Zeremi 16:16 - NYANMIƐN NDƐ'N 1998

¹⁶ Anannganman waan: «N wa sunman jue trafuɛ kpanngban kɛ be ko tra be. I sin n ´sunman koniɛn difuɛ kpanngban kɛ be di be wun koniɛn oka mun, nin kpɔlɛ'm be su, ɔ nin yɛbuɛ buɛ'm be kwlakwla be nun.

Zeremi 16:16 ပူးပေါင်းရင်းမြစ်များ

Bo Bolɛ 10:9

Nimrɔd yoli koniɛn difuɛ dan kpa Anannganman nyrun. I ti yɛ be ´kan ndɛ-ɔ, be se kɛ: «Sran nga ti koniɛn difuɛ kpa Anannganman nyrun kɛ Nimrɔd sa» nin-ɔn.

Ezai 2:21

Anannganman i ya dan'n nin i nyrun b'ɔ yo sro'n ti'n, sran'm be ´wlu yɛbuɛ buɛ'm be nun, be ´wanndi. Afin Anannganman ɔ wa jaso, ɔ ´wlanwlan asiɛ'n sufuɛ mun.

Ezai 7:19

Be ´ba, be wa tran kongo kploun'n nin yɛbuɛ buɛ'm be nun. Be ´tran susrɛ'm be kwlaa be su, be ´tran kan nnɛn'm be didi lɛ'n kwlaa nun.

Zeremi 25:9

n wa ko yia amun mɛn'n i nglo lɔ nvle'm be kwlakwla, yɛ n ´yia min sufuɛ Nɛbikadnɛzar b'ɔ ti Babilɔni famiɛn'n. N ´fa be m ´ba kɛ be nin mɛn nga nunfuɛ mun nin mɛn nga be mantan wa'n be nunfuɛ mun be wa kun nan be `bo wa mɛn'n. Ɔ man kɛ sran'm be wa wun amun'n, amun ´yo be sro, be ´fa amun di flɛn, yɛ be ´nunnun amun mlɔnmlɔn.

Zeremi 4:29

Kɛ klɔ'n nunfuɛ'm be ti nnɛn kpanngɔ fufuɛ nin ta tofuɛ'm be ngan'n, be kwlaa be lɛ wanndilɛ. Be ko fia susrɛ'm be nun. Be ko fu yɛbuɛ'm be su. Klɔ ngbɛn'n nannan lɛ, sran fi nun-man su kun.

Zeremi 49:5

Anannganman b'ɔ sie mɛn wunmuan'n wan yoo: ‹Sa nga n ´fa yi amun su'n su yo-man blɛblɛ. Ɔ fin wa ɔ fin wa yɛ ɔ ´tɔ amun su-ɔ. Amun ´bo je, sran kun sa su sɔ-man amun nun.

Zeremi 6:9

Anannganman b'ɔ sie mɛn wunmuan'n waan: «Man be isa-isa Izraɛlfuɛ be onga mun, kɛ b'a ti vinyi mma b'a sin nan be su niɛn-niɛn i ja nun ekun sa. Man be fa bé sa'n wlan-wlan vinyi sama'n su bla kɛ vinyi tifuɛ mun sa.»

Ngwlɛ Yilɛ 4:18

Be nian e su. E lɛ-man atin e fite kɔ-man e klɔ. Kannzu e blɛ liɛ'n ɔ'a mantan, yɛ ɔ'a ju yɛ, awieliɛ'n ɔ'a wie ye!

Ngwlɛ Yilɛ 4:19

E yalɛ klefuɛ'm bé wun yo mmlɛ tra anunman nyin b'ɔ tu sin nglo lɔ'n. Be fuan e sin oka'm bé su. B'a sua-sua e wun aya aawlɛ flɛnnɛn nun sa trutrɛɛ.

Ndɛ Nga Nyanmiɛn I Nuan Ijɔfuɛ Oze Kannin'n 10:10

N wa tu min klunngbɔ n ´gua bé su. Nvle'm bé bo yo kun bé wun. Bé sa tɛ bɔ be yo be flan nun'n ti'n, be ´tu be fɔ .

Amɔs 4:2

Anannganman Nyanmiɛn'n ta nda se kɛ: «Min nzuɛn nin klɔ sran liɛ'n ti-man kun. I ti cɛn kun wa ju bɔ i sɔ cɛn liɛ nun'n, be wa cuɛn amun nin amun mma'm be ase kɛ jue bɔ b'a fɛ kowa nun'n sa .

Amɔs 5:19

Amun ´yo kɛ sran wie bɔ i waan ɔ su wanndi asɔmɔli i nyrun kpɛkuun ɔ'a kɔ fu kangale su'n sa. Kɛ ɔ fɛ i lɛ ju i awlo lɔ, ɔ ´fɛ i sa fua talɛ wun-ɔn, wuo ɔ'a kɛ i.

Mise 7:2

Cuekee! Sran nga be nin Nyanmiɛn be tran klanman'n b'a wie mɛn'n nun, sran fi di-man nanwlɛ kun. Sran kunlɛ akunndan'n yɛ be bu-ɔ, ɔ lɛ-man be nun kun, be sua-sua be wiengu wun aya.

Sofoni 1:12

Blɛ sɔ nun'n, n ´sɔ kannin n ´nian-nian Zerizalɛm i kɔtɔkakɔtɔka nin i longolongo'm be kwlaa be nun. Be bɔ be klun ti-man be, be o lɛ diin kɛ nzan bɔ ɔ'a klo ɔ'a jrɛn i bo'n sa. Be se be wun kɛ: ‹Man e ti sa ke! Anannganman su kwla yo-man like fi! Sa kpa o, sa tɛ o, ɔ kwla-man wie fi yo!› E nin be sɔfuɛ mun e wa yia nun.

1 Samiɛl 24:11

Ɔ bɔbɔ nian, ndɛkɛn Anannganman fali wɔ wlali mín sa nun yɛbuɛ buɛ nga nun wa. Sran'm be se min kɛ n kun wɔ, sanngɛ n sili wɔ aunnvuɛ, min waan: ‹Cɛcɛ, n kun-man min min'n, afin Anannganman fɛ i sieli famiɛn.›

1 Samiɛl 26:20

N ´srɛ, nán n wu mɛn wie nun, sanngɛ man min nguan'n wie Anannganman i mɛn liɛ'n nun. Sɔsɔwa kɛ mín sa'n ti Izraɛl famiɛn'n ɔ'a ba alɛ kunlɛ. Ɔ su min su kɛ cinndalo wie yɛ be su fuɛn i oka'm be su sa.»