Zeremi 17:3 - NYANMIƐN NDƐ'N 1998

³ Zerizalɛmfuɛ mun bɔ amun o oka b'ɔ o lika kpɛtɛkplɛɛ nun'n, sa tɛ nga amun yoli'n ti, amun amuɛn sɔwlɛ nga amun fa truli lika'n nun'n ti, n wa fa amun ninnge nin amun bɛ trɔ mun m ´man amún bo ninnge fɛnfuɛ mun.

Zeremi 17:3 ပူးပေါင်းရင်းမြစ်များ

2 Famiɛn Mun 24:13

Nɛbikadnɛzar fali Anannganman i sua'n nin famiɛn sua'm be nun ninnge kpakpa mun, kɛ Anannganman fa kannin'n sa. Ɔ sacili sika ɔkwlɛ ninnge nga Salomɔn yoli bɔ be fa be sieli Anannganman i sua'n nun kɛ be fa su Anannganman'n.

Jue Mun 78:58

Be klɔklɔli Nyanmiɛn, yɛlɛ kɛ be fali be bɔ be si-man Nyanmiɛn'n be amuɛn sɔwlɛ mun yɛ be yili be sraka'm be nun-ɔn. Be sɔli waka sran mun be fa fɔkɔli i anwlɛn.

Ezai 27:9

Sanngɛ siɛn'n, wafa nga be ´yaci Izraɛlfuɛ'm bé wun sa'n cɛ be'n, yɛ wafa nga be ´nunnun bé sa tɛ'n su'n yɛ: be wa bubu sraka yiwlɛ lika'm be yɛbuɛ'm be nun, be ´nunkun be kɛ like pɔpɔ wie sa, be ´yo kɛ ndutre sa. Be su taka-man yɛbuɛ nga be sɔ be'n kun, be su kplan-man sraka yiwlɛ nga be yra ansans su'n mun kun.

Zeremi 12:12

Ninnge fɛnfuɛ'm be fin aawlɛ flɛnnɛn'n nun lɔ oka treketreke'm be kwlaa be su be ba, Anannganman i tokofi'n ɔ'a di mɛn'n i bue kun wa lele ɔ'a kpɛn i bue kun lɔ. Sran fi su fite-man nun.

Zeremi 15:13

Zidafuɛ mun, n ´fa amun ninnge nin amun anwlɛn su ninnge mun m ´man amun ninnge fɛnfuɛ mun. Sa tɛ nga amun yoli i kɛ amun o amun asiɛ'n su wa'n i akatua'n yɛ ɔ o lɛ-ɔ.

Zeremi 20:5

Klɔ nga sufuɛ'm be ninnge kpakpa'n nin be bɛtrɔ mun, nin be junman'm be nuan ninnge'm be kwlakwla, nin Zida famiɛn'm be bɛtrɔ'n, n ´fa man be kpɔfuɛ mun be ´fa yo be liɛ. Be ´fɛn be ´sua kɔ Babilɔni.

Zeremi 21:13

Amun nga an tran Nyanmiɛn i sua'n i bo ngua lɔ lika kpɛtɛkplɛɛ nun yɛbuɛ'n su'n, amun bɔ an di amún nuan se kɛ: ‹?Wan cɛ yɛ ɔ kwla jra lele to ye wa-a? ?Wan yɛ ɔ kwla wlu e fiawlɛ nun-ɔn?›, Anannganman'n wan yoo:

Zeremi 26:18

«Ezekias b'ɔ ti Zida famiɛn'n i blɛ su'n, Mise b'ɔ fin Mɔresɛt'n ɔ kannin Nyanmiɛn nuan ndɛ kleli Zidafuɛ'm be kwlaa kɛ: ‹Anannganman b'ɔ sie mɛn wunmuan'n wan yoo: Siɔn ´yo kɛ asiɛ bɔ b'a funndan nun sa. Zerizalɛm ´kaci kɛ yɛbuɛ yɛ b'a tiɛn i nuan'n sa, yɛ oka nga Nyanmiɛn i sua'n wo su'n ɔ ´kaci bo.›

Ngwlɛ Yilɛ 1:10

I kpɔfuɛ'n ɔ fɛli i sa sieli i ninnge kpakpa'n kwlaa su. Minniɛn nga Nyanmiɛn tanninnin be kɛ nán be wlu i sua nun'n, be wluli nun i bɔbɔ nyrun lɛ sa weiin .

Ezekiɛl 16:39

N ´fa wɔ n ´wla bé sa nun, be ´bubu ɔ tekle sua nin ɔ lika fleiinfleiin mun. Be ´yi ɔ́ wun ninnge'n kwlaa, be ´yi ɔ talua dilɛ ninnge nga a wla be'n be kwlakwla, yɛ be ´jra ɔ wun kplɛn sa kli, a ka lɛ nin ɔ wun ngbɛn sɔ'n.

Ezekiɛl 23:46

Afin min Anannganman Nyanmiɛn n wan yoo: ‹Man sran'm bé bo yo kun be jaso bé wun, n ´fa be n wlɛ i akluntitiɛ nun. Yɛ be ´fɛn bé bo ninnge mun.

Ezekiɛl 6:3

Se kɛ: ‹Izraɛl oka'm be su tranfuɛ mun, an `sie amún su tie Anannganman Nyanmiɛn i nuan su ndɛ'n. Anannganman Nyanmiɛn wan yoo: Oka nin kpɔlɛ'm bé su tranfuɛ mun, kongo kanngan nin kongo dandan'm be nun tranfuɛ mun, an `nian, n wa fa alɛ n ´yi amun su nan n ´saci amun sraka yiwlɛ lika bɔ be o kpɔlɛ'm be su mun.

Saun Yolɛ 26:30

Amún wun tɛ bɔ ´yo min'n ti'n, n ´saci amun sraka yiwlɛ lika bɔ be o kpɔlɛ'm be su'n, m ´bubu amun ansans yrawlɛ mun, kpɛkuun sran nga be wu'n be fuɛn'n, n ´fa be n ko tian amun amuɛn'm bé su.

Mise 3:12

Amun dunman nun ti, Siɔn ´kaci kɛ fie wie bɔ b'a tu i su kacɛ'n sa. Zerizalɛm ´bubu mlɔnmlɔnmlɔn, oka nga Nyanmiɛn i sua'n kplan su'n ɔ ´kaci bo .

Sofoni 1:13

Be wa fɛn bé bo ninnge kpakpa mun, bé sua'm be wa bubu. Sua nga be wa kplan'n, be su tran-man nun, vinyi nga be wa ta'n, be su nɔn-mɛn i nzan .»