angboti mmla'm be yalɛ kun siɛn'n.›

Amɔs 4:10

«N fali tukpacɛ tɛ bɔ sa ndɛndɛ'n n yili amun su kɛ Eziptfuɛ'm be liɛ laa'n sa. N yoli man amun kpɔfuɛ'm be kunnin amun gbanflɛn mun, be trali amun nnɛn kpanngɔ mun ɔli. Amun ngblaliɛ'm be nun fuɛn bɔ be bɔn'n, ɔ wluli amun bue nun. Sanngɛ ɔ nin i sɔ ngba'n, amu'an bli-man amun nyin mín wun wa mlɔnmlɔn .» Anannganman'n yɛ ɔ kan sɔ kle amun-ɔn.

Mmla'n 32:25

Be ´fa tokofi be ´kun sran mun klɔ nun atin'm be nun. Sran nga be o awlo'm be nun'n, be kusu, srɛ'n ɔ ´kun be kpo. Wie'n su yaci-man sran fi lɛ, i gbanflɛn mun o, i talua mun o, i ba nɔnman mun o, i oke mun o, ɔ ´wlu be kwlakwla be nun.

2 Timote 4:14

Alɛksandri b'ɔ ti blalɛ bofuɛ'n ɔ yoli n tɛ dan kpa. Sa ng'ɔ yoli min'n, Nyanmiɛn ko tuɛ i kalɛ.

1 Samiɛl 15:33

Yɛ Samiɛl seli i kɛ: «Kɛ a kunnin sran mun bɔ be fili bé nin'm be sa'n, i kunngba nin-ɔn, a wa fi ɔ nin liɛ'n i sa kusu.» Yɛ Samiɛl jɔjɔli i nun Nyanmiɛn sua ng'ɔ o Gilgal lɛ'n nun-ɔn.