Zeremi 17:6 - NYANMIƐN NDƐ'N 1998

⁶ I sɔ sran liɛ'n i agualiɛ'n yo kɛ susrɛ kan wie b'ɔ o lika kee'n nun'n sa. Ɔ ´minndɛ muae'n lele ɔ ´fɛ ngbɛn. Afin i sɔfuɛ'n ɔ'a yo kɛ ɔ ko trannin aawlɛ flɛnnɛn'n nun kan lika'n ti yrawa lɛ'n nun sa, ɔ ti kɛ njin asiɛ bɔ sran fi tran-man lɔ'n sa.

Zeremi 17:6 ပူးပေါင်းရင်းမြစ်များ

2 Famiɛn Mun 7:2

Famiɛn'n i sonja'm bé su kpɛn ng'ɔ mantan famiɛn'n kpa'n, b'ɔ famiɛn'n kisɛ i sa su'n, tɛli Nyanmiɛn i sran'n su kɛ: «?Kannzɛ Anannganman kpɛ toklo nyanmiɛn su lɔ bɔbɔ'n, i sɔ like'n kwla yo?» Yɛ Elize seli i kɛ: «Ɔ nyinma'n ´wun i, sanngɛ ɔ́ nuan su kɛn-mɛn i.»

Zɔb I Nyrɛnnɛn Wunlɛ 20:17

Awɛma nzue nin nɔnnɔn nga be sonji gblogblo kɛ nzue ba sa'n, ɔ su wun-man be kun.

Zɔb I Nyrɛnnɛn Wunlɛ 39:6

N fali aawlɛ flɛnnɛn'n m mɛnnin i kɛ ɔ tran nun. Njin lika'n yɛ n fa mɛnnin i-ɔ.

Jue Mun 1:4

Klunwifuɛ'm be liɛ'n, ɔ ti-man sɔ mlɔnmlɔn. Be ti kɛ ijre bɔ aunngban'n fitɛ i kɔ'n sa.

Jue Mun 107:34

Ɔ fa mɛn bɔ i asiɛ'n ɔ ti kpa'n ɔ kaci njin lika , i nunfuɛ'm be wlɛ'n ti.

Jue Mun 92:7

Sran ng'ɔ wun-man sa wlɛ'n, ɔ bu-mɛn i like fi, sinnglinfuɛ'n ɔ wun-mɛn i sin.

Ezai 1:30

Afin amun wa yo kɛ waka dandan bɔ be nnya'n ɔ glɔ'n sa. Amun wa yo kɛ asa b'ɔ nzue nun-man nun kun'n sa.

Zeremi 29:32

Anannganman'n wan yoo: «E nin Sɛmaɛza b'ɔ ti Neselamfuɛ nin i osu'n y'a nyɛn i. I fuɛ'm be nun kun sa i nyin su tran-man su nan se kɛ nɛnnɛn nga n ´di min nvlefuɛ mun'n ɔ ´wun nun. Sa ti b'ɔ ´yo sɔ'n yɛlɛ kɛ ɔ su sran'm be bo kɛ nán be nyin yi min.»

Zeremi 48:6

An `wanndi wa be wɔ. Sran ng'ɔ kwla wanndi-ɔ, ɔ `kpli i bɔbɔ i ti. Amun `wɔ aawlɛ flɛnnɛn'n nun lɔ kɛ blo aflunmun sa.

Ezekiɛl 47:11

Jenvie sɔ'n i bla mun nin i fɛtɛ mun be liɛ be su yo-man saun, be ´yo njin ngunmin.

Sofoni 2:9

Ɔ man i ti m bɔbɔ min Anannganman bɔ n sie mɛn wunmuan'n, m'an ta nda kɛ sɛ Moab ɔ'a yo-man kɛ Gomɔr sa'n, wuun nán min Izraɛl Nyanmiɛn nin-ɔn. Be lika'n ´kaci njin asiɛ, san ijre tɛtɛ'm be kunngba yɛ be ´fu nun-ɔn, ɔ ´saci mlɔnmlɔnmlɔn. Min nvle nunfuɛ nga be kali'n, be ´fɛn be bo ninnge mun, yɛ be ´fa asiɛ'n yo be liɛ.»

Mmla'n 29:23

Nvle kun nga'm be nunfuɛ'm be usa bé wun kɛ: «?Ɔ yo sɛ ti yɛ Anannganman yoli mɛn nga sɔ-ɔ? ?Ɔ yo sɛ ti yɛ ɔ fɛli i nunfuɛ'm bé wun ya dan kɛ nga sa-a?»

Jɔlɛ Difuɛ Mun 9:45

Abimelɛk fali cɛn wunmuan kun sɔ'n, ɔ nin klɔ'n su sran'm be kunnin alɛ nan ɔ'a fa klɔ'n. Ɔ kunnin sran'm be kwlaa nga be o nun'n. Ɔ nunnunnin klɔ wunmuan'n. Ɔ fali njin sanndili klɔ'n nun.