Zeremi 16:18 - NYANMIƐN NDƐ'N 1998

¹⁸ N ´dun mmua m ´man bé sa tɛ'n i akatua sɔ fa nnyɔn min mɛn bɔ be yoli i fiɛn'n ti, ɔ nin be tete like bɔ be lɛ-man nguan bɔ be fa bali min lika'n nun'n ti.»

Zeremi 16:18 ပူးပေါင်းရင်းမြစ်များ

Jue Mun 106:38

Be kunnin sran nga b'a yo-man sa'n. Sran nga b'a yo-man sa sɔ mun yɛlɛ be mma yasua mun nin be mma mmla mun. Be kunnin be be fa sɔli Kanaan amuɛn mun. Be fali be sran kunlɛ sɔ'n be sacili be mɛn'n.

Ezai 24:5

Sran nga be o asiɛ'n su'n be sacili i yɛlɛ kɛ be tɔnnin mmla'n, be kpɛli ndɛ nga be kan kleli be'n i wun, aenguɛ nga Anannganman nin be trali'n, b'ɔ ti blɛ'n kwlaa nun liɛ'n, b'a fɛ-mɛn i mmla'n su .

Ezai 40:2

Amun `gua Zerizalɛmfuɛ'm be anwlɛn su nzue, yɛ amun `kpan kekle se be kɛ be alɛ'n ɔ'a wie. Amun `se be kɛ b'a yaci bé wun sa'n b'a cɛ be, afin be sa tɛ nga be yoli'n b'a nyɛn i su akatua sɔ kpɛ nnyɔn Anannganman i sa nun.»

Ezai 61:7

«Nyannzuɛn su kun-man amun, sanngɛ amun ´nyan nyrun kpa. Amún nyin su gua-man ase, sanngɛ amun klun ´jɔ like kpa bɔ amun ´nyɛn i'n ti. Amun ´nyan aja ninnge sɔ kpɛ nnyɔn amun mɛn'n nun. Yɛ amun klun wa jɔ anannganman-anannganman.

Ezai 65:6

Amun nian, m'an klɛ bé sa nga be yo'n. N ´tannin bé sa sɔ'n i nuan like m ´man be, n ´yo man ɔ ´ti be kpa sakpa. N su yaci-man be lɛ.

Ezai 65:7

Min Anannganman, min wan yoo: «Bé sa tɛtɛ'm bɔ be yo be'n nin be nannan'm be liɛ'n, m ´bubu be n ´sie nan n ´si be nuan, be nannan'm be yra ansans be mannin amuɛn mun oka'm be su, be sɔtɔ i sɔ yolɛ'n, ɔ'a cɛ. Be klɔklɔli min kpɔlɛ'm bé su. Bé sa tɛtɛ nga be yoli i laa'n, n ´tannin i nuan kalɛ'n m ´man be. Ɔ ´ti be kpa.»

Zeremi 17:18

Min yalɛ klefuɛ mun be yɛ ɔ ti bɔ be wun nyannzuɛn-ɔn, nán min-ɔn. Be yɛ ɔ ti bɔ be klun titi be-ɔ, nán min-ɔn. Yo man nyrɛnnɛn blɛ'n ju, man ɔ tɔ be su. Fa nyrɛnnɛn fa nnyɔn yi be su.

Zeremi 2:7

N fali amun m bali asiɛ kpa su nan amun di i su ninnge kpakpa'n wie. An bali min mɛn'n nun, kpɛkuun an wa yoli i fiɛn. M bɔbɔ min like'n, an fa yoli tete like.›

Zeremi 3:9

Izraɛl fɛli i tekle b'ɔ ´bo-ɔ ɔ fia-man'n fa sacili mɛn'n. Ɔ yacili min lɛ ko sɔli yɛbuɛ mun nin waka mun.

Zeremi 44:4

N sunmannin min sufuɛ'm be kwlaa bɔ be ti min nuan ijɔfuɛ mun bé wun. M'an yaci-man be sunmanlɛ le. N yoli man be seli be kɛ: tete sa'n ɔ ti min ciliɛ, nán amun yo be.

Zeremi 7:30

Anannganman'n waan: «Sa nga Zidafuɛ'm be yoli'n, ɔ'a yo-man min fɛ mlɔnmlɔn. Be fali be tete ninnge'm be sieli i sua bɔ min dunman'n wo su'n nun, be fali fiɛn kɛnnin i.

Ezekiɛl 11:18

Lɛ yɛ amun ´ba-a, an ´yiyi i nun tete sa'm be kwlakwla nin amuɛn sɔlɛ wafa-wafa'n kwlaa.

Ezekiɛl 11:21

Sanngɛ be nga bɔ be tete sa mun yɛ be waan be ´yo'n bɔ amuɛn sɔlɛ'n yɛ be waan be ´sɔ'n, n ´yo man be ´fɛ i su afɛ'n.» Anannganman Nyanmiɛn'n yɛ ɔ kan sɔ-ɔ.

Ezekiɛl 36:18

Sran bɔ be kunnin be'n nin amuɛn sɔlɛ bɔ be fa yoli mɛn'n i fiɛn'n ti, n fali ya dan kpa bé wun.

Ezekiɛl 5:11

‹Ndɛ nga min Anannganman bɔ min nyin o su'n n kan'n yɛ: Amun sulɛ bɔ amun waan an ´su min bɔ an su-man min kpa'n, ɔ nin amun tete ninnge mun, an fa yoli mín sua'n i fiɛn. I sɔ'n ti, n wa nunnun amun, n su si-man amun aunnvuɛ kaan sa, n su yaci-man amun lɛ.

Ndɛ Nga Nyanmiɛn I Nuan Ijɔfuɛ Oze Kannin'n 9:7

Amun fɔ tulɛ nga Anannganman'n kɛnnin i ndɛ'n, i blɛ'n ɔ'a wie ju. Yɛ amun kalɛ tualɛ blɛ'n kusu ɔ'a wie ju. I sɔ blɛ nun'n, Izraɛl wa si kɛ sa ti-ɔ. An ko se kɛ: «Nyanmiɛn nuan ijɔfuɛ'n ɔ'a bo fia, sran sɔ'n b'ɔ nin Nyanmiɛn be ijɔ'n i ti ɔ'a saci.» Sɛ ɔ bo fia'n, ɔ fin amun sa tɛtɛ beblebe'n, ɔ fin abɔlɛ kpɔlɛ nga amun kpɔ i'n .

Saun Yolɛ 26:30

Amún wun tɛ bɔ ´yo min'n ti'n, n ´saci amun sraka yiwlɛ lika bɔ be o kpɔlɛ'm be su'n, m ´bubu amun ansans yrawlɛ mun, kpɛkuun sran nga be wu'n be fuɛn'n, n ´fa be n ko tian amun amuɛn'm bé su.

Mise 2:10

An `sin be wɔ! Pɔɔ dilɛ'n wieli! Sa tɛ nga amun yoli'n i su afɛ nga an wa fɛ'n, be flɛ-mɛn i afɛ.»

Sa nglô yile 18:6

Sa ng'ɔ fa yoli amun'n, an `nian su yo i wie, an `yo i wunsu sɔ kpɛ nnyɔn! Klowa ng'ɔ su nzan nun mannin amun'n, an `su nzan nga i kekle'n trɛ i liɛ'n kpa'n wie nun mɛn i .