Zeremi 17:25 - NYANMIƐN NDƐ'N 1998

²⁵ i liɛ'n famiɛn nga be tran David i famiɛn bia'n su'n, bɔ be fu kakaklolo nun annzɛ nnɛn kpanngɔ su'n, be nin be awlo lɔ sran dandan mun nin Zidafuɛ mun nin Zerizalɛm klɔ'n sufuɛ mun be su yaci-man klɔ i anuan'n nun sinlɛ le. Sran ´tran klɔ sɔ'n su titi.

Zeremi 17:25 ပူးပေါင်းရင်းမြစ်များ

2 Samiɛl 7:16

Wɔ awlo'n nin ɔ sielɛ'n be ´taka a nin wɔ osufuɛ mun amun sa nun tititi, a ´tran famiɛn bia'n su yɛ ɔ sielɛ'n su kan-man ase le .› »

2 Samiɛl 8:4

David trɛli i nnɛn kpanngɔ fufuɛ akpi-kun-nin-ya nso (1.700), ɔ trɛli i alɛ kunfuɛ nga be nanti be ja nun'n akpi-akpi ablaɔn (20.000) ekun. Ɔ kpɛli nnɛn kpanngɔ nga be cuɛn kakaklolo'm be kwlaa be jasin ndin'n nun, san kakaklolo ya be nnɛn kpanngɔ liɛ nga be cuɛn be'n yɛ ɔ yacili be lɛ nan ɔ'a fa be.

Ezipt Lɔ Tulɛ'n 12:14

Amun `fa cɛn sɔ'n amun `fa kpɛn amún wun wla. Kɛ ɔ ko ju'n, amun kwlaa amun `yia, amun `manman min Anannganman sa nga n yoli'n ti. Kɛ ɔ fɛ i blɛ nga nun'n, amun nin amun osu nunfuɛ mun amun `di i sɔ cɛn'n titi. Ɔ ti mmla kun bɔ be kwla kaci-mɛn i.»

Ezai 9:7

Sa nga Anannganman ´fa wla Zakɔb i osu'n nunfuɛ'm be nun'n, ɔ kan kleli be. Sa sɔ'n ɔ'a tɔ Izraɛlfuɛ'm be su.

Zeremi 13:13

Se be kɛ: ‹Anannganman'n wan yoo: N ´sanngan mɛn nga nunfuɛ'm be nun, i famiɛn nga be ti David famiɛn bia'n su mun o, min nyrun jranfuɛ mun o, min nuan ijɔfuɛ mun o, ɔ nin Zerizalɛmfuɛ'm be kwlaa, n ´sanngan be nun. Be ´yo kɛ nzan ɔ'a ti be sa.

Zeremi 22:2

Se i kɛ: ‹Zida famiɛn'n bɔ a ti David i famiɛn bia'n su'n, a nin ɔ mantanfuɛ mun nin ɔ mɛn'n nun sran mun bɔ be sin wɔ sua'n i anuan'm be nun'n, amun `tie ndɛ bɔ Anannganman'n kan'n.›

Zeremi 22:30

Anannganman'n wan yoo: «An `ka sran sɔ'n be wlɛ i be bɔ b'a wu-man ba'n nin be bɔ be nguan'n yo-man like fi ye'n be nun, afin i osu'n nunfuɛ wie fi su tran-man David i famiɛn bia'n su le. Wie fi su sie-man Zida nvle'n le.»

Zeremi 22:4

Sɛ an nian ndɛ nga su an nanti kɛ ɔ fata sa'n, famiɛn nga be ti David i famiɛn bia'n su'n, be nin be mantanfuɛ mun, ɔ nin nvle'n nunfuɛ'm be su yaci-man famiɛn sua'n i anuan nun sinlɛ nin be kakaklolo mun nin be nnɛn kpanngɔ mun.› »

Zeremi 25:5

I nuan ijɔfuɛ'm be seli amun kɛ: ‹Amun kwlaa an `yaci amun nzuɛn tɛ'n, an `yaci amun aeliɛ tɛtɛ'n, i liɛ'n, amun ´ka lika nga Anannganman'n fa mannin amun nannan mun nin amun'n, amun ´ka nun mlɔnmlɔn.›

Zeremi 33:15

I blɛ sɔ nun'n, n ´yo man David i anunman kpa nanwlɛ su kun ɔ wa jaso i osu nun. Ɔ ´yo famiɛn kpa kɛ ɔ fata'n sa. Ɔ ´nian mmla'n su ɔ ´di jɔlɛ nanwlɛ mɛn'n nun .

Zeremi 33:17

Anannganman'n wan yoo: ‹David ´nyɛn i ajalɛ nun tranfuɛ titi. Sran sɔ'n ´tran Izraɛl osu'n i famiɛn bia'n su.

Zeremi 7:3

Anannganman b'ɔ sie mɛn wunmuan'n, Izraɛl Nyanmiɛn'n wan yoo: ‹An `yaci ajalɛ bɔ amun tu'n nin nyoliɛ tɛtɛ'n bɔ amun yo'n nan n ´yaci amun lika nga nun wa.

Zeremi 7:7

i liɛ n ´yaci amun lika nga nun wa. N ´yaci amun mɛn nga n fa mannin amun nannan mun b'ɔ ti amun liɛ titi'n i nun.

Mmla'n 17:16

Sanngɛ nán man ɔ nyan nnɛn kpanngɔ kpanngban, nán ɔ sunman sran Ezipt lɔ kɛ be ko to wie nan ɔ nyan wie kpanngban. Anannganman seli amun kɛ nán amun sa amún sin be ɔ Ezipt lɔ kun.

Hébreu 12:22

Sanngɛ an bali Siɔn Oka'n i bo, an bali nyanmiɛn su Zerizalɛm liɛ'n b'ɔ ti Nyanmiɛn i klɔ'n bɔ anz akpi-akpi be o su'n su.

1 Samiɛl 8:11

Ɔ seli be kɛ: «Famiɛn ng'ɔ wa sie amun'n, sa ng'ɔ wa fa yo amun'n yɛ. Ɔ ´fa amun mma'm be sonja kɛ be tinngɛ i kakaklolo mun, nan be fu i nnɛn kpanngɔ'm bé su. Be wie'm be ´wanndi dun mmua i bɔbɔ i kakaklolo'n i nyrun.