Zeremi 17:5 - NYANMIƐN NDƐ'N 1998

⁵ Anannganman'n wan yoo: «Sran ng'ɔ yaci min Anannganman'n n lɛ bɔ sran su yɛ i wla'n wo'n, bɔ klɔ sran bɔ i nyin tɛ'n i su yɛ ɔ lafi'n nán man ɔ wun ye le!

Zeremi 17:5 ပူးပေါင်းရင်းမြစ်များ

2 Be Nyoliɛ 16:12

Kɛ ɔ yoli famiɛn'n, i afuɛ ablasan-nin-ngwlan'n su'n, tukpacɛ kekleke kpa kun yoli i ja ngbabua mun. Sanngɛ i tukpacɛ sɔ nun bɔbɔ'n, kɛ ɔ ´fɛ i wun mantan Nyanmiɛn'n, ɔ'a yo-man sɔ. Ayre yofuɛ'm bé sin yɛ ɔ wlannin-ɔn.

2 Be Nyoliɛ 32:8

I liɛ'n, i sonja'm be ti sran, sanngɛ e liɛ'n, Anannganman e Nyanmiɛn'n yɛ ɔ o é sin-ɔn. Ɔ ´uka ye, ɔ ´kun alɛ'n man ye.» Famiɛn Ezekias i ndɛ sɔ'n wlali klɔ'n sufuɛ'm be kwlaa be fanngan.

Jue Mun 18:21

Sɛsɛ bɔ n ti'n, i nuan akatua yɛ Anannganman tuali min-ɔn. Sa tɛ bɔ m'an yo-man'n, i nuan like yɛ ɔ mannin min-ɔn.

Jue Mun 62:9

Sran mun, amun `fa amún wun wlɛ i sa nun tititi. Like ng'ɔ mian amún sa'n, amun `kan kle i. Ɔ ti e fiawlɛ.

Ezai 2:22

Amun `yaci amún wla'n klɔ sran su fa gualɛ, afin i nguan'n ti tika kpe kan sa. ?Wan yɛlɛ sran?

Ezai 20:5

Ɔ man be nga be fa bé wla gua Etiopifuɛ'm be su'n, bɔ be fa Eziptfuɛ mun di bé nuan'n, srɛ dan kpa ɔ ´kun be, yɛ be ´wun nyannzuɛn.»

Ezai 36:6

?Nán Ezipt'n i su yɛ a fa ɔ wla'n gua-a? Ezipt'n ti kɛ ndɛma nga bɔ ɔ'a bu'n sa. Sɛ a kisa su-ɔ, ɔ wɔ ɔ́ sa klun fiti i ´bo nun lɔ. Be nga be fa bé wla'n gua Ezipt famiɛn'n su'n, kɛ ɔ ti sɔ man be-ɔ.

Ezai 59:15

Nanwlɛ nun-man lɛ kun, sran nga i waan ɔ yo-man sa tɛ'n, be fɛn i bo ninnge mun. Anannganman wunnin sa ng'ɔ juli'n kwlakwla. Kɛ sran'm be bu-man nanwlɛ'n i like fi kun'n, i sɔ'n ɔ'a yo-mɛn i fɛ.

Zeremi 11:3

Se be kɛ Anannganman b'ɔ ti Izraɛl Nyanmiɛn'n waan yoo: ‹Sran nga ɔ'a nian-man aenguɛ nga e nin amun e trali su ɔ'a nanti-man'n, i yako! Aenguɛ sɔ'n yɛlɛ nga kɛ ɔ fin cɛn bɔ n fali amun nannan mun ɔ liɛ Ezipt sin fɛtɛ sɔ'n nun fiteli'n e trali'n. N seli be kɛ: Sɛ an tie min aniɛn nan an nian sa nga n fa sieli amun nyrun'n i kwlaa su'n, an ´yo min nvle yɛ min kusu n ´yo amun Nyanmiɛn.

Ezekiɛl 6:9

Be nga be ka lɛ'n, kɛ be o mɛn nga be ´tra be lomuɛn kɔ nun'n be nun'n, bé wla wa kpɛn min su. Afin be wla ɔ wa kpɛn wafa nga n fa tuli be fɔ'n su be anwlɛn tɛ nga be fa bo tekle bɔ be nin min buli'n ti. Bé wun ´yo be bɔbɔ be tɛ bé sa tɛtɛ nin be tete sa nga be yoli'n be ti.

Ndɛ Nga Nyanmiɛn I Nuan Ijɔfuɛ Oze Kannin'n 1:2

Ndɛ nga Anannganman'n fa wlali Oze nuan'n, i bo bolɛ'n yɛ. Ɔ seli Oze kɛ: «Ko ja tekle bla kun nan a nin i be `wu wlaka ba. Afin min sran nga be o min mɛn'n nun'n, tekle'n yɛ be si-ɔ. Sa ti bɔ n se kɛ be si tekle'n yɛlɛ kɛ, be kacili bé sin be sili min, kpɛkuun amuɛn mun yɛ be sɔ be-ɔ.»