Zeremi 16:8 - NYANMIƐN NDƐ'N 1998

⁸ Kusu nán kɔ awlo nga be su di cɛn nun'n nun. Nán a nin sran mun be tran be di like be nɔn nzan lɛ.»

Zeremi 16:8 ပူးပေါင်းရင်းမြစ်များ

Jue Mun 26:4

E nin finfinfuɛ mun e tran-man, e nin gblɛfuɛ mun e san-man nun.

Zeremi 15:17

Kɛ sran'm be yia bɔ be ´srisri'n, n ko tran-man be nun n yiyi-man min nyin su. A tra min nun kekle ti man n trannin min ngunmin ya bɔ ɔ man ɔ kun-man min ngowa'n ti.

Matthieu 24:38

Blɛ sɔ'n nun'n, kɛ nzue dan'n i tɔlɛ'n ɔ ka kaan ´ju'n, sran'm be di like, be nɔn nzan, be ja bla nin bian lele fa ju cɛn nga Noe wluli mmeli nun'n.

1 Korɛntfuɛ Mun 5:11

Sanngɛ ndɛ nga n klɛ blɛli amun'n yɛlɛ kɛ sɛ sran kun se i wun kɛ ɔ ti e niaan'n b'ɔ ti bla annzɛ bian kunndɛfuɛ'n, annzɛ ɔ ti sran bɔ i nyin yi-man like'n, annzɛ ɔ tɛ sɔ amuɛn'n, annzɛ ɔ ti nzowa kpɛfuɛ, annzɛ ɔ ti nzanboɛfuɛ, annzɛ ɔ de sran like wue kekle su'n, i sɔfuɛ'n yɛ n seli amun kɛ nán amun nin i san nun nin-ɔn, yɛ nán amun nin i di like bɔbɔ.

Efɛzfuɛ Mun 5:11

Nán amun nin be nga be fa aosin'n kata bé nyin be yo sa b'ɔ yo-man sa fi ye'n mun di, sanngɛ an `yo man be wun sa sɔ'm be wlɛ.