Zeremi 15:3 - NYANMIƐN NDƐ'N 1998

³ Anannganman'n waan: «N wa fa nyrɛnnɛn wafa nnan n ´yi be su. Alɛ'n ´di be, alua'm be ´cuɛn be fuɛn'm be ase, anunman nin bo nun nnɛn tɛtɛ'm be ´di be, be ´nunnun be.

Zeremi 15:3 ပူးပေါင်းရင်းမြစ်များ

Jue Mun 68:23

E Min'n waan: «N ´fa be Bazan lɔ m ´ba. N ´fa be jenvie'n bo lɔ m ´ba

Ezai 18:6

Be ´yaci Asirifuɛ'm be kwlaa anunman dandan nga be o oka'm be su bɔ be di nnɛn'n bé sa nun. Be ´yaci be blo nnɛn'm bé sa nun. Anunman nga be di nnɛn'n, saka'm be ti be ´ba wawa nun, lɛ yɛ be ´ka-a. Blo nnɛn'm be kusu be ´ba ayrɛ blɛ'n nun, be kusu lɛ yɛ be ´tran-an.

Zeremi 12:9

?Min nvlefuɛ mun be yɛ b'a yo kɛ anunman wie sa bɔ nnɛn wlɛfuɛ'm be sɔ i wa be sɔ i wa sɔ-ɔ? Be `yiayia bo nun nnɛn mun. Man be wa di cɛn.

Zeremi 14:12

Sɛ be ci nglɛmun be kpata min bɔbɔ-ɔ, n su sie-man mín su. Sɛ be yi tɛ nga be yrɛ i nnɛn'n kɔlikɔli nin o, sɛ be yi sraka be mannin min o, n su sɔ-man nun. N ´fa alɛ nin awe, nin tukpacɛ b'ɔ sa ndɛndɛ'n n ´wiewie be.»

Zeremi 14:16

Sran nga kusu bɔ be kan ndɛ sɔ'n kle be'n, awe'n nin alɛ'n ´kun be, be ´gua Zerizalɛm akpɔ'm be su flɛnnɛnnɛn! Be su nyan-man sran fi b'ɔ ´sie be-ɔ. Be nin be yi mun nin be mma yasua mun, ɔ nin be mma bla mun, sa tɛ nga be yoli'n, n ´fa taka bé ti afiɛn.»

Zeremi 16:4

«Be ´wu nyrɛnnɛn wie, sran fi su sun-man be, be su sie-man be. Be fuɛn'n ɔ ´kplɔ, ɔ ´yo kɛ angrɛ sa asiɛ'n su. Alɛ'n nin awe'n ´di be. Be fuɛn'm be ´yo apɛtɛkuasi nin nsoso'm be aliɛ.»

Zeremi 7:33

Fuɛn sɔ mun yɛ be ´kaci apɛtɛkuasi nin nsoso'm be aliɛ-ɔ. Be ´di i sa-a sran fi su kankan-man be bo.

Ngwlɛ Yilɛ 3:11

Ɔ'a kaci min atin mun, ɔ'a titi min nun, ɔ'a yaci min kunngba lɛ.

Ezekiɛl 14:21

I sin Anannganman Nyanmiɛn'n wan yoo: «Kannzɛ bɔ nyrɛnnɛn dandan nnan nga n ´fa yi Zerizalɛm klɔ'n su'n, i alɛ o, i awe o, i nnɛn tɛtɛ o, i tukpacɛ b'ɔ sa ndɛndɛ o,

Ezekiɛl 33:27

Kan ndɛ nga kle be man min, se be kɛ: ‹Min Anannganman Nyanmiɛn bɔ min nyin o su'n, n se amun kɛ be nga be kali klɔ buebue'm be nun'n, be ´kun be. Be nga be o blo lɔ'n, blo nnɛn tɛtɛ'm be ´di be. Be nga be fia oka'm be nun nin yɛbuɛ buɛ'm be nun'n, tukpacɛ b'ɔ sa ndɛndɛ'n ɔ ´kun be.

Saun Yolɛ 26:16

sa nga n ´fa wla amun nun'n yɛ o yɛ: sa sroesroe mun bɔ be kun srɛ'n, ɔ nin nzisi koklo'n, ɔ nin ayrɛ ng'ɔ gua bé wun'n yɛ n ´to n yi amún su-ɔ. I sɔ ninnge liɛ mun'n, be man sran'n ɔ tu i ba nun, yɛ be man ngokoɛ ɔ kun i. Amun ´di fie ngbɛn, san be nga be nin amun be kun'n, be yɛ be ´fɛ i su ninnge'm be ´di-ɔ.

Saun Yolɛ 26:22

N ´fa blo nnɛn mun n gua amun nvle'n nun be ´kun amun mma mun, yɛ be ´kun amun nnɛn mun. Kɛ ɔ ko yo sɔ'n, kpɛkuun amun ´ka kaan, yɛ amun atin mma'm be ´tɔ srololo.

Saun Yolɛ 26:25

Aenguɛ nga min nin amun e trali bɔ amun sacili i'n ti'n, n ´to alɛ n ´yi amun mɛn'n nun. Man amun ´ko fia klɔ wie'm bé su, sanngɛ n ´fa tukpacɛ bɔ sa ndɛndɛ kun n ´yi i klɔ sɔ'm bé su, yɛ kpɛkuun be nga bɔ be nin amun be kun'n, be yɛ be ´sie amun-ɔn.

Amɔs 5:19

Amun ´yo kɛ sran wie bɔ i waan ɔ su wanndi asɔmɔli i nyrun kpɛkuun ɔ'a kɔ fu kangale su'n sa. Kɛ ɔ fɛ i lɛ ju i awlo lɔ, ɔ ´fɛ i sa fua talɛ wun-ɔn, wuo ɔ'a kɛ i.

Mmla'n 28:26

Amun fuɛn'm be ´kaci anunman nin nnɛn'm be aliɛ. Kɛ be ´di i sa'n, sran fi su kan-man bé bo.

Mmla'n 32:24

Awe'n ɔ ´kpɛn bé su, be ´glɔ, jɛkuajo nin tukpacɛ tɛtɛ'm be ´yo be. Kpɛkuun n ´yo man nnɛn wlɛfuɛ wie'm be wlu be nun, yɛ wuo nga be lɛ bɔyre'm be ´ka be.

Sa nglô yile 6:8

N ´nian-an, nnɛn kpanngɔ nzuɛn-nzuɛn kun yɛ. Sran ng'ɔ ti su'n, be flɛ i Wie, yɛ lika nga be flɛ i blɔlɔ'n ɔ su i su. Be bubuli asiɛ'n sufuɛ'm be nun fa nnan, be mannin be atin kɛ be kun be nun fa kun. Be fa tokofi, nin awe, nin tukpacɛ ɔ nin asiɛ'n su nnɛn nga be yo wlɛ'n yɛ be fa kun be-ɔ .