Zeremi 18:19 - NYANMIƐN NDƐ'N 1998

¹⁹ Anannganman, sie ɔ́ su ti nga n kan'n. Tie ndɛ bɔ min kpɔfuɛ'm be kan'n.

Zeremi 18:19 ပူးပေါင်းရင်းမြစ်များ

2 Famiɛn Mun 19:16

Anannganman, sie ɔ́ su tie. Anannganman, tike ɔ nyinma'n nan nian. Tie nzowa nga Sankerib ɔ'a sunman safunyrɛn'n kɛ ɔ wa kpɛ wɔ Nyanmiɛn bɔ a lafi-man'n.

Neemi 6:9

Be kwlaa sɔ'm be waan be ´wlanwlan ye. Be bu kɛ wuun é sa sin ´bubu ye nan e ´yaci junman'n dilɛ. «I ti Nyanmiɛn, wla min fanngan!»

Jue Mun 109:28

Be liɛ'n, be bo sran'm be sannzan, sanngɛ ɔ liɛ'n, a yra ɔ nuan klanman man sran. Sɛ be waan be ´yo min like'n, man nyannzuɛn'n yɛ ɔ kun be-ɔ. Sanngɛ min bɔ n ti ɔ sufuɛ'n, n liɛ'n n klun ɔ ´jɔ.

Jue Mun 109:4

N klo be, sanngɛ be liɛ'n, min wun ndɛ tɛtɛ'n yɛ be kan-an. N liɛ kusu n srɛ m man be.

Zeremi 18:18

Be wie'm be se kɛ: «An man e cici Zeremi i wun ndɛ, afin i kunngba'n ti man Nyanmiɛn nyrun jranfuɛ'n su wie-man nan se kɛ mmla'n ´ka lɛ mlin. Ngwlɛlɛfuɛ'm be kusu be su wie-man nan se kɛ e su nyan-man afɔtuɛ manfuɛ kun. Nyanmiɛn nuan ijɔfuɛ'm be su wie-man nan se kɛ e su ti-man Nyanmiɛn nuan ndɛ'n kun. Man e saci i wun. Sɛ ɔ kan ndɛ siɛn'n, nán e sie é su kun.»

Zeremi 18:20

?Be fa tɛ be tua kpa kalɛ? B'a kpɛ min bo kunman nan n `tɔ nun nan n `wu. Man ɔ wla kpɛn su kɛ min yɛ n jran ɔ nyrun n kannin bé ti ndɛ yɛ man a yacili ya nga a fɛli i bé wun nin-ɔn.

Zeremi 20:12

Anannganman, wɔ b'ɔ a sie mɛn wunmuan'n, ɔ liɛ a si sran jrɛin mun. Akunndan nga be ti fiawa sran i anwlɛn nun'n, a si be. Ɔ klunngbɔ nga a ´tu i be su'n, ɔ ´yo min nyrun. Afin ɔ́ ja su yɛ n fali min ndɛ'n m bali-ɔ.

Ngwlɛ Yilɛ 3:59

Anannganman, a wunnin yalɛ bɔ be kleli min'n. Nian ndɛ sɔ nun kan man min.

Mise 7:8

E kpɔfuɛ mun nan, nán an sri ye. E tɔli sɔ, sanngɛ e ´jaso. Aosin'n li ɔ'a lu ye su sɔ, sanngɛ Anannganman'n ti é kannin.