Zeremi 17:27 - NYANMIƐN NDƐ'N 1998

²⁷ Nan sanngɛ sɛ amu'an sie-man amún su'n, sɛ amu'an sie-man wunmiɛn-delɛ-cɛn'n i ngunmin b'a man-man min nan an sua trɔ an fa sin Zerizalɛm klɔ'n i anuan nun, wunmiɛn-delɛ-cɛn nun'n, i liɛ'n, n ´trɔ klɔ'n nun sin yɛ sin sɔ'n ɔ ´di Zerizalɛm sua kpakpa mun, ɔ su nuan-man le.› »

Zeremi 17:27 ပူးပေါင်းရင်းမြစ်များ

2 Famiɛn Mun 22:17

Ya dan nga n fɛli i klɔ nga wun'n, ɔ ti kɛ sin kun bɔ ɔ'a jue bɔ be kwla nuɛn-mɛn i'n sa. Afin kɛ be kaci be sin sili min, be yrali ansans mannin amuɛn mun, ɔ man be kunnin min ya.

2 Famiɛn Mun 25:9

Ɔ wɔli Anannganman i sua'n nin famiɛn sua'n, ɔ nin Zerizalɛm sua'm be ngba be nun. Ɔ'a yaci-man sran kpakpa'm bé sua'n wie fi lɛ.

2 Be Nyoliɛ 36:19

Babilɔnifuɛ'm be wɔli Nyanmiɛn i sua'n nun. Be bubuli Zerizalɛm klɔ'n wun talɛ'n. Be wɔli famiɛn i sua'm be kwlaa be nun, yɛ be sacili klɔ'n nun ninnge kpakpa'm be kwlaa kpan.

Jue Mun 122:7

Man Zerizalɛm klɔ'n nun tɔ fɔun. Man alaje'n ɔ fua i sua nglanman'm be nunfuɛ mun.

Ezai 1:20

Sanngɛ sɛ amun fa-man min nuan ndɛ'n, yɛ sɛ amun yo nyin kekle'n, alɛ'n yɛ ɔ ´di amun-ɔn. Min Anannganman min yɛ n kan sɔ-ɔ.»

Ezai 1:31

Sran b'ɔ lɛ wunmiɛn'n, ɔ ´yo kɛ nyan-man b'ɔ ti futrɛ-futrɛ'n sa. Yɛ i junman'n, ɔ ´kaci kɛ sin taaman sa. Ɔ nin i junman'n be nnyɔn be ´yra likawlɛ, sran fi su nuan-man be.

Zeremi 17:24

Anannganman'n waan: ‹Sanngɛ amun liɛ'n, sɛ amun tie mín nuan ndɛ'n, nan amu'an fa-man trɔ b'a wlu-man Zerizalɛm klɔ'n nun wunmiɛn-delɛ-cɛn nun'n, sɛ an sie wunmiɛn-delɛ-cɛn'n i ngunmin be man min nan amu'an di-man junman fi cɛn sɔ nun'n,

Zeremi 17:4

Aja nga n fa mannin amun'n, amun bɔbɔ ti man ɔ ´fi amun sa. N ´yo man amun kpɔfuɛ'm be ´tra amun kɔ mɛn wie bɔ amun si-mɛn i'n nun. Afin min ya'n b'ɔ jue kɛ sin sa'n amu'an sɔ i nuan. Ɔ ´jue lele be yo i like fi-ɔ ɔ su yo-man ye.

Zeremi 18:1

Anannganman'n seli min kɛ yoo:

Zeremi 21:12

David awlofuɛ mun, Anannganman'n wan yoo: «Kɛ aliɛ'n cɛn cɛ'n, sɛ amun ´di jɔlɛ'n, amun `nian nanwlɛ'n be di. Amun `de sran mun be nga be fɛn sran'm bé bo ninnge'n bé sa nun. Ɔ'a yo-man sɔ-ɔ, min ya'n ɔ ´jue kɛ sin sa. Sɛ ɔ jue kusu-ɔ, sran fi su kwla nuɛn-mɛn i. Amún sa tɛ'n i nuan akatua nga amun ´nyɛn i'n yɛ ɔ o lɛ-ɔ.

