Zeremi 18:18 - NYANMIƐN NDƐ'N 1998

¹⁸ Be wie'm be se kɛ: «An man e cici Zeremi i wun ndɛ, afin i kunngba'n ti man Nyanmiɛn nyrun jranfuɛ'n su wie-man nan se kɛ mmla'n ´ka lɛ mlin. Ngwlɛlɛfuɛ'm be kusu be su wie-man nan se kɛ e su nyan-man afɔtuɛ manfuɛ kun. Nyanmiɛn nuan ijɔfuɛ'm be su wie-man nan se kɛ e su ti-man Nyanmiɛn nuan ndɛ'n kun. Man e saci i wun. Sɛ ɔ kan ndɛ siɛn'n, nán e sie é su kun.»

Zeremi 18:18 ပူးပေါင်းရင်းမြစ်များ

2 Samiɛl 15:31

Be wa seli David kɛ: «Asitɔfɛl o Absalɔm sin, ɔ o be nga be jaso ɔ wun be nun.» Yɛ David waan: «Anannganman n ´srɛ wɔ, nán man Asitɔfɛl i afɔtuɛ'n ng'ɔ ´man be'n be yo ye.»

2 Samiɛl 17:14

Absalɔm nin Izraɛlfuɛ'm be kwlaa be waan: «Isai i afɔtuɛ liɛ'n ti kpa tra Asitɔfɛl liɛ'n.» Anannganman bɔbɔ man Asitɔfɛl i afɔtuɛ kpa'n b'a fa-man, afin Anannganman waan ɔ ´fa nyrɛnnɛn yi i Absalɔm su.

1 Famiɛn Mun 22:24

Kɛ e ´ijɔwa-a, Kɛnana i wa Sedesias ɔ'a wunnge Mise wun lɔ, kpɛkuun kpaun, ɔ'a kpaci i nyrun. Ɔ usali Mise kɛ: «?Anannganman i Wawɛ b'ɔ o min nun'n, ɔ sinnin ninfan yɛ ɔ ko kannin ndɛ'n kleli wɔ-ɔ?»

2 Be Nyoliɛ 24:21

Nzrafuɛ'm be cicili Zakari wun ndɛ, be totoli i yɛbuɛ nan b'a kun i Nyanmiɛn i sua'n i awlo'n klun lɔ. Famiɛn'n yɛ i waan be `yo i sɔ-ɔ .

Zɔb I Nyrɛnnɛn Wunlɛ 5:13

Ngwlɛlɛfuɛ'm be bɔbɔ be gblɛ nga be kpɛ'n, yɛ ɔ fa tra be-ɔ. Kpɛkuun sa nga be cici kɛ be ´yo'n ɔ yo-man ye.

Jue Mun 21:11

A ´yo man be osufuɛ'm be ´nunnun asiɛ'n su. Be osu'n ɔ ´tu sran'm be afiɛn.

Jue Mun 57:4

Kɛ ɔ o nglo lɔ'n, ɔ wa uka min. Ɔ wa yo man sran ng'ɔ su min su nin ndɛnngan'n ɔ ´wun nyannzuɛn. Man ɔ yi i klun-ufue b'ɔ wie-man'n i nglo kle min.

Jue Mun 64:3

De min klunwifuɛ bɔ be cici min wun sa'n bé sa nun. De min sran kpanngban woo bɔ be yo sa tɛtɛ'n bé sa nun.

Nyanndra Mun 18:21

Ndɛ ng'ɔ fin e nuan fite'n, i ti yɛ e wu-ɔ, i ti yɛ e nyan nguan-an. Sran ng'ɔ kwla ijɔ'n, sɛ i ijɔlɛ'n ti sa nyɛn i'n, ɔ fata kɛ ɔ sɔ nun .

