Zeremi 17:23 - NYANMIƐN NDƐ'N 1998

²³ N kan kleli be-ɔ, b'a sie-man be su b'a tie-man, b'a kpɛ-man bé nyin wa nan se kɛ tilɛ yɛ be ´ti-ɔ.›

Zeremi 17:23 ပူးပေါင်းရင်းမြစ်များ

Nyanndra Mun 1:3

I waan ɔ ´bu i sɔ nan be `fa ngwlɛlɛ be nanti, nan be `yo sran kpa yɛ be `yo sa i nuan su, nan be `nanti sɛsɛ.

Nyanndra Mun 1:5

Sɛ bɔ akunndanfuɛ'n bɔbɔ sie i su ti'n, ɔ ´si sa uflɛ uka laa liɛ'n su. Sɛ sran nga be ti ngwlɛlɛfuɛ'n be ti'n, be ´wun wafa ng'ɔ fata kɛ be nanti'n.

Nyanndra Mun 29:1

Sran nga bɔ ɔ'a yo-man sa kpa bɔ i waan nán be tu i fɔ mlɔnmlɔn'n, cɛn ng'ɔ ´tɔ'n ɔ ti le kunngba.

Nyanndra Mun 5:12

ko se kɛ: «Ee! ?Ɔ yo sɛ bɔ m'an klo-man fɔ tulɛ nin-ɔn? ?Ɔ yo sɛ bɔ m'an klo-man kɛ be kan min nyrun ndɛ-ɔ?

Nyanndra Mun 8:10

Mín nuan su ndɛ nga n fa mannin amun'n an `fa amún wla gua su, an `fa gua su tra sika. Akunndan nga m mannin amun'n, man ɔ yo amun nanndoliɛ tra sika ɔkwlɛ'n, ɔ tra sika ɔkwlɛ ng'ɔ ti jrɛiin kpa'n.

Ezai 48:4

Kɛ bɔ n si kɛ amún nyin ti kekle'n nan amun anwlɛn'n ti ketewa, nan be bli amun-ɔn ɔ bli-man'n,

Zeremi 11:10

Nga be nannan'm bɔ be waan be fa-man min ndɛ'n su'n be yoli'n, yɛ be kusu be su yo i siɛn nin-ɔn. B'a ɔ amuɛn'm be sulɛ. Izraɛlfuɛ nin Zidafuɛ'm b'a yi aenguɛ nga e nin be nannan mun e trali'n i ase.»

Zeremi 19:15

«Anannganman b'ɔ sie mɛn wunmuan'n, Izraɛl Nyanmiɛn'n wan yoo: ‹An `nian, nyrɛnnɛn sa nga n kɛnnin i ndɛ'n, n wa fa yi i klɔ nga nin i asa'n su klɔ'm be kwlaa be su, bé nyin kekle bɔ be yoli'n bɔ n kan ndɛ-ɔ be ti-man'n ti.› »

Zeremi 32:33

B'a kpɛ-man bé nyin mín wun wa. Bé sin yɛ be kaci sili min-ɔn. Nán kɛ b'a kle-man be ngwlɛlɛ-ɔ. Nán andɛ yɛ be boli be ngwlɛlɛ klelɛ'n bo-ɔ. Sanngɛ nán kɛ be wa sie be su nan se kɛ be ´tie ndɛ nga be kan'n ti-ɔ.

Zeremi 35:15

N sunmannin min sufuɛ bɔ be ti min nuan ijɔfuɛ mun, nán andɛ yɛ m boli be sunmanlɛ bo-ɔ. N waan be `se amun kɛ: ‹Amun kwlaa an `yaci amun nzuɛn tɛ'n nan amun kaci ajalɛ'n. Nán an ko tu amuɛn, nán an sɔ be, i liɛ amun ´ka lika nga n fa mannin amun nin amun nannan mun'n i nun, sanngɛ n kleli mín nuan yalɛ ngbɛn, amu'an sie-man amún su nan se kɛ amun ´fa su.

Zeremi 5:3

Anannganman kusu nanwlɛ'n yɛ ɔ klo i-ɔ. A boli be sanngɛ nán be ndɛ-ɔ. Ɔ waan a ´wiewie be, sanngɛ b'a bua-man nun. Be yoli nyin kekle, be waan nán be yɛ be ko sa be sin be ko ba-a.

Zeremi 6:8

Zerizalɛm: ‹Nian ɔ́ wun. Ɔ'a yo-man sɔ-ɔ, e nin wɔ e ´bu. N ´fa wɔ n kaci aawlɛ flɛnnɛn, sran fi su tran-man wɔ su.› »

Zeremi 7:28

Kpɛkuun se be kɛ: ‹Nvle nga nunfuɛ'm be tie-man Anannganman be Nyanmiɛn'n i aniɛn'n. Be tu be fɔ-ɔ, be fa-man. Tranlɛ nga be nin sran tran-an be kpɔci-mɛn i'n, ɔ ti-man amun nzuɛn kun, ɔ ti-man amun ndɛ kun.› »

Ezekiɛl 20:13

Sanngɛ Izraɛlfuɛ'm be jasoli mín wun aawlɛ flɛnnɛn nun lɔ. B'a fa-man mín nuan ndɛ'n su. Be guali min mmla nga sran fa su-ɔ ɔ nyan nguan'n be blo. B'a bu-man be like fi. Be sacili min wunmiɛn-delɛ-cɛn'n tɛtɛ kpa. M buli akunndan kɛ n ´fa bé wun ya, yɛ n ´ngua-ngua ya sɔ'n i bo nan n ´nunnun be aawlɛ nun lɔ.

Ezekiɛl 20:16

Sa nga ti bɔ n seli sɔ'n, yɛlɛ kɛ be yo mín nuan su ndɛ'm be finfin. Be fa-man min mmla'm be su, yɛ be nian-man min wunmiɛn-delɛ-cɛn'm be su. Amuɛn sɔlɛ fuɛ'n yɛ be fa cicili be ti-ɔ.

Ezekiɛl 20:21

Sanngɛ be jasoli mín wun wie. B'a fa-man mín nuan su ndɛ'm be su, b'a fa-man min mmla bɔ sran fa su-ɔ ɔ nyɛn i ti'n be su. B'a nian-man min wunmiɛn-delɛ-cɛn'n su. M buli akunndan kɛ n ´fa bé wun ya, min waan n ´fɛ i lele n ´nguɛ i ti nin i bo aawlɛ flɛnnɛn'n nun lɔ.

Sofoni 3:7

Min waan sɛ n ´yo sɔ nan Zerizalɛmfuɛ'm be ´sro min o. Bé nyin nglo-nglo nga n wlali'n, min waan wuun sɛ be ´wun i wlɛ o. Sa nga n ko yo'n, n yoli, sanngɛ sa tɛtɛ yolɛ'n yɛ bé wun kpɛ su-ɔ.»

Sa nga bé yôli'n 7:51

Nyin keklefuɛ mun bɔ amun anwlɛn'n nin amún su'm be ti kɛ be bɔ be ti-man Zuif'm be liɛ'n sa, an kpalo Nyanmiɛn Wawɛ'n i ndɛ titi kɛ amun nannan'm be yoli'n sa .

Jɔlɛ Difuɛ Mun 6:10

Yɛ n seli amun kɛ: N ti Anannganman amun Nyanmiɛn. Amɔrfuɛ nga'm bé mɛn'n nun yɛ amun wo yɛ'n, nán amun sɔ be amuɛn mun. Sanngɛ, amu'an ti-man mín nuan ndɛ'n.› »