Zeremi 16:4 - NYANMIƐN NDƐ'N 1998

⁴ «Be ´wu nyrɛnnɛn wie, sran fi su sun-man be, be su sie-man be. Be fuɛn'n ɔ ´kplɔ, ɔ ´yo kɛ angrɛ sa asiɛ'n su. Alɛ'n nin awe'n ´di be. Be fuɛn'm be ´yo apɛtɛkuasi nin nsoso'm be aliɛ.»

Zeremi 16:4 ပူးပေါင်းရင်းမြစ်များ

2 Famiɛn Mun 9:10

Zezabɛl liɛ'n, alua'm be ´di i fuɛn'n Zizreɛl fie'n nun lɔ, sran fi su sie-mɛn i.› » Kɛ gbanflɛn'n wieli ndɛ'n i kan'n, ɔ tikeli anuan'n, nan ɔ'a wanndi ɔ'a ɔ.

Jue Mun 78:64

Alɛ'n dili be Nyanmiɛn nyrun jranfuɛ mun, be angboti'm b'a kwla sun-man be .

Jue Mun 83:10

Kle be nun kɛ a fa kleli Sizɛra nin Zabɛn be nun Kizɔn nzue ba'n i nuan lɔ'n sa. Kle be nun kɛ a kleli Madianfuɛ'm be nun sa .

Ezai 18:6

Be ´yaci Asirifuɛ'm be kwlaa anunman dandan nga be o oka'm be su bɔ be di nnɛn'n bé sa nun. Be ´yaci be blo nnɛn'm bé sa nun. Anunman nga be di nnɛn'n, saka'm be ti be ´ba wawa nun, lɛ yɛ be ´ka-a. Blo nnɛn'm be kusu be ´ba ayrɛ blɛ'n nun, be kusu lɛ yɛ be ´tran-an.

Ezai 5:25

I sɔ'n ti Anannganman fali ya i sran'm bé wun. I sa kannin be. Oka'm be kejeli, sran'm be saka'm be tru klɔ'n nun atin'm be nun kɛ wla sa. Sanngɛ ɔ nin i sɔ'n ngba'n, Anannganman i ya'n ɔ'a jɔ-man, ɔ nin be tɛ nyɛn i tititi.

Zeremi 19:7

Lika nga nun wa'n, n ´saci Zidafuɛ mun, nin Zerizalɛmfuɛ'm be ngwlɛlɛ'n nga be ´fa'n. N ´yo man be ´tɔ be kpɔfuɛ'm be nyrun. Be bɔ be klo-man be nin nguan'n, be ´nyan be. N ´fa be saka'n n ´fa gua anunman nin bo nun nnɛn'm be bo man be di.

Zeremi 21:6

N ´kun klɔ nga nunfuɛ'm be kwlaa, i sran o, i nnɛn o! Tukpacɛ b'ɔ sa ndɛndɛ'n ´kun be.

Zeremi 25:33

Sran nga Anannganman'n man be ´wu cɛn sɔ'n nun'n, be ´gua lɛ sa. Kɛ ɔ fɛ i asiɛ'n i bue kun b'ɔ ´fa ju i bue uflɛ su'n, be su yo-man be sɛ. Be su sie-man be. Be ´kplɔ asiɛ'n su.

Zeremi 34:17

I sɔ'n ti Anannganman'n waan: «Kɛ n waan amun `se amun niaan'm be kɛ amu'an yaci be nun bɔ amu'an di-man su'n, i ti n kusu n ´kan kle amun kɛ: ‹M'an yaci alɛ, nin tukpacɛ b'ɔ sa ndɛndɛ'n, ɔ nin awe'n be nun kɛ be kle amun nyrɛnnɛn. N ´yo man famiɛn diwlɛ'm be nunfuɛ'm be kwlaa nga be ´ti amun ndɛ'n, ɔ ´yo be sro.

Zeremi 34:20

n ´fa be n ´wlɛ i be kpɔfuɛ nga be sunnzun be nin wie'n bé sa nun. Be fuɛn'n ɔ ´yo anunman nin bo nun nnɛn'm be aliɛ.

Zeremi 36:30

ɔ man ndɛ nga min Anannganman'n n kan man wɔ'n yɛ: sran nga be flɛ i kɛ Zozakim'n ɔ su nyan-man ba nan se kɛ anunman b'ɔ ´trɛn i ajalɛ nun David famiɛn bia'n su'n yɛ ɔ ´nyɛn i-ɔ. Zozakim bɔbɔ i fuɛn'n, be ´nɛnnɛn i lɛ wia'n bo i yɛ kɔnguɛ bɔlɛ flɔlɔ'n ɔ ´guɛ i su.

