Zeremi 17:9 - NYANMIƐN NDƐ'N 1998

⁹ Klɔ sran'n i klun akunndan'n ti tɛ tra like kwlaa, be yo akunndan sɔ'n i sa fi-ɔ ɔ yo-man ye . ?Wan cɛ yɛ ɔ kwla si-ɔ?»

Zeremi 17:9 ပူးပေါင်းရင်းမြစ်များ

Bo Bolɛ 6:5

Anannganman ´nian-an, sran'm be klunwi'n kɔ i nyrun cɛn'n kwlaa. Kɛ aliɛ'n ´cɛn b'ɔ ´san'n, wuun be klun akunndan'n ´yo tɛ kɔ i nyrun.

Bo Bolɛ 8:21

Nnɛn'n i fannin'n b'ɔ bɔn'n, ɔ wluli Anannganman bue nun kpɛkuun ɔ seli i klun lɔ kɛ: «Ɔ fin ndɛ, n nian-man sran'n i sa tɛ'n su n saci-man asiɛ'n kun. Afin kɛ ɔ fin i bakan nun'n, i nyin'n wo sa tɛ'n su titi. Ɔ man n kun-man ninnge mun kɛ m'an fa yo i yɛ'n sa kun.

2 Samiɛl 11:15

Ɔ klɛli fluwa'n nun kɛ: «Amun `fa Iri `sie i sonja'm be nyrun kan alɛ'n yri kpa lɛ'n nan amun `yaci i ngunmin, man bé sa kɛn nan ɔ wu.»

Jue Mun 51:5

Afin n wun sa tɛtɛ nga n yo be'n. Sa tɛtɛ sɔ'm be sinsin min nyin su.

Jue Mun 64:7

Be bu sa tɛ nga be wa yo'n i wun akunndan, kpɛkuun be waan: «Like nga e ko yo'n, y'a wun i siɛn'n. Nanwlɛ, kɛ klɔ sran kpa'n ɔ o lɛ'n, ɔ si ngwlɛlɛ o.»

Nyanndra Mun 28:26

Sran nga bɔ i bɔbɔ klun like liɛ nga i waan ɔ ´yo'n, i kunngba yɛ ɔ si i'n, i sɔ sran liɛ'n ɔ ti sinnglinfuɛ. Sran nga kusu b'ɔ nanti akunndan su'n, i sɔ sran liɛ'n, i nyrun atin'n ti wein.

Akunndanfuɛ'n 9:3

Nyanmiɛn'n i bo wa'n, ninnge'm be nun tɛ kpa kun yɛ ɔ o yɛ. Sran'm be kwlaa be agualiɛ'n ɔ ti kunngba, ɔ man kɛ sran'm be ´yo sa tɛ'n bɔ ngunmin sa, yɛ sinnzin akunndan'n yɛ ɔ o be anwlɛn'n nun sa tititi-ɔ, kpɛkuun b'a fa wu, wuun b'a ko to be nga be dun mmua wuli'n be lɔ.

Ezai 1:5

?Amun bɔ amun jin nyin kekle yolɛ'n su sa tititi'n, ninfan yɛ be fin amun like-ɔ ɔ yo ye ekun-ɔn? Amún ti'm be kwlaa be su ti kannin ngunmin kokoko. Yɛ amun keje amun wun-ɔn ɔ yo-man ye kun.

Ezai 1:6

Kɛ ɔ fɛ i amún ja ngbabua'm be su lele b'ɔ fa ju amún ti'n su'n, amun wunnɛn'n i lika fi nun-man lɛ bɔ be kwla se kɛ ɔ ti kpa kan-an. Laa kannin mun nin amun wunnɛn bɔ b'a susu'n, ɔ nin kannin uflɛ-uflɛ mun, sran fi fua-man be, sran fi gua-man be nun ayre, yɛ sran fi cici-man be su.

Ezai 6:10

Kete sran sɔ'n be anwlɛn'n, tannin bé su mun, yɛ kata be nyinma mun kɛ ɔ ´yo nan b'a wun-man ase, nan b'a ti-man sa, nan be akunndan'n i su ɔ'a kata nan b'a kaci-man be nzuɛn'n, nan b'a yo-man juejue'n ti .› »

Zeremi 16:12

Amun kusu sa tɛ nga amun yoli'n, ɔ trali amún si'm be liɛ'n. Amun waan amun klun klo akunndan liɛ'n cɛ yɛ amun ´fa su-ɔ. Ɔ lɛ-man amun nun kun. Ndɛ nga n kan'n, amun tie-man.

Zeremi 7:24

Sanngɛ b'a sie-man bé su nan se kɛ tielɛ yɛ be ´tie-ɔ. Be klun klo akunndan liɛ'n su yɛ be fali-ɔ. Be nzuɛn tɛ akunndan bɔ be kaci i-ɔ ɔ kaci-man'n i su yɛ be fali-ɔ. B'a ɔ-man be nyrun, bé sin yɛ be ɔli-ɔ.

Matthieu 13:15

Afin sran sɔ'm b'a tri. B'a bu bé su nun waka, b'a muanmuan bé nyin nan be nyinma a wun-mɛn i, bé su a ti-man, b'a wun-mɛn i wlɛ, yɛ b'a sa-man bé sin min wun nan m'an yo-man be juejue .›

Matthieu 15:19

Afin akunndan tɛ'n, nin sran kunlɛ'n, nin bla nin bian bé yi annzɛ bé wun i bo kunndɛlɛ'n, nin bla nin bian kunndɛlɛ'n, nin awie'n, nin be wiengu suɛn tɔnlɛ'n, ɔ nin sran wun ndɛ kanlɛ'n, i kwlaa sɔ'n wo sran i anwlɛn'n nun.

Marc 2:17

Kɛ Jésus tili ndɛ nga be kan'n, ɔ seli be kɛ: «Nán sran ng'ɔ ti juejue'n yɛ ɔ kɔ ayrefuɛ sin-ɔn, tukpacɛfuɛ'n yɛ ɔ kɔ-ɔ. M'an ba-man sran kpa'm be flɛlɛ, sa tɛtɛ yofuɛ mun yɛ m bali be flɛlɛ-ɔ.»

Rɔmfuɛ Mun 1:21

Afin be si kɛ ɔ ti Nyanmiɛn, sanngɛ ɔ nin i sɔ'n ngba be yi-mɛn i ayɛ'n yɛ be lɛ-mɛn i ase. Be akunndan nga be bu'n i kwlaa'n yoli ngbɛn, yɛ ngwlɛlɛ bɔ be si-mɛn i'n ti b'a wun-man sa fi wlɛ kun .

Rɔmfuɛ Mun 7:11

Sɛ n kwla se kɛ sa tɛ b'ɔ ti min nzuɛn'n ti sran'n, wuun n ´se kɛ mmla kun sɔ'n ti like bɔ sa tɛ ɔ'a fa laka min a kun min.

Efɛzfuɛ Mun 4:22

I sɔ'n ti'n, an `wla amun nzuɛn laa b'ɔ man an yo sa ng'ɔ fata-man'n i ase. I ti yɛ amún nyin blo ninnge'm be su yɛ an laka amun wun lele an saci nin-ɔn.

Hébreu 3:12

Aniaan mun, i sɔ'n ti an `nian amún wun, nán man amun nun wie i anwlɛn'n ɔ yo tɛ, yɛ nán man ɔ `yo kɛ ɔ lafi-man Nyanmiɛn su b'ɔ man ɔ ´yaci Nyanmiɛn b'ɔ lafi-man nin-ɔn.