Zeremi 17:24 - NYANMIƐN NDƐ'N 1998

²⁴ Anannganman'n waan: ‹Sanngɛ amun liɛ'n, sɛ amun tie mín nuan ndɛ'n, nan amu'an fa-man trɔ b'a wlu-man Zerizalɛm klɔ'n nun wunmiɛn-delɛ-cɛn nun'n, sɛ an sie wunmiɛn-delɛ-cɛn'n i ngunmin be man min nan amu'an di-man junman fi cɛn sɔ nun'n,

Zeremi 17:24 ပူးပေါင်းရင်းမြစ်များ

Ezipt Lɔ Tulɛ'n 15:26

Ɔ seli be kɛ: «Sɛ amún nyin yi min Anannganman bɔ n ti amun Nyanmiɛn'n nan amun yo like nga be ti kpa min nyrun'n, sɛ amun sie amún su min mmla'm bé bo nan amun kwlaa amun fa bé su'n, tukpacɛ nga n fa yili i Eziptfuɛ'm bé su lɔ'n, n su fa yi-man amún su wie. Afin min yɛ n ti Anannganman bɔ n yo amun juejue nin-ɔn.»

Ezipt Lɔ Tulɛ'n 20:8

Man ɔ́ wla kpɛn wunmiɛn-delɛ-cɛn'n su, man ɔ yo min liɛ klonglo.

Ezai 21:7

Sɛ ɔ wun nnɛn kpanngɔ fufuɛ mun bɔ be ba nnyɔn-nnyɔn'n, sɛ ɔ wun kɛ sran wie'm be o aflunmun'm be su'n be su ba'n, sɛ ɔ wun kɛ sran wie'm be o nyɔnngɔnmɛn'm be su'n be su ba'n man ɔ nian be kpa, man ɔ nian be kpa sakpa!»

Ezai 55:2

?Ɔ yo sɛ ti yɛ amun fa sika to aliɛ ng'ɔ ta-man sran nin-ɔn? ?Ɔ yo sɛ ti yɛ amun kle amún wun yalɛ be kunndɛ like ng'ɔ yi-man sran ku nin-ɔn? Sɛ amun ti ndɛ nga n kan be'n, amun ´nyan like kpa be ´di, aliɛ kpakpa mun yɛ amun ´di-ɔ .

Ezekiɛl 20:20

Amun `sie min wunmiɛn-delɛ-cɛn i ngunmin, ɔ ti nzɔliɛ kun b'ɔ o min nin amun ye afiɛn kɛ ɔ ´yo nan b'a si jrɛiin kɛ n ti Anannganman amun Nyanmiɛn'n ti.

Zakari 6:15

Sran'm be ´fin mmua lɔ be ´ba Anannganman i sua'n i kplanlɛ. Kpɛkuun amun wa wun i wlɛ sakpa sakpa kɛ Anannganman b'ɔ sie mɛn wunmuan'n yɛ ɔ sunmannin min amun wun wa-a. Sɛ amún nyin yi Anannganman amun Nyanmiɛn'n sakpa'n, i sɔ sa liɛ nga lɛ mun be kwlaa be ´yo.

Mmla'n 11:13

Sɛ sakpa amun fa mmla nga n ´fa man amun ndɛkɛn yɛ'n su'n, nan amun klo Anannganman amun Nyanmiɛn'n, nan amun fa amun wla'n kwlaa guɛ i su, nan amun akunndan'n kwlaa trɛn i su'n,

Mmla'n 11:22

Afin sɛ amun fa mmla nga n ´fa man amun yɛ bé sie'n, nan amun fa su'n, sɛ amun klo Anannganman amun Nyanmiɛn'n, nan amun fɛ i atin'n su'n, nan amun fa bé wun mɛntɛn i'n,