Zeremi 18:12 - NYANMIƐN NDƐ'N 1998

¹² Sanngɛ be tɛ min su kɛ: «Nán kle ɔ wun yalɛ. Ye akunndan liɛ'n su yɛ e ´fa-a. E liɛ nga e waan e ´yo'n yɛ e ´yo-ɔ.»

Zeremi 18:12 ပူးပေါင်းရင်းမြစ်များ

Bo Bolɛ 6:5

Anannganman ´nian-an, sran'm be klunwi'n kɔ i nyrun cɛn'n kwlaa. Kɛ aliɛ'n ´cɛn b'ɔ ´san'n, wuun be klun akunndan'n ´yo tɛ kɔ i nyrun.

Bo Bolɛ 8:21

Nnɛn'n i fannin'n b'ɔ bɔn'n, ɔ wluli Anannganman bue nun kpɛkuun ɔ seli i klun lɔ kɛ: «Ɔ fin ndɛ, n nian-man sran'n i sa tɛ'n su n saci-man asiɛ'n kun. Afin kɛ ɔ fin i bakan nun'n, i nyin'n wo sa tɛ'n su titi. Ɔ man n kun-man ninnge mun kɛ m'an fa yo i yɛ'n sa kun.

2 Famiɛn Mun 6:33

Elize nuan'n ɔ'a tɔ-man, be ´nian-an, sunmanfuɛ'n yɛ ɔ'a ba yɛ, kpɛkuun sunmanfuɛ sɔ'n waan: «Anannganman bɔbɔ yɛ ɔ man nyrɛnnɛn nga tɔ é su-ɔ. ?Ɔ man nguɛ like uflɛ yɛ n ´usɛ i kɛ ɔ yo man min-ɔn?»

Ezai 57:10

Kɛ bɔ amun ´nantili dan sɔ'n ti'n, amun fɛli. Sanngɛ amu'an se-man amún wun kɛ: «E yo-mɛn i sɔ kun!» Amun nyannin wunmiɛn ekun, yɛ amún sa sin a bubu-man amun.

Ezai 65:2

Nvle kun wie bɔ i nunfuɛ'm bé nyin ti kekle'n, bɔ be fa atin tɛ'n, bɔ be bɔbɔ be klun klo like yɛ be yo'n, n tinngɛli ń sa n flɛli be cɛn kwlaa.

Zeremi 11:8

sanngɛ b'a sie-man bé su nan se kɛ tielɛ yɛ be ´tie-ɔ. Bé klun klo like liɛ nga be waan be ´yo'n yɛ be yoli-ɔ. Kɛ n kɛn i lele bɔ b'a fa-man su'n, yɛ min kusu n niannin aenguɛ sɔ'n nun sa ng'ɔ ti bɔ n `fa yo be'n yɛ n fa yoli be-ɔ.› »

Zeremi 16:12

Amun kusu sa tɛ nga amun yoli'n, ɔ trali amún si'm be liɛ'n. Amun waan amun klun klo akunndan liɛ'n cɛ yɛ amun ´fa su-ɔ. Ɔ lɛ-man amun nun kun. Ndɛ nga n kan'n, amun tie-man.

Zeremi 2:25

Kɛ n se wɔ kɛ Izraɛl, nian ɔ́ wun, ɔ'a yo-man sɔ-ɔ ɔ́ ja'n kpla, ɔ konviabo'n ɔ ´wu kee'n, a tɛ min su kɛ: ‹Cɛcɛ, be yaci min diin! Aofuɛ mun yɛ n klo be-ɔ. Be su yɛ n ´su-ɔ.›

Zeremi 23:17

Be se be bɔ be bu-man min like fi'n be kɛ: ‹Anannganman waan: Amun ´di alaje.› Be se be bɔ be klun sa'n cɛ yɛ be waan be ´yo'n, bɔ be su mlin'n be kɛ yoo: ‹Sa su nyan-man amun.›

Zeremi 3:17

I blɛ sɔ nun'n, be ´flɛ Zerizalɛm klɔ'n kɛ: Anannganman I Famiɛn Bia. Nvle'm be kwlaa be ´ba min wun wunlɛ Zerizalɛm lɛ. Be ´yaci be akunndan tɛtɛ bɔ i cɛ yɛ be waan be ´fa su'n.

Zeremi 44:17

E liɛ nga e waan e ´yo'n yɛ e ´yo-ɔ. E ´yra ansans'n e ´man nyanmiɛn su lɔ famiɛn bla'n. E ´gua nzan e ´mɛn i kɛ e nin é si mun e fa yo i titi'n sa, e yo i kɛ e famiɛn mun nin e famiɛn i awlo lɔ sran dandan mun be fa yo i Zida klɔ'm be su nin Zerizalɛm mmuɛ'm be nun'n sa. Laa bɔ e yo i sɔ'n, e mian-man aliɛ wun, ninnge'n sin yia ye, e nun-man nyrɛnnɛn nun kɛ nga sa.

Zeremi 6:17

N sieli sasafuɛ mun klɔ'n su kɛ be `se be kɛ: «An `sie amún su, awɛ'n tɛ.» Sanngɛ be waan: «E sie-man é su.»

Zeremi 7:24

Sanngɛ b'a sie-man bé su nan se kɛ tielɛ yɛ be ´tie-ɔ. Be klun klo akunndan liɛ'n su yɛ be fali-ɔ. Be nzuɛn tɛ akunndan bɔ be kaci i-ɔ ɔ kaci-man'n i su yɛ be fali-ɔ. B'a ɔ-man be nyrun, bé sin yɛ be ɔli-ɔ.

Ezekiɛl 37:11

Ɔ seli min kɛ: «Klɔ sran, owie nga'm be ti Izraɛl nvle'n i nzɔliɛ. Ndɛ nga Izraɛlfuɛ'm be kan'n yɛ: ‹E owie'm b'a wu kee, e lɛ-man e wla'n i guawlɛ kun.›

Malasi 3:14

Kusu wuun amun ijɔ be se kɛ: ‹?Nyanmiɛn sulɛ'n ti afɛ ngbɛn. ?Kɛ e fali Anannganman i mmla'n su bɔ e trannin awlaboɛ nun'n nguɛ yɛ e nyɛnnin i nun-ɔn?

JÉSUS-CHRIST I DYASIN FE'N BO LUC KLELI'N 1:51

Ɔ yili i kwlalɛ'n nglo, Ɔ buli wun tufuɛ'm bɔ be gugu dandan'n bé bue.

Mmla'n 29:19

Anannganman su yaci cɛ-mɛn i. Ɔ ´fɛ i wun ya dan kpa, ɔ ´fa sa yalɛ nga be kan be ndɛ fluwa nga nun'n ɔ ´yi i su. Ɔ ´nunnun i dunman asiɛ'n su.