Zeremi 21:14

‹Min nin amun e wa yia nun, n ´fa sa nga amun yo'n bé nuan sa n ´yo amun, n ´trɔ amun famiɛn sua'n nun sin. Sin sɔ'n ɔ ´didi like nga be mantan sua sɔ'n i lɛ mun.› »

Zeremi 22:5

Sanngɛ sɛ amu'an tie-man ndɛ nga'n, min Anannganman'n min waan: «N kan m bɔbɔ min ti, famiɛn sua nga ´nunnun.»

Zeremi 32:29

Babilɔnifuɛ nga b'a fa alɛ'n b'a wla amun sin yɛ'n, be wa wlu klɔ'n nun be ´fa sin be ´yi nun be ´wɔ nun. Sua nga be yra ansans i ti su nglo be man Baal'n, bɔ be gua nzan be man amuɛn mun be fa kun min ya'n, be ´yra be.

Zeremi 39:8

Babilɔnifuɛ'm be wɔli famiɛn sua'n nin klɔ'n nun sua'm be nun. Yɛ be bubuli klɔ'n wun talɛ'n.

Zeremi 44:16

«Ndɛ nga ɔ waan Anannganman'n ɔ'a fa wla ɔ́ nuan kɛ a `kan kle ye yɛ'n, e su fa-man su.

Zeremi 49:27

«N ´fa sin n ´yi i Damas klɔ'n nun. Sin'n ´di Bɛn-Adad i famiɛn sua mun.»

Zeremi 52:13

Ɔ wɔli Anannganman i sua'n nin famiɛn sua'n, ɔ nin Zerizalɛm sua'm be ngba be nun. Sran kpakpa'm bé sua mun'n, ɔ'a yaci-man wie lɛ.

Zeremi 6:17

N sieli sasafuɛ mun klɔ'n su kɛ be `se be kɛ: «An `sie amún su, awɛ'n tɛ.» Sanngɛ be waan: «E sie-man é su.»

Zeremi 7:20

I sɔ'n ti Anannganman Nyanmiɛn'n waan: «Nian, min ya'n, min ya dan'n i nuan like ɔ wa ju lika nga su, ɔ ´ju sran nin nnɛn'm be su. Ɔ ´ju bo nun waka nin fie su ninnge'm be su. Ɔ wa jue kɛ sin sa, be nuɛn i-ɔ ɔ su yo-man ye.»

Ngwlɛ Yilɛ 2:6

Ɔ bubuli i bɔbɔ i sua'n. Lika nga e nin i e yia nun lɛ'n, ɔ sacili i. Anannganman man Siɔn wa like nga be flɛ i kɛ cɛn dilɛ nin wunmiɛn-delɛ-cɛn'n, be si-mɛn i kun. I ya ng'ɔ fali'n ɔ yo sro, ɔ man famiɛn nin o, i nyrun jranfuɛ mun o, be kwlaa b'a yo wannzo.

Ngwlɛ Yilɛ 4:11

Anannganman fali ya dan. I sɔ ya ble liɛ'n, ɔ yoli i su like. Ɔ sɔli sin nuan fa yili Siɔn klɔ'n nun, sin'n ɔ yrali Siɔn klɔ'n mlɔnmlɔn, like fi ɔ'a ka-man lɛ.

Ezekiɛl 16:41

Be ´wɔ ɔ́ sua'm be nun. Be ´di wɔ jɔlɛ bla kpanngban kpa be nyrun. Wafa nga n wa fa nunnun ɔ tekle bolɛ'n yɛ ɔ lɛ-ɔ, yɛ a su tannin-man sran kalɛ kun.

Ezekiɛl 21:15

Sran'm be sacilɛ ti yɛ be sili i nnana sɔ nin-ɔn. Be sili i nnana kɛ be ´toto nan ɔ bo mianmianmian.

