Zeremi 15:8 - NYANMIƐN NDƐ'N 1998

⁸ N yoli man be angboti mmla'm be yoli kpanngbangban, jenvie nuan aunnyan bɔbɔ ɔ ´fɛ i wun wɔ. N yoli man wia klakla kpa'n nun'n, like sacifuɛ'n ɔ wa tɔli sonja gbanflɛn'n i nin'n su. N yoli man i klun kpa'n suannin i sa kplala, kpɛkuun i wawɛ wanndili i wun.

Zeremi 15:8 ပူးပေါင်းရင်းမြစ်များ

Ezai 3:25

Zerizalɛm, alɛ'n wa di ɔ su sran mun, ɔ lɔ safunyrɛn'm be ´wu alɛ'n nun.

Ezai 3:26

Ɔ nunfuɛ'm be kwlaa be ´bo awuyomo, be ´yi ngwlɛ. Be ´sun kɛ bla bɔ i ninnge ng'ɔ lɛ i'n i kwlaa ɔ'a fi i sa, b'ɔ tran asiɛ ba kpa'n su sun'n sa.

Ezai 4:1

I cɛn sɔ nun'n, bla nso be ´tra yasua kun, yɛ be se i kɛ: «E bɔbɔ e ´kunndɛ e like e ´di, e ´kunndɛ é tannin e ´kla. Ɔ dunman'n cɛ yɛ e waan a `fa sie e su nan e nyrun nyannzuɛn ɔ wie-ɔ!»

Zeremi 16:3

Ba yasua nin ba bla nga be ´wu be lika nga nun'n, be nin be nin mun, ɔ nin bé si nga be wuli be'n, bé wun ndɛ nga Anannganman'n kan'n yɛ:

Zeremi 18:21

I sɔ'n ti, yo man awe'n kun be mma mun. Fa be bɔbɔ yi i alɛ'n nun. Man be yi'm be mma'm be fi be sa. Man be ka angboti. Man tukpacɛ b'ɔ sa ndɛndɛ'n kun bé wun mun. Man alɛ'n di be mma gbanflɛn mun.

Zeremi 22:7

N ´sunman like sacifuɛ mun ɔ wun, bé sa nun alɛ ninnge sɛsɛsɛ yɛ be ba-a. Be ´kpɛkpɛ ɔ sɛdri nglanman-nglanman kpa'm be bo. Be ´gua be sin nun.»

Zeremi 4:16

An `kan kle sran'm be kwlaa, an `se Zerizalɛm kɛ: ‹Amun kpɔfuɛ'm be fin mɛn mmua mmua kun nun be su ba. Be su kpan alɛ kpanlɛ Zida klɔ'm be ti.

Zeremi 5:6

I sɔ'n ti yɛ asɔmɔli'm be fin bo nun lɔ bɔ be fa be nyin wɔ be nin-ɔn. I sɔ'n ti yɛ blo alua mun bɔ be o lika kpɛtɛkplɛɛ'm be nun'n, be titi be nun nin-ɔn. I sɔ'n ti yɛ kangale'n bu sa be klɔ'm be sin ɔ titi be kwlaa nga be fin lɔ fite'n be nun nin-ɔn. Kannzu bé nyin kekle aeliɛ b'ɔ sɔnnin sa'n ti-ɔ. Be nyin kekle beblebe sa'n ti-ɔ.

Zeremi 6:26

«Min sran mun, an `wla bajɛ tralɛ. An `la kondo ndutre nun. An `yo sɛ kɛ amun wa klikli'n ɔ'a wu sa. An `to sɛ jue ng'ɔ kle sunlɛ kpa'n, yɛlɛ kɛ like sacifuɛ'n su wa fu amun nun ɔ ´tɔ amun su.»

Ngwlɛ Yilɛ 5:3

E lɛ-man si kun. E nin'm b'a ka angboti. Y'a ka e liɛ aika.

Ezekiɛl 22:25

Ɔ su kpɛn'm b'a cici lɔ, be ti kɛ asɔmɔli bɔ be kpan be di be nnɛn'n sa, be kun sran mun be fa be sika'n nin be anwlɛn su ninnge kpakpa mun kekle su. B'a yo man be di-man angboti mmla'm be yalɛ kun siɛn'n.›

Ndɛ Nga Nyanmiɛn I Nuan Ijɔfuɛ Oze Kannin'n 4:5

Wia klengle kpa'n nun yɛ ɔ́ ja'n ɔ ´kpla-a, yɛ ɔ niaan'n b'ɔ ti min nuan ijɔfuɛ'n kusu i ja liɛ'n ɔ ´kpla kɔnguɛ. Izraɛl, n ´kun wɔ awuliɛ nin'n.

JÉSUS-CHRIST I DYASIN FE'N BO LUC KLELI'N 21:35

Afin cɛn sɔ'n ɔ wa fu sran bɔ be o mɛn wunmuan'n nun'n be kwlaa be nun kɛ aya sa.