Zeremi 15:19 - NYANMIƐN NDƐ'N 1998

¹⁹ Anannganman'n tɛli su kɛ yoo: «Sɛ a sa ɔ sin ba min wun'n, n ´fa wɔ n ´sie ɔ osu laa'n nun. Sɛ a sie like ng'ɔ ti kpa nin ng'ɔ ti-man kpa'n be afiɛn ngbaciɛ'n, wɔ yɛ a ´kan min nuan ndɛ-ɔ. Zidafuɛ'm be yɛ be ti bɔ be sa bé sin ɔ wun-ɔn. Nán wɔ yɛ a ti bɔ a sa ɔ sin bé wun-ɔn.

Zeremi 15:19 ပူးပေါင်းရင်းမြစ်များ

1 Famiɛn Mun 17:1

Eli b'ɔ fin Galaad i klɔ nga be flɛ i Tisbɛ'n su'n, ɔ seli Akab kɛ: «N kan Nyanmiɛn! Anannganman b'ɔ ti Izraɛl Nyanmiɛn, bɔ n su i'n, i dunman nun n ´kan kle wɔ kɛ afuɛ nga be ´ba yɛ'n, bɔlɛ su gua-man nan se kɛ nzue yɛ ɔ tɔ-ɔ. San m'an srɛ Nyanmiɛn kɛ ɔ `tɔ, yɛ ɔ ´tɔ-ɔ .»

Ezipt Lɔ Tulɛ'n 4:12

Kɔ siɛn'n, kɛ a ´ijɔ'n, n ´uka wɔ, n ´kle wɔ ndɛ nga ɔ fata kɛ a kan'n.»

Nyanndra Mun 22:29

Nian sran kun nga bɔ i sa si ngwlɛlɛ'n, cɛn wie lele a ´nian-an, ɔ su di famiɛn'n i junman. Ɔ su ka-man bui bo sa mlɔnmlɔn.

Zeremi 1:9

Yɛ Anannganman tinngɛli i sa'n nun nan ɔ'a kan mín nuan'n, yɛ ɔ seli min kɛ: «M'an fa min ndɛ'n m'an wla ɔ́ nuan.

Zeremi 15:1

Anannganman'n seli min kɛ: «Sɛ bɔ Moiz nin Samiɛl bɔbɔ be fa nvle nga nunfuɛ'm bé wun sa ba min nyrun'n, n su si-man be aunnvuɛ. Fuan be min nyrun lɛ man be wɔ.

Zeremi 20:9

Sɛ n waan: «M bu-man Anannganman i akunndan kun, yɛ n kɛn-mɛn i nuan ndɛ kun'n,» like wie yra min klun lɔ sa fiaan kɛ sin sa. N kplin mín nyin kɛ n ´yo nan ɔ `kan ase, sanngɛ ngbɛn-ɔn.

Zeremi 35:19

ti'n, min Anannganman b'ɔ n sie mɛn wunmuan'n bɔ n ti Izraɛl Nyanmiɛn'n, n wan yoo: ‹Zɔnadab b'ɔ ti Rekabfuɛ'n ɔ ´nyɛn i ja nunfuɛ b'ɔ ´jran min nyrun tititi-ɔ.› »

Zeremi 4:1

Anannganman'n wan yoo: «Izraɛl, sɛ a sa ɔ sin ba min sin'n, sɛ a yi ɔ tete ninnge mun min nyrun lɛ'n, a su wanndi-man kun.

Zeremi 6:29

Ajuin difuɛ'n ɔ fita i sin nun lele ngbɛn. Sɛ be waan be nian sin'n i lolɛ b'ɔ lo'n ti'n, wuun sunmun'n ɔ klo lele ɔ wie. Be tɔn jɛtɛ ufue'n ngbɛn, nán i nun fiɛn'n yɛ ɔ ko wie-ɔ.

Ngwlɛ Yilɛ 1:11

Izraɛlfuɛ'm be kwlakwla be su kplin. Be sa sin ɔ'a bubu be bé nuan nun aliɛ bɔ be nyɛn-mɛn i'n ti. Be ninnge kpakpa mun'n, be fa toli aliɛ kɛ ɔ ko yo nan b'a nyan wunmiɛn kan'n ti. Zerizalɛm waan: «Anannganman, nian kɛ m'an sokpa-a!»

Ezekiɛl 2:7

A wa kan mín nuan su ndɛ'n kle be, sɛ be ´fa su o, sɛ kusu kɛ bé nyin su ti kekle'n ti be ´se kɛ be fa-man su o, ɔ li kan kle be.

Ezekiɛl 22:26

Be sraka yifuɛ'm be fɔn min mmla mun, yɛ be bu-man lika nga be ti n liɛ klonglo'n be like fi. Be si-man like ng'ɔ ti n liɛ klonglo'n nin ng'ɔ ti-man n liɛ mlɔnmlɔn'm be ngbaciɛ. Be kle-man sran'm be like ng'ɔ ti saun'n nin ng'ɔ ti-man saun'n be ngbaciɛ. Be nyinfu be di-man min wunmiɛn-delɛ-cɛn'n su. Yɛ sran fi nyin yi-man min. Anyinyiɛ ng'ɔ fata kɛ be fa man min'n, be fa man-man min.

