Zeremi 17:22 - NYANMIƐN NDƐ'N 1998

²² Kusu nán an fa trɔ amun awlo lɔ be fite. Nán an yo junman fi. An `sie wunmiɛn-delɛ-cɛn'n i ngunmin man min kɛ n fa kan kleli amun nannan mun'n sa.

Zeremi 17:22 ပူးပေါင်းရင်းမြစ်များ

Neemi 13:15

Blɛ kunngba sɔ nun'n, n wunnin kɛ Zida nvle nun sran wie'm be cuɛn be vinyi mma i nzue'n yɛ be sua be ble'n wunmiɛn-delɛ-cɛn'n nun. Wie'm be fa aflunmun'm be sua nzan nin vinyi mma, nin figie mma, annzɛ trɔ uflɛ. Be fa ba Zerizalɛm wunmiɛn-delɛ-cɛn'n nun. Cɛn nga be ´yo be ninnge'm be atɛ sɔ'n, n ijɔli be.

Ezipt Lɔ Tulɛ'n 23:12

Fa cɛn ba nsiɛn fa di ɔ junman mun. Sanngɛ cɛn'n i nso su'n, ɔ ti wunmiɛn-delɛ-cɛn. Nán di junman, kɛ ɔ ´yo nan ɔ nannin mun, nin aflunmun mun, nin ɔ sa nun junman difuɛ mun, ɔ nin aofuɛ'm b'a kwla de wunmiɛn'n ti.

Ezai 58:13

Anannganman wan yoo: «Sɛ amun di-man junman wunmiɛn-delɛ-cɛn nun kun'n, sɛ amun yo-man amun bɔbɔ amun klun klo ninnge mun min bɔbɔ mín cɛn sɔ nun'n, sɛ amun wun i wlɛ kɛ wunmiɛn-delɛ-cɛn'n yɛ man amun klun jɔ'n, nan ɔ ti min cɛn'n, nan ɔ ti cɛn dan'n, sɛ amun sie i ngunmin'n bɔ amun fa di-man junman'n, bɔ amun fa yo-man amun klun klo ninnge mun'n, bɔ amun fa kan-man finfin ndɛ kpanngban mun'n,

Zeremi 17:24

Anannganman'n waan: ‹Sanngɛ amun liɛ'n, sɛ amun tie mín nuan ndɛ'n, nan amu'an fa-man trɔ b'a wlu-man Zerizalɛm klɔ'n nun wunmiɛn-delɛ-cɛn nun'n, sɛ an sie wunmiɛn-delɛ-cɛn'n i ngunmin be man min nan amu'an di-man junman fi cɛn sɔ nun'n,

Ezekiɛl 20:12

N kpɛli wunmiɛn-delɛ-cɛn nan n ´fa yi aenguɛ nga e nin be e trali'n i nglo, kɛ ɔ ´yo nan b'a si kɛ n ti Anannganman nan n fali Izraɛl n sieli i ngunmin kɛ ɔ `su min.

Ezekiɛl 22:8

Be bu-man lika nga be ti min liɛ klonglo'n be like fi. Be di-man min wunmiɛn-delɛ-cɛn'm be su.

Saun Yolɛ 19:3

Man amún nyin yi amún si nin amún nin. Mín wunmiɛn-delɛ-cɛn'n nun'n, nán amun di junman. Min yɛ n ti Anannganman amun Nyanmiɛn nin-ɔn.

Saun Yolɛ 23:3

Le mɔcuɛ kun nun amun `fa cɛn ba nsiɛn be `di junman. I cɛn ba nso'n su'n, ɔ ti wunmiɛn-delɛ-cɛn, amun fa be `yia min dunman nun. Kan kwlaa bɔ amun wo'n, i sɔ wunmiɛn-delɛ-cɛn liɛ nun'n, nán man amun di junman, amun `fɛ i sɔ cɛn liɛ'n be man min.»

Zakari 1:4

Nán an yo kɛ amun nannan'm be sa. Laa'n min nuan ijɔfuɛ'm be seli be kɛ m bɔ n sie mɛn wunmuan'n min waan be `gua be nzuɛn tɛ nin be aeliɛ tɛtɛ'm be ase. Sanngɛ b'a ti-man, b'a fa-man bé ti b'a de-man. Nán an yo kɛ be sa.

JÉSUS-CHRIST I DYASIN FE'N BO LUC KLELI'N 23:56

Kɛ be sali bé sin'n, be ko yoli ayre fannin nin nyanngo. Yɛ wunmiɛn-delɛ-cɛn nun'n, be trannin ase deli wunmiɛn, afin kɛ ɔ ti sɔ be mmla'n nun-ɔn .

JÉSUS-CHRIST I DYASIN FE'N BO LUC KLELI'N 6:5

Yɛ ɔ seli be kɛ: «M bɔ n kacili Sran'n, min yɛ n sie wunmiɛn-delɛ-cɛn nin-ɔn.»

Sa nglô yile 1:10

E Min'n i cɛn'n nun, Nyanmiɛn Wawɛ'n yili i wun nglo min nun yɛ n tili sran kun nɛn kekle kpa kɛ awɛ sa min sin lɔ.