Ezekiɛl 21:3

Kan kle be kɛ: ‹Amun `sie amun su tie ndɛ nga Anannganman Nyanmiɛn kɛn i ngua lɔ bo'n su'n. Anannganman Nyanmiɛn'n wan yoo: M bɔbɔ n ´sɔ sin kun nuan bo'n nun. Ɔ ´yra waka mɔnnɛn'n kwlaa nin waka kee'n kwlaa. Like fi su kwla nuan-man sin taaman'n. Like nga be wo asiɛ sɔ su'n, kɛ ɔ fɛ i ngua lɔ'n lele fa ju nglo lɔ'n, be kwlaa be ´yra.

Ezekiɛl 22:8

Be bu-man lika nga be ti min liɛ klonglo'n be like fi. Be di-man min wunmiɛn-delɛ-cɛn'm be su.

Ezekiɛl 23:38

Nian nga be yoli min ekun'n yɛ. Be sacili min lika ng'ɔ ti min liɛ klonglo'n cɛn kunngba nun, yɛ b'a bu-man min wunmiɛn-delɛ-cɛn'n i like fi.

Ndɛ Nga Nyanmiɛn I Nuan Ijɔfuɛ Oze Kannin'n 8:14

Izraɛl i wla fili i yifuɛ'n, ɔ ko kplannin sua kpakpa mun. Zida kusu kplannin klɔ kpanngban bɔ be si bé wun . Sanngɛ i sɔ klɔ liɛ mun'n, n wa fa sin n yi be nun. I sɔ sua kpakpa liɛ mun'n, sin'n yɛ ɔ ´di be-ɔ.»

Amɔs 1:10

I sɔ'n ti, n ´fa sin n ´yi Tir klɔ'n nun. I sɔ sin liɛ'n ɔ ´yra klɔ'n su sua nglanman'm be kwlaa.»

Amɔs 1:12

N ´fa sin n ´yi Teman klɔ'n nun. I sɔ sin liɛ'n ɔ ´yra sua nglanman nga be o Bɔzra lɔ'n mun.»

Amɔs 1:14

N ´fa sin n ´yi be klɔ Raba'n nun, i sɔ sin liɛ'n ɔ ´yra klɔ'n su sua nglanman mun. Kɛ ɔ ´yo sɔ'n, wuun sran'm be ´kpan alɛ kpanlɛ. Alɛ kunlɛ cɛn'n nun'n, aunngban dan kun ´fita kɛ nzue su tɔ nan aunngban dan su fita sa.

Amɔs 1:4

N ´fa sin n ´yi Azaɛl i sua'n nun. N ´yra famiɛn Bɛn-Adad i sua dan'n.

Amɔs 1:7

N ´fa sin n ´yi Gaza klɔ'n nun. I sɔ sin liɛ'n ɔ ´yrɛ i sua nglanman mun.

Amɔs 2:2

N ´fa sin n ´yi Moab mɛn'n nun. Sin'n ´di sua nglanman nga be o Kɛrizɔt klɔ'n su mun. Be ´kpan alɛ kpanlɛ, be ´bo awɛ. Oyo-oyo sɔ'n nun, Moab mɛn'n ´bo.

Mmla'n 32:22

Min ya'n ɔ'a jue kɛ sin sa. Ɔ yra like mun lele ɔ kpɛn blɔlɔ lɔ. Ɔ yra asiɛ'n nin aliɛ b'ɔ fin nun fite'n. Ɔ yra lele kpɛn oka'm be takawlɛ'n i bo lɔ.

Hébreu 12:25

An `nian amún wun kpa, nán an kpalo ndɛ nga be kan kle amun'n. Be nga be kpaloli sran ng'ɔ kan ndɛ kleli be asiɛ'n su wa'n i ndɛ'n, b'a fite-man nun. Sɛ e kusu e kaci e sin si sran ng'ɔ o nyanmiɛn su lɔ b'ɔ kan ndɛ kle ye'n, e su fite-man nun mlɔnmlɔn.