Ezekiɛl 44:23

Man be kle min nvlefuɛ'n be like ng'ɔ ti min liɛ'n nin ng'ɔ ti-man min liɛ'n be ngbaciɛ, yɛ kle be ng'ɔ ti kpa nin ng'ɔ ti-man kpa'n be ngbaciɛ.

Saun Yolɛ 10:10

Kɛ ɔ ko yo nan amu'an si kɛ like nga ti min liɛ annzɛ nga kusu ti-man min liɛ'n, yɛ like nga ti saun nan fiɛn nun-mɛn i wun yɛ nga kusu fiɛn o i wun'n, i ti nán amun nɔn nzan ng'ɔ bo'n i wie fi nan amu'an wlu min sua'n nun.

Saun Yolɛ 14:57

I sɔ mmla liɛ'n yɛ man be si kɛ sran nga annzɛ like nga fiɛn ɔ'a kɛn i wie kusu-ɔ fiɛn nun-mɛn i wun-ɔn. Kɛ kokowe'n i su mmla'n ti kɛ ng'ɔ o lɛ'n sa.

Zonas 3:2

«Jaso kɔ Niniv, kɔ klɔ dan'n sɔ su lɔ. Ndɛ nga n ´fa wla ɔ́ nuan yɛ'n, bo i ndolo kle lɔfuɛ mun.»

Zakari 3:7

Anannganman b'ɔ sie mɛn wunmuan'n wan yoo: «Min atin nga n kle wɔ'n, sɛ a fa su'n, yɛ sɛ a fa mín nuan su ndɛ'n, a ´yo mín sua nin min awlo'n bé su kpɛn. M ´man wɔ su, ɔ man a nin min sufuɛ nga be o wa yɛ mun be ´sɛ.»

JÉSUS-CHRIST I DYASIN FE'N BO LUC KLELI'N 1:19

Anz'n seli i kɛ: « Min yɛ be flɛ min Gabriɛl nin-ɔn, n ti Nyanmiɛn i sran. Ɔ sunmannin min kɛ n wa wun ɔ wun nan n kan ndɛ fɛ nga n kle wɔ.

JÉSUS-CHRIST I DYASIN FE'N BO LUC KLELI'N 10:16

Sran ng'ɔ fa amun ndɛ'n su'n, wuun min ndɛ'n su yɛ ɔ'a fa-a. Sanngɛ sran ng'ɔ sɔ-man amun nun'n, wuun ɔ'a sɔ-man min nun, yɛ sran ng'ɔ sɔ-man min nun'n, wuun ɔ'a sɔ-man sran ng'ɔ sunmannin min'n, i nun.»

JÉSUS-CHRIST I DYASIN FE'N BO LUC KLELI'N 12:12

afin Nyanmiɛn Wawɛ'n bɔbɔ ɔ ´kle amun ndɛ nga amun ´kan'n dɔ kunngba sɔ'n su.»

JÉSUS-CHRIST I DYASIN FE'N BO LUC KLELI'N 21:15

Afin m bɔbɔ yɛ n ´fa ndɛ nga amun ´kan'n wla amún nuan-an, yɛ m bɔbɔ yɛ n ´kle amun ngwlɛlɛ-ɔ, ɔ man amun kpɔfuɛ'm be su kwla kpalo-man amún nuan yɛ be su si-man amun akplowa.

JÉSUS-CHRIST I DYASIN FE'N BO LUC KLELI'N 21:36

I sɔ'n ti, an `tran minndɛ i cɛn kwlaa, an `srɛ Nyanmiɛn nan an kwla fite sa b'ɔ wa ba mɛn nun'n i kwlaa i nun nan amun `kwla jran m bɔ n kacili Sran'n min nyrun.

Sa nga bé yôli'n 20:27

Afin n kannin Nyanmiɛn i klun sa'n kwlaa kleli amun, m'an fia-man wie fi su amún wun.

2 Korɛntfuɛ Mun 5:16

Ɔ man kɛ ɔ fin ndɛ'n, e bu-man sran'm be akunndan kɛ sran'n be fa bu akunndan'n sa kun. Sɛ laa e bu Krist sɔ bɔbɔ'n, siɛn'n e bu-mɛn i sɔ kun.

Galasifuɛ Mun 1:10

?Ndɛ nga n ´kɛn i yɛ'n, sran'm be nyrun annzɛ Nyanmiɛn nyrun dunman yɛ n kunndɛ-ɔ? ?N waan n ´yo sɔ nan sran'm be klo min sa? Sɛ n waan n ´yo sɔ nan sran'm be klo min sa'n, wuun n su yo-man Krist i sran.

Galasifuɛ Mun 2:5

Kɛ ɔ ko yo nan jasin fɛ'n b'ɔ ti nanwlɛ'n ɔ'a tran amun klun n ti'n, b'a nyan-man jranwlɛ bɔ kaan sa.

Hébreu 5:14

Sanngɛ be nga b'a yo sran bɔ be kunndɛ sa ng'ɔ ti kpa'n nin tɛ'n be ngbaciɛ lele b'a si i kpa'n, aliɛ'n ti be liɛ.

Jude 1:24

Nyanmiɛn b'ɔ kwla nian amun su b'ɔ man an fɔn-man'n, bɔ kɛ ɔ man amun ´kɔ i wun lɔ'n sa kaan sa bɔn-man amún wun'n, yɛ amun klun jɔ'n,