Ezai 32:7

Gblɛfuɛ'n i ninnge ng'ɔ yo be'n be ti tɛtɛ ngunmin. Sa ng'ɔ ko yo be nan yalɛfuɛ'm b'a wun-man bé wun fɛ'n yɛ ɔ yo-ɔ. Ɔ kan gblɛ ndɛ mun kle be. Kannzɛ nyrɛnnɛnfuɛ sɔ'm be ndɛ yo fɛ'n, ɔ yo man be wun-man bé wun fɛ.

Zeremi 1:19

Be nin wɔ be ´kun, sanngɛ be su kwla-man wɔ, afin n jin ɔ́ sin, n ´de wɔ.» Anannganman'n yɛ ɔ kan sɔ-ɔ.

Zeremi 11:19

Laa n ti kɛ bua nga ɔ'a kpɛ cro wie bɔ be ´fɛ i kɔ i kunlɛ-ɔ ɔ kpli-man'n sa. Min wun akunndan tɛtɛ wla nga be ´bu'n, n si-man nun. Be ko se kɛ: «E `kun waka'n nin i mma mun, man be jaso lɛ. Nán be bo be ndɛ su di jɔlɛ kun.»

Zeremi 18:11

Ɔ man se Zidafuɛ mun nin Zerizalɛm klɔ'n sufuɛ'm be kɛ: «Anannganman'n wan yoo: ‹N su siesie amún wun sa kun, n su bu amun wun akunndan tɛ kun. I sɔ'n ti, man amun kwlaa an kaci amun nzuɛn'n. An `nanti klanman kɛ ɔ fata'n sa.› »

Zeremi 18:19

Anannganman, sie ɔ́ su ti nga n kan'n. Tie ndɛ bɔ min kpɔfuɛ'm be kan'n.

Zeremi 2:8

Nyanmiɛn nyrun jranfuɛ'm b'a usa-man kɛ: ‹?Anannganman kpa'n wo nin?› Be bɔ mmla'n wo bé sa nun'n, b'a si-man min. Amun su kpɛnngbɛn'm be jasoli mín wun. Nyanmiɛn nuan ijɔfuɛ'm be yoli Baal nuan ijɔfuɛ. Like nga be yo-man like fi ye'n, bé wun yɛ be fali bé wun mantannin-ɔn.

Zeremi 20:10

N ti mín wun ndɛ tɛtɛ bɔ sran sunman be kan'n. Be flɛ min: Nyrɛnnɛn'n ´Bo Sin Yia Amun. Wie'm be se kɛ: «An `sɛnmɛn i,» yɛ wie'm be sɔ su kɛ: «Ɛɛn, man e sɛnmɛn i.» Be kwlaa nga be nin min tran klanman laa'n, be su minndɛ kɛ n tɔ. Be waan: «Nga, ɔ ´fɔn le. E ´kwlɛ i yɛ e ´tu e klunngbɔ i su.»

Zeremi 26:11

Yɛ Nyanmiɛn nyrun jranfuɛ mun nin Nyanmiɛn nuan ijɔfuɛ'm be seli famiɛn'n i awlo lɔ sran dandan mun nin sran nga be o lɛ'm be kɛ: «Ɔ kannin klɔ nga i wun ndɛ tɛ, yɛ amun bɔbɔ be tili i lɛ-ɔ, ɔ man i ti be `kun i.»

Zeremi 37:13

Kɛ ɔ ko juli anuan'n nga be flɛ i kɛ Bɛnzamɛn anuan'n nun lɔ'n, wuun Anania i wa Selemia i wa liɛ Zirɛiza b'ɔ ti gladi difuɛ'm be kpɛn'n, yɛ ɔ o lɛ-ɔ. Yɛ ɔ tra Zeremi-ɔ, i waan: «Ee! ?A su fa ɔ wun ´ko man Babilɔnifuɛ mun?»

Zeremi 43:2

Ose i wa Azaria, nin Kareak i wa Zosanan, ɔ nin tutrefuɛ nga be o lɛ'm be seli Zeremi kɛ: «Ato yɛ a ´buɛ i lɛ. Nán Anannganman e Nyanmiɛn'n yɛ ɔ sunmannin wɔ kɛ a wa se ye kɛ nán e wɔ Ezipt lɔ-ɔ.

