Zeremi 16:11 - NYANMIƐN NDƐ'N 1998

¹¹ tɛ be su kɛ: ‹Anannganman'n waan: Amún si'm be yili min ase, be ko suli ninnge'm be su, be suli be, be kotoli be bo. Be yili min ase, b'a fa-man min mmla'n su.

Zeremi 16:11 ပူးပေါင်းရင်းမြစ်များ

1 Famiɛn Mun 9:9

Kpɛkuun be wa tɛ bé su kɛ: ‹Anannganman be Nyanmiɛn'n b'ɔ ko fali be nannan mun Ezipt lɔ bali'n, be yili i ase, be ko fali amuɛn'm be kotoli bé bo, be suli be. I ti yɛ Anannganman fali nyrɛnnɛn nga kwlaa yili bé su nin-ɔn.› »

2 Be Nyoliɛ 7:22

Yɛ be ´tɛ bé su kɛ: ‹Anannganman b'ɔ ti bé si'm bé Nyanmiɛn'n, b'ɔ ko fali be Ezipt mɛn'n nun lɔ bali'n, be kacili be sin sili i, be ko fali bé wun wlali amuɛn sɔlɛ nun, be kotoli amuɛn sɔ'm bé bo, be sɔli be. I sɔ'n ti yɛ man Anannganman fali nyrɛnnɛn nga kwlaa yili be su-ɔ.› »

Zeremi 13:22

A wa usa ɔ́ wun kɛ: ‹?Nguɛ ti yɛ sa nga'm be ju min su-ɔ?› Sɛ a ti bla'n, wuun n ´se kɛ sa tɛ dan bɔ a yoli'n ti yɛ be trali wɔ bɔ be nin wɔ lali kekle nun nin-ɔn.

Zeremi 2:8

Nyanmiɛn nyrun jranfuɛ'm b'a usa-man kɛ: ‹?Anannganman kpa'n wo nin?› Be bɔ mmla'n wo bé sa nun'n, b'a si-man min. Amun su kpɛnngbɛn'm be jasoli mín wun. Nyanmiɛn nuan ijɔfuɛ'm be yoli Baal nuan ijɔfuɛ. Like nga be yo-man like fi ye'n, bé wun yɛ be fali bé wun mantannin-ɔn.

Zeremi 22:9

Be ´tɛ be su kɛ: «Anannganman be Nyanmiɛn'n i aenguɛ ng'ɔ nin be trali'n, be yili i ase be ko kotoli ninnge wie'm be bo, be suli be, i ti-ɔ.»

Zeremi 44:3

Sa ti bɔ n yoli be sɔ'n, yɛlɛ sa tɛ bɔ be yoli be fa klɔklɔli min'n. Amuɛn nga bé si'm b'a si-man be bɔ be bɔbɔ kusu be si-man be laa'n, be ko yrali ansans mannin be, be sɔli be.

Zeremi 8:2

Be ´fa be yi gua'n su, wia'n i bo. Anglo nin nzraama'm be ´ta be su. Afin be kloli ninnge sɔ mun, be suli be, be suli be su, be fali bé wun mantannin be, be kotoli bé bo. Be su yiayia-man be owie sɔ'm be su. Be su sie-man be ndia nun. Be ´kaci kɛ angrɛ yɛ b'a fa guɛ i asiɛ'n nun sa.

Zeremi 9:14

I sɔ'n ti Anannganman b'ɔ sie mɛn wunmuan'n, b'ɔ ti Izraɛl Nyanmiɛn'n i waan: «N wa man nvle nga nunfuɛ'm be kondu man be di. N ´gua nzue nun duwlɛ n ´man be be ´nɔn.

Ngwlɛ Yilɛ 5:7

E nannan'm bɔ be yoli be sa tɛ'n be nun-man nun kun. I sɔ'n kpɛkuun é ti su yɛ bé sa tɛ sɔ'n i trɔ'n ɔ'a taka-a .

Ezekiɛl 11:21

Sanngɛ be nga bɔ be tete sa mun yɛ be waan be ´yo'n bɔ amuɛn sɔlɛ'n yɛ be waan be ´sɔ'n, n ´yo man be ´fɛ i su afɛ'n.» Anannganman Nyanmiɛn'n yɛ ɔ kan sɔ-ɔ.

Amɔs 2:4

Anannganman'n wan yoo: «Zidafuɛ'm bé sa tɛtɛ nga b'a yo'n sɔnnin. Mmla nga n fa mannin be'n, be yoli i finfin. B'a fa-man mín nuan su ndɛ'm be su. Be yacili atin kpa'n be fali uflɛ, i ti be mlinnin. Gblɛ ninnge kɛ amuɛn'm be sa'n, bɔ be nannan'm be yoli'n be su yɛ be su-ɔ. Ɔ man e nin be y'a nyɛn i.

Malasi 3:7

ajalɛ kunngba nga amún si nin amun nannan'm be tuli'n, yɛ amun wo su lɛ-ɔ. Ndɛ nga n kan kleli amun'n, ɔ guali amún su sin, amu'an fa-man su. Amun `fa amún wun be `mantan min nan n kusu n `fa mín wun m `mantan amun. Min Anannganman b'ɔ n sie mɛn wunmuan'n yɛ n kɛn i sɔ n kle amun-ɔn. Sanngɛ amun ko usa kɛ yoo: ‹?E sin salɛ sɛ yɛ ɔ waan e `sa-a?›

1 Piɛr 4:3

Afin an yoli amun klun sa'n cɛli kɛ be nga be ti-man Kristfuɛ'n be yo'n sa. An boli wlaka, amún nyin bloli ninnge'm bé su, an nɔnnin nzan boli, an yoli sa finfin mun, an yia nɔnnin nzan lelele, yɛ an sɔli amuɛn.

Jɔlɛ Difuɛ Mun 2:11

Izraɛlfuɛ'm be yoli sa nga Anannganman klo-mɛn i mlɔnmlɔn'n: be sɔli amuɛn nga be flɛ be kɛ Baal mun .