Zeremi 16:10 - NYANMIƐN NDƐ'N 1998

¹⁰ «Sɛ a kan ndɛ nga kwlaa kle nvle nga nunfuɛ mun nan be usa wɔ kɛ: ‹?Ɔ yo sɛ ti yɛ Anannganman'n kan nyrɛnnɛn sa nga mun kwlaa kle ye nin-ɔn? ?Nguɛ sa yɛ e yoli-ɔ? ?Fɔnlɛ sɛ yɛ e fɔnnin Anannganman e Nyanmiɛn'n i wun-ɔn?›,

Zeremi 16:10 ပူးပေါင်းရင်းမြစ်များ

Zeremi 11:17

Anannganman b'ɔ sie mɛn wunmuan'n b'ɔ tali amun'n, sa tɛ nga Izraɛlfuɛ mun nin Zidafuɛ'm be yoli'n, ansans nga be yra mannin Baal'n ti ɔ'a siesie kɛ nyrɛnnɛn tɔ amun su.

Zeremi 13:22

A wa usa ɔ́ wun kɛ: ‹?Nguɛ ti yɛ sa nga'm be ju min su-ɔ?› Sɛ a ti bla'n, wuun n ´se kɛ sa tɛ dan bɔ a yoli'n ti yɛ be trali wɔ bɔ be nin wɔ lali kekle nun nin-ɔn.

Zeremi 2:23

«?Ɔ yo sɛ yɛ man a kwla se kɛ: ‹M'an yo-man fiɛn, m'an ko sɔ-man Baal nin-ɔn?› Sanngɛ wuun ɔ osu'n yɛ ɔ o kongo nun lɔ kɛ nyɔnngɔnmɛn talua wie b'ɔ sin kɔ wa sin kɔ wa'n sa.

Zeremi 2:35

Sanngɛ a blu sa ng'ɔ o lɛ'n su a ko se kɛ: «M'an yo-man sa, nán ɔ fa mín wun ya sɔ. Selɛ nga a seli kɛ w'a yo-man tɛ'n ti e nin wɔ y'a nyɛn i.»

Zeremi 44:3

Sa ti bɔ n yoli be sɔ'n, yɛlɛ sa tɛ bɔ be yoli be fa klɔklɔli min'n. Amuɛn nga bé si'm b'a si-man be bɔ be bɔbɔ kusu be si-man be laa'n, be ko yrali ansans mannin be, be sɔli be.

Zeremi 5:19

Sɛ be usa kɛ: ‹?Sanngɛ ɔ yo sɛ ti yɛ Anannganman e Nyanmiɛn'n yoli ye sa-a?› Tɛ be su kɛ: ‹I nun bɔ amun wo amun bɔbɔ amun mɛn'n nun lɔ'n, amun yacili min lɛ ko suli nvle uflɛ'm be nun amuɛn mun, i sɔ'n ti kusu yɛ man amun wa kɔ mɛn uflɛ nun amun ´ko su sran uflɛ mun nin-ɔn.› »

Zeremi 9:11

Sran ng'ɔ si ngwlɛlɛ'n b'ɔ wun sa sɔ'm be wlɛ'n, man ɔ kan. Sran nga Anannganman'n kannin ndɛ kleli i'n, man ɔ kan sa ti bɔ mɛn'n sacili'n, b'ɔ man ɔ'a tɔ srolo'n, bɔ sran fi sin-man nun'n.

Ndɛ Nga Nyanmiɛn I Nuan Ijɔfuɛ Oze Kannin'n 12:8

Kanaanfuɛ'm bé sa nun toe'm be ti-man kpa, akpo bolɛ'n yɛ ɔ ti be junman-an.