Zeremi 17:16 - NYANMIƐN NDƐ'N 1998

¹⁶ Kusu nán kɛ min yɛ n suli wɔ bo kɛ a fa nyrɛnnɛn'n yi ye su-ɔ. Nán kɛ n klo kɛ nyrɛnnɛn sa'n bla-a. Ndɛ ng'ɔ fin mín nuan fite'n yɛ ɔ wo lɛ-ɔ, ɔ bɔbɔ a si.

Zeremi 17:16 ပူးပေါင်းရင်းမြစ်များ

Zeremi 12:3

N liɛ'n, a si min, Anannganman, a wun min, a si kɛ min anwlɛn'n wo ɔ su. Sran sɔ'm be liɛ'n, yi be sie be lɛ kɛ nnɛn bɔ be su wa ko kun be'n sa. Sie be ngunmin man be minndɛ be kunlɛ cɛn'n.

Zeremi 13:17

Sɛ amu'an tie-man ndɛ nga'n, sunlɛ yɛ n ´fia n sun-ɔn amún wun tulɛ dan bɔ an tu'n ti. Anannganman i bua'm be lomuɛn bɔ be ´tra be kɔ'n ti, mín nyinmuɛn'n wie to wie atin nun.

Zeremi 15:15

Anannganman, ɔ bɔbɔ a si min. Nán ɔ́ wla tra min su, nian min lika. Tu min klunngbɔ be bɔ be kle min yalɛ'n be su. Nán man ɔ ya bɔ a fɛ-mɛn i ndɛndɛ'n ti sa `nyan min. Ɔ bɔbɔ nian, nyannzuɛn nga n ´wun i yɛ'n, ɔ dunman nun yɛ n wun i-ɔ.

Zeremi 18:20

?Be fa tɛ be tua kpa kalɛ? B'a kpɛ min bo kunman nan n `tɔ nun nan n `wu. Man ɔ wla kpɛn su kɛ min yɛ n jran ɔ nyrun n kannin bé ti ndɛ yɛ man a yacili ya nga a fɛli i bé wun nin-ɔn.

Zeremi 20:7

Anannganman, a lakalakali min n fali su. A nyannin min, a kwlali min. Ɔ lɛ-man cɛn kun bɔ be srisri-man min-ɔn. Sran'm be kwlaa be srisri min.

Zeremi 20:9

Sɛ n waan: «M bu-man Anannganman i akunndan kun, yɛ n kɛn-mɛn i nuan ndɛ kun'n,» like wie yra min klun lɔ sa fiaan kɛ sin sa. N kplin mín nyin kɛ n ´yo nan ɔ `kan ase, sanngɛ ngbɛn-ɔn.

Zeremi 9:1

Sɛ n kwla nyan min lika wie aawlɛ flɛnnɛn nun lɔ kɛ lika nga lika kɔfuɛ'm be fia nun sa'n, wuun n ´yaci min nvle'n wa n ´kɔ mmua. Yɛlɛ kɛ sɛ e ´kwla se'n, be kunndɛ bian bé wun bo. Sɛ a lafi be su-ɔ, a lafi asiɛ wun.

Amɔs 5:10

Kɛ be ´kan ndɛ'n, sran ng'ɔ di nanwlɛ'n yɛ amun kpɔ i-ɔ.

Sa nga bé yôli'n 20:20

An si kɛ sa kwlaa b'ɔ ko yo amun kpa'n, m'an fia-man wie fi su amun wun. N kɛn i kwlaa kleli amun, n yiyi nun weiin kleli amun nzra nun nin awlo'm be nun.

Sa nga bé yôli'n 20:27

Afin n kannin Nyanmiɛn i klun sa'n kwlaa kleli amun, m'an fia-man wie fi su amún wun.

2 Korɛntfuɛ Mun 1:12

Sa nga ti yɛ e di é nuan'n yɛ: e si e klun lɔ kpa kɛ nantilɛ wafa nga e fa nanti mɛn nun'n, e nanti i sɔ kpa amun nyrun tra su. E nuan nun ti-man nnyɔn-nnyɔn, Nyanmiɛn man e di nanwlɛ. Nán klɔ sran ngwlɛlɛ bɔ e si'n ti yɛ man e yo sɔ-ɔ, sanngɛ Nyanmiɛn yɛ ɔ jran é sin yɛ man e yo sɔ-ɔ.

2 Korɛntfuɛ Mun 2:17

E ti-man kɛ sran wie bɔ be yo Nyanmiɛn ndɛ'n kɛ be nga be yo ninnge sukusuku'm be atɛ'n be liɛ'n sa. Sanngɛ kɛ Nyanmiɛn sunmannin ye'n, bɔ i nyin ta ye'n, bɔ e nin Krist e ti sran wunmuan'n, ɔ man e kɛn i ndɛ'n nanwlɛ nun.

Jacques 1:19

N niaan kpa mun, an `bu ndɛ nga i akunndan: man sran'm be kwlakwla be sie bé su be tie ndɛ nga be kan'n kpa, nán man sran fi kan ndɛ ndɛndɛ, yɛ nán man ɔ fa ya ndɛndɛ.

Jacques 3:1

N niaan mun, nán amun nun kpanngban be ´kunndɛ kɛ be ´yo like klefuɛ, afin an si kɛ kɛ Nyanmiɛn ´di jɔlɛ'n, e bɔ e ti like klefuɛ'n, ɔ ´usa-usa e sa kpa tra be nga mun.