Zeremi 44:16

«Ndɛ nga ɔ waan Anannganman'n ɔ'a fa wla ɔ́ nuan kɛ a `kan kle ye yɛ'n, e su fa-man su.

Zeremi 44:17

E liɛ nga e waan e ´yo'n yɛ e ´yo-ɔ. E ´yra ansans'n e ´man nyanmiɛn su lɔ famiɛn bla'n. E ´gua nzan e ´mɛn i kɛ e nin é si mun e fa yo i titi'n sa, e yo i kɛ e famiɛn mun nin e famiɛn i awlo lɔ sran dandan mun be fa yo i Zida klɔ'm be su nin Zerizalɛm mmuɛ'm be nun'n sa. Laa bɔ e yo i sɔ'n, e mian-man aliɛ wun, ninnge'n sin yia ye, e nun-man nyrɛnnɛn nun kɛ nga sa.

Zeremi 8:8

«An tɔn amún wun suɛn se kɛ: ‹E si ngwlɛlɛ. Anannganman i mmla'n, é sa nun yɛ ɔ wo-ɔ.› Kusu wuun mmla'n i klɛfuɛ'm b'a kpɛ i wun lele siɛn'n ɔ'a kaci ato .

Ngwlɛ Yilɛ 3:62

Be nga be kpɔ min'n bé kan ndɛ tɛtɛ mun be wɔ min cɛn kwlakwla, be akunndan bɔ be bu i min wun'n, ɔ ti tɛ.

Ezekiɛl 7:26

Nyrɛnnɛn ´uka nyrɛnnɛn su, kɛ nyrɛnnɛn kun sin'n, wuun uflɛ su i su. Be ´se Nyanmiɛn nuan ijɔfuɛ'm be kɛ be ´wun aolia nun sa mun, sanngɛ ngbɛn-ɔn. Nyanmiɛn nyrun jranfuɛ'm be su wun-man mmla ng'ɔ fata kɛ be kle-ɔ. Be nga be ti klɔ'n su kpɛnngbɛn'n be su wun-man afɔtuɛ kun bɔ be `mɛn i kun-ɔn .

Saun Yolɛ 10:11

Yɛ mmla nga bɔ n kleli Moiz'n, bɔ i kusu ɔ kleli amun'n, i blɛ nga bɔ sɛ amun wa ´kan kle Izraɛlfuɛ mun'n, nán amún nuan kan nzan ng'ɔ bo'n i wie fi.»

Mise 3:6

i ti siɛn'n, aolia nun like ng'ɔ ´ba'n, amun lafi kɔnguɛ-ɔ, amun su wun-mɛn i kun. Amun su cɛn-man laliɛ kun, amun tɛ wun-man ase kun, amún ti nun ´si.»

Mise 3:7

I sɔ blɛ'n nun'n, be nga bé ti wun ase'n be ´wun nyannzuɛn. Nyannzuɛn'n dunman nun ti be ´kata bé nyin, afin be flɛ Nyanmiɛn-ɔn, ɔ su tɛ-man be su kun.

Malasi 2:7

Min nyrun jranfuɛ mun yɛ be kle sran'm be ngwlɛlɛ atin nin-ɔn. Min mmla nun ndɛ'n, be yɛ sran'm be wa usa be-ɔ. Afin be ti min Anannganman bɔ n sie mɛn wunmuan'n min nuan ijɔfuɛ.

JÉSUS-CHRIST I DYASIN FE'N BO LUC KLELI'N 11:45

Mmla sifuɛ'm be nun kun seli i kɛ: «Nja, ndɛ nga a kɛn i lɛ'n, a lo e kusu e ngasi.»

Jean 9:40

Kɛ Farizifuɛ wie'm bɔ be nin i o lɛ'n be tili ndɛ sɔ'n, be usɛli i kɛ: «?E kusu e ti anyansifuɛ wie?»