Zeremi 16:9 - NYANMIƐN NDƐ'N 1998

⁹ Afin Anannganman b'ɔ sie mɛn wunmuan'n, b'ɔ ti Izraɛl Nyanmiɛn'n i wan yoo: «Nian su, n wa yo man cɛn dilɛ kpankpanlɛ'n nin aklunjuɛ kpanlɛ'n, ɔ nin yasua annzɛ bla nga b'a ja be wun uflɛ uflɛ'n be jue tolɛ'n ɔ wa wie wa lika nga nun amun blɛ su. Amún nyin'n ´ta nun.»

Zeremi 16:9 ပူးပေါင်းရင်းမြစ်များ

Jue Mun 78:63

Sin kunnin be gbanflɛn mun, be talua'm b'a nyan-man yasua bɔ be ´bo flɛ be kun-ɔn .

Zeremi 25:10

N ´yo man bo srolɛ'n nin aklunjuɛ jue'n, nin yasua annzɛ bla nga b'a ja be wun uflɛ uflɛ'n be jue tolɛ'n, nin ble silɛ mannzin'n i tɛlɛ'n, ɔ nin kannin mun bɔ be kpaja'n i kwlakwla sɔ'n ´wie.

Zeremi 7:34

N ´yo man Zida klɔ'm be su nin Zerizalɛm akpɔ'm be su bo srolɛ nin aklunjuɛ jue tolɛ'n ɔ ´wie. Gbanflɛn nga b'a ja bla uflɛ uflɛ'n nin talua nga b'a ja bian uflɛ uflɛ'n be jue tolɛ'n ɔ ´wie. Afin mɛn'n ɔ ´wie nunnun.»

Ezekiɛl 12:25

Afin m bɔbɔ min Anannganman'n yɛ n kan-an, yɛ nga n kan'n, i nuan ´yia icra'n. Ɛɛn, amun bɔ amún nyin su ti kekle'n, amún nyin kekle sɔ'n i su sa yɛ ɔ ´ju-ɔ. Ndɛ kun nga n ko kan'n, n ´yo i nuan sa'n. Min Anannganman'n yɛ n kan sɔ-ɔ.› »

Ezekiɛl 26:13

N ´jran amun jue tolɛ mun. Be su ti-man jru bolɛ kun.

Ndɛ Nga Nyanmiɛn I Nuan Ijɔfuɛ Oze Kannin'n 2:11

I sɔ'n ti, sɛ aliɛ fitelɛ blɛ'n ju'n, n ´yo man ɔ su nyan-man aliɛ. Sɛ ɔ kan nzan kusu-ɔ, nzan'n su kpɛn-man. N ´de mín tannin nin min bɛ'm be kwlaa i sa nun kpɛkuun i wun ´ka ngblɛn.