Zeremi 15:7 - NYANMIƐN NDƐ'N 1998

⁷ N kpajali n sran mun kɛ be kpaja awie nun'n sa. N kpajali be n guali mɛn'n i sin lɔ. N fali be mma mun n wɔli. N yoli man min sran sɔ'n, wie'm be wuli, sanngɛ b'a kaci-man be ajalɛ'n.

Zeremi 15:7 ပူးပေါင်းရင်းမြစ်များ

Jue Mun 1:4

Klunwifuɛ'm be liɛ'n, ɔ ti-man sɔ mlɔnmlɔn. Be ti kɛ ijre bɔ aunngban'n fitɛ i kɔ'n sa.

Ezai 41:16

sɛ n ´kwla se'n, amun wa kpaja be nun kɛ awie sa, seke kun wa sanndi-sanndi be nun, yɛ aunngban'n ´fa be kɔ. Sanngɛ amun liɛ'n, amun klun wa jɔ Anannganman ti, amun wa fa Izraɛl Nyanmiɛn'n ´di amun nuan.

Ezai 9:12

Sanngɛ sran'm be sa-man bé sin Anannganman b'ɔ tuli be fɔ'n i sin. Yɛ be kunndɛ fa-man bé wun mantan-man Anannganman b'ɔ sie mɛn wunmuan'n.

Ezai 9:13

I sɔ'n ti, sɛ e ´kwla e se'n, aliɛ ba kunngba nun'n, Anannganman ´kpɛ Izraɛl'n i ti'n nin i lua'n, ɔ ´kpɛ mme'n i nnya'n nin ndɛ mma'n .

Zeremi 18:21

I sɔ'n ti, yo man awe'n kun be mma mun. Fa be bɔbɔ yi i alɛ'n nun. Man be yi'm be mma'm be fi be sa. Man be ka angboti. Man tukpacɛ b'ɔ sa ndɛndɛ'n kun bé wun mun. Man alɛ'n di be mma gbanflɛn mun.

Zeremi 5:3

Anannganman kusu nanwlɛ'n yɛ ɔ klo i-ɔ. A boli be sanngɛ nán be ndɛ-ɔ. Ɔ waan a ´wiewie be, sanngɛ b'a bua-man nun. Be yoli nyin kekle, be waan nán be yɛ be ko sa be sin be ko ba-a.

Zeremi 51:2

N wa sunman sran mun kɛ be ko sanngan be nun nan be bo sanndi kɛ aunngban'n su sanngan ijre'n nun sa. Be ´wie lɔ ninnge'm be ´fɛn. I sɔ nyrɛnnɛn cɛn liɛ nun'n, sran'm be ´fin wa be ´fin wa, yɛ be ´ju guɛ i su-ɔ.

Zeremi 9:21

«Zeremi, se kɛ Anannganman'n wan yoo: ‹Fuɛn'm be ´gua asiɛ wun kɛ asiɛ'n i ye yolɛ like yɛ b'a guɛ i fie'n su sa. Be ´gua kɛ be su kpɛ ble nan be nyan-man sran isɛ-mɛn i ja mun nan ɔ tru bé sin'n sa.› »

Ezekiɛl 24:21

‹Se Izraɛlfuɛ'm be kɛ: Anannganman seli min kɛ: Min tranwlɛ bɔ amun fa di amun nuan'n, bɔ amun wun i-ɔ, amun klun jɔ'n, bɔ amún wla o su'n n wa yo man ɔ yo fiɛn. Amun mma yasua mun nin amun mma bla nga be kali Zerizalɛm lɔ'n, be ´kun be.

Ezekiɛl 24:25

I sin Anannganman seli min kɛ: «Klɔ sran, n wa de bé sua b'ɔ ti be fiawlɛ nin be aklunjuɛ like'n, bɔ be fa di be nuan'n, bɔ bé wla o su'n. N ´yo man be mma yasua mun nin be mma bla'm be fi bé sa.

Ezekiɛl 36:12

Amun nga amun ti min mɛn nunfuɛ'n, n ´fa amun n nanti mɛn wunmuan'n nun. Ɔ ´kaci amun liɛ, amun mma'm be su fi-man amún sa lɔ kun.

Zakari 1:4

Nán an yo kɛ amun nannan'm be sa. Laa'n min nuan ijɔfuɛ'm be seli be kɛ m bɔ n sie mɛn wunmuan'n min waan be `gua be nzuɛn tɛ nin be aeliɛ tɛtɛ'm be ase. Sanngɛ b'a ti-man, b'a fa-man bé ti b'a de-man. Nán an yo kɛ be sa.

Matthieu 3:12

I nene'n wo i sa nun, ɔ wa kpɛjɛ i ble'n b'ɔ o i bowlɛ nun'n lele ɔ ´wie, ɔ ´isa guɛ i tanngannin'n nun, yɛ ɔ ´wɔ i wla'n nun sin b'ɔ nuan-man'n nun.»

Mmla'n 28:18

Amun su wu-man ba kaka, amun fie'm be su yo-man ye, amun nannin mun, nin amun bua mun, ɔ nin amun boli'm be su trɛ-man.

Mmla'n 28:32

Be ´fa amun mma yasua mun nin amun mma bla mun be ´man nvle wie nunfuɛ mun amun bɔbɔ amun nyrun lɛ. Amun wa minndɛ be balɛ'n lele ngbɛn, amun su kwla-man sa fi yo .

Mmla'n 28:41

Amun ´wu ba yasua mun nin ba bla mun, sanngɛ be ´tra be, be ´fa be ´yo kanga, be su yo-man amun liɛ .