Zeremi 16:21 - NYANMIƐN NDƐ'N 1998

²¹ Anannganman waan: «I sɔ'n ti n wa kle be kɛ n lɛ kwlalɛ yɛ n kwla. Ɔ man be wa si kɛ min dunman'n yɛlɛ Anannganman.»

Zeremi 16:21 ပူးပေါင်းရင်းမြစ်များ

Jue Mun 83:18

Man bé nyin gua ase, man srɛ kun be sa tititi, man bé wla bo bé wun, man be yo kokloo!

Jue Mun 9:16

Nvle-nvle nga be nun sran'm be si-man wɔ'n, b'a tɔ kunman nga be bɔbɔ be kpɛli'n nun. Aya nga be fia be suali'n, ɔ'a yaci ɔ'a tra be bɔbɔ.

Ezipt Lɔ Tulɛ'n 14:4

N wa kete famiɛn'n i anwlɛn'n, ɔ wa su amun su. Min kwlalɛ bɔ n ´fa kwla famiɛn'n nin i alɛ kunfuɛ mun'n ti, sran'm be wa manman min. Kɛ ɔ ko yo sɔ'n, Eziptfuɛ'm be wa si kɛ min yɛ n ti Anannganman nin-ɔn.» Izraɛlfuɛ'm be yoli nga Moiz kan kleli be kɛ be yo'n.

Ezipt Lɔ Tulɛ'n 15:3

Anannganman ti alɛ kunfuɛ, ɔ ti safunyrɛn. I dunman'n yɛlɛ Anannganman.

Ezipt Lɔ Tulɛ'n 6:3

Laa, n yili min wun nglo n kleli Abraam, nin Izaak, nin Zakɔb. Min dunman nga n fa kleli be'n yɛlɛ ‹Nyanmiɛn b'ɔ kwla like kwlaa yo'n,› sanngɛ b'a si-man kɛ be flɛ min ekun kɛ: ‹Anannganman›.

Ezai 43:3

Afin n ti Anannganman amun Nyanmiɛn, n ti Izraɛl Nyanmiɛn, min yɛ n de amun-ɔn. N ´fa Eziptfuɛ mun m ´man kɛ amún ti kpɔlɛ like sa. N ´fa Etiopifuɛ mun nin Sebafuɛ mun n ´kaci amun.

Zeremi 33:2

Anannganman b'ɔ yili ninnge mun bɔ i yɛ man be o lɛ'n, i bɔ be flɛ i Anannganman'n, i waan:

Ezekiɛl 24:24

Sa nga Ezekiɛl yoli'n ɔ ti nga amun wa yo'n i nzɔliɛ. I kwlaa nun'n, amun wa yo kɛ i sa, blɛ bɔ sa sɔ'm be ´ju'n, amun wa si jrɛiin kɛ min yɛ n ti Anannganman Nyanmiɛn nin-ɔn.› »

Ezekiɛl 24:27

Yɛ cɛn kunngba sɔ nun'n, a ´yaci bobo yolɛ, a wa kwla ijɔ, yɛ a nin sran ng'ɔ kali lɛ sɔ'n amun ´ijɔ. A wa yo min sran sɔ'm be nzɔliɛ like. Yɛ be wa si jrɛiin kɛ min yɛ n ti Anannganman nin-ɔn.»

Ezekiɛl 25:14

N ´fa Izraɛl b'ɔ ti min nvle'n n ´tu n klunngbɔ'n n gua Edɔm su. Min ya dan bɔ n fali'n, i su yɛ be ´nian be ´fa kle be nyrɛnnɛn nin-ɔn. Yɛ be wa si kɛ kannzu kɛ be wɔ min safle'n, wuun b'a wɔ sran safle.› » Anannganman Nyanmiɛn yɛ ɔ kan sɔ-ɔ.

Ezekiɛl 6:7

Amun nun sran kpanngban kpa be ´wu. Kpɛkuun amun wa si jrɛiin kɛ min yɛ n ti Anannganman nin-ɔn.

Amɔs 5:8

Sran ng'ɔ yili nzraama akpasua akpasua mun sran nga b'ɔ san aliɛ'n cɛn aliɛ, b'ɔ cɛn aliɛ'n b'ɔ san aliɛ'n, b'ɔ flɛ jenvie nzue'n fa ba asiɛ kee'n su'n, be flɛ i kɛ Anannganman.