Zeremi 44:12

Zida nvle'n nun sran onga kan bɔ be kali lɛ bɔ be waan be wu be bla nan san Ezipt yɛ be ´wanndi kɔ'n nan be ´kɔ tran lɔ'n, n ´fa be, be kwlaa be ´wu. Be ´wu Ezipt asiɛ'n su. Sɛ nán alɛ'n yɛ ɔ di be'n, awe'n yɛ ɔ ´kun be-ɔ. Ɔ lɛ-man be nun kun, be kwlaa'n be ´wu kpan. Sɛ sran wie waan ɔ su bo sannzan, sɛ sran wie waan ɔ ´kan sa sroesroe wie ndɛ'n, annzɛ sɛ ɔ su kan like wie b'ɔ lɛ-man nyrun annzɛ b'ɔ yo nyannzuɛn'n i ndɛ'n, amun dunman yɛ ɔ ´bo-ɔ.

Zeremi 44:27

N su yo-man amun kpa mlɔnmlɔn, nyrɛnnɛn yɛ n ´fa yi amun su-ɔ. Amun Zidafuɛ nga amun wo Ezipt wa yɛ'n, wie'n ´kun amun kwlaa kpan! Sɛ nán alɛ'n yɛ ɔ di amun'n, awe'n yɛ ɔ ´kun amun-ɔn.

Zeremi 7:33

Fuɛn sɔ mun yɛ be ´kaci apɛtɛkuasi nin nsoso'm be aliɛ-ɔ. Be ´di i sa-a sran fi su kankan-man be bo.

Zeremi 9:22

Anannganman'n wan yoo: «Nán ngwlɛlɛfuɛ'n fɛ i ngwlɛlɛ di i nuan. Nán wunmiɛnfuɛ'n fɛ i wunmiɛn'n di i nuan. Nán anyanbeunfuɛ fɛ i anyanbeun di i nuan.

Ngwlɛ Yilɛ 4:9

Be nga alɛ'n ɔ dili be'n, be wulɛ liɛ'n ɔ flunman tra be nga bɔ b'a wiewie lele b'a tra wiewielɛ su bɔ awe'n man be wu'n.

Ezekiɛl 24:21

‹Se Izraɛlfuɛ'm be kɛ: Anannganman seli min kɛ: Min tranwlɛ bɔ amun fa di amun nuan'n, bɔ amun wun i-ɔ, amun klun jɔ'n, bɔ amún wla o su'n n wa yo man ɔ yo fiɛn. Amun mma yasua mun nin amun mma bla nga be kali Zerizalɛm lɔ'n, be ´kun be.

Ezekiɛl 5:12

Sɛ be bu amun nun akpasua nsan'n, akpasua kun ´wu tukpacɛ b'ɔ sa ndɛndɛ nin awe'n nun klɔ'n i afiɛn lɛ. Alɛ'n ´di akpasua kun klɔ'n wun koko lɛ lika'm be nun. Yɛ akpasua kun ng'ɔ ka'n, n ´yo man be ´bo ´sanndi mɛnmɛn'm be nun, kpɛkuun n ´fa min tokofi'n n ´su be su.

Sofoni 1:17

«N ´fa nyrɛnnɛn'n n ´yi i sran'm be su, be ´nanti kɛ anyansifuɛ mun sa. Fɔnlɛ bɔ be fɔnnin Anannganman wun'n ti, be mmoja'n ´sonji lika'n nun kɛ nzue sa, yɛ be fuɛn'n ´kplɔ kɛ ofuɛ su like sa.»

Mmla'n 28:22

Anannganman ɔ ´yo man amun ´yo kokloo. Amun wunnɛn ´trɔ fiaan, ayrɛ ´gua amun wun, jɛkuajo ´tra amun. Amun wunnɛn'n ´kaka amun, ɔ ´susu. Ɔ ´yo man lika'n ɔ ´wu kee, ble nin ɔrz'n be ´wu kee, be ´kplɔ. Sa sɔ'm be kwlakwla be ´tɔ amún su lele san amun ´wie nunnun.

Mmla'n 28:26

Amun fuɛn'm be ´kaci anunman nin nnɛn'm be aliɛ. Kɛ be ´di i sa'n, sran fi su kan-man bé bo.