Zeremi 18:10 - NYANMIƐN NDƐ'N 1998

¹⁰ Sanngɛ sɛ nvle sɔ'n lo min ngasi nan n kan ndɛ n kle i-ɔ ɔ guɛ i su sin'n, n kaci aniɛn. Ye nga n guguli kɛ n ´yo mɛn i'n, n yo-mɛn i kun.»

Zeremi 18:10 ပူးပေါင်းရင်းမြစ်များ

Jue Mun 125:5

Be nga be fa atin klɛklɛ'm be su'n, be liɛ'n, fuan be man be wɔ be nga be yo-man sa i nuan su'n be sin. Man Izraɛlfuɛ'm bé wun jɔ be fɔuun!

Ezekiɛl 18:24

«?Sɛ sran kpa kun yoli sa i nuan su laa, kpɛkuun siɛn'n ɔ su yo sa tɛ'n, sɛ ɔ su nian tete sa nga klunwifuɛ'n yo'n su ´yo wie'n, ɔ ´kwla fite nun? Cɛcɛ, bé wla ´fi i sa kpa ng'ɔ yoli'n su. I sa tɛtɛ b'ɔ yoli'n nin kpɔcilɛ b'ɔ kpɔcili min'n ti, ɔ ´wu.

Ezekiɛl 33:12

Ezekiɛl, kan kle ɔ nvle'n nunfuɛ'm be kɛ: ‹Sɛ sran kpa kun ɔ fɛ i wun wlɛ sa tɛ yolɛ nun'n, i sa kpakpa ng'ɔ yoli be laa'n be kwla de-mɛn i. Sɛ klunwifuɛ'n ɔ yaci i sa tɛtɛ yolɛ'n, ɔ su wu-mɛn i sa tɛ ng'ɔ yoli be laa'n be dunman nun. Sɛ sran kpa'n kusu yo sa tɛ'n, sa kpa ng'ɔ yoli be laa'n be kwla de-mɛn i.

Ezekiɛl 33:18

Sɛ sran kpa'n ɔ yaci sa nuan su yolɛ'n nan ɔ yo sa ng'ɔ ti-mɛn i su'n, ɔ ´wu i sa tɛ'n ti.

Ezekiɛl 45:20

Sran nga bɔ sanvuɛsa yɛ ɔ nyɛnnin i nan ɔ yo sa tɛ'n, amun `yo i sɔ anglo'n i cɛn ba nso'n su. Kɛ amun wa yi min sua'n i wun fiɛn kɛ nga sa.

Sofoni 1:6

Be nga be kaci bé sin be si min Anannganman, bɔ be bua-man min ndɛ nun, be usa-man min ngwlɛlɛ afɛ'n, n ´nunnun be.»

Kalɛ 14:22

Be kwlaa nga be wunnin min anyrunnyan'n nin min atrɛ nga n yili be Ezipt lɔ'n nin aawlɛ flɛnnɛn'n nun lɔ'n, bɔ b'a dun mmua b'a klɔklɔ min kpɛ blu'n, bɔ bé nyin a yi-man min'n,

Kalɛ 14:23

be kwlaa sɔ'n be nyinma sa su ta-man mɛn nga n seli be kɛ be `wɔ nun lɔ'n. Be kwlaa nga be yoli min finfin'n be su wun-man mɛn sɔ'n .

Kalɛ 14:34

Amun fali cɛn ba ablanan yɛ amun fa nian-niannin mɛn nin-ɔn. N kusu n ´fa afuɛ ablanan n ´fa tu amun fɔ, afuɛ kun afɛ'n ɔ ti cɛn kun nun nyin kekle'n i akatua. Kpɛkuun amun ´si kɛ sɛ bé nyin yi-man min'n ɔ ti like tɛ.

1 Samiɛl 13:13

Samiɛl seli Sail kɛ: «A yoli sinnzin, w'a fa-man Anannganman ɔ Nyanmiɛn'n i nuan ndɛ'n su. Ɔ man klikli nun i waan wuun, ɔ osufuɛ mun yɛ be tran Izraɛl nvle'n su anannganman-an.

1 Samiɛl 15:11

«Sail i famiɛn sielɛ nga n fɛ i sieli yɛ'n, ɔ yo min ya kpa. Sail nin min nun-man nun kun, ɔ fa-man min ndɛ'n su kun.» Ndɛ sɔ'n yoli Samiɛl ya kpa. Kɔnguɛ wunmuan'n nun'n, ɔ sun flɛli Anannganman.

1 Samiɛl 15:35

Samiɛl ɔ'a wun-man Sail kun le nan ɔ'a wu, afin Anannganman waan Sail i famiɛn nga i bɔbɔ Anannganman sieli i Izraɛl nvle'n su'n yoli i ya kpa. Sail ti Samiɛl kokoli kpa.

1 Samiɛl 2:30

I sɔ'n ti, min Anannganman bɔ n ti Izraɛlfuɛ'm be Nyanmiɛn'n, min waan: ‹Laa n seli kɛ wɔ awlo'n, ɔ nin wɔ akpasua'n be ´jran min nyrun be ´yi tɛ tititi.› Sanngɛ siɛn'n, min Anannganman, min waan: ‹Ɔ su yo-man sɔ kun, afin be nga be bu min sran'n, m ´bu be sran. Sanngɛ be nga be yo min finfin'n, be ´wun nyannzuɛn.