Zeremi 15:13 - NYANMIƐN NDƐ'N 1998

¹³ Zidafuɛ mun, n ´fa amun ninnge nin amun anwlɛn su ninnge mun m ´man amun ninnge fɛnfuɛ mun. Sa tɛ nga amun yoli i kɛ amun o amun asiɛ'n su wa'n i akatua'n yɛ ɔ o lɛ-ɔ.

Zeremi 15:13 ပူးပေါင်းရင်းမြစ်များ

Jue Mun 44:12

A fa e man be kɛ be di ye kɛ bua nin boli sa, wɔ man y'a bo y'a sanndi nvle-nvle'm be nun.

Ezai 52:3

Afin Anannganman wan yoo: «Be yoli amun atɛ sa ngbɛn, sika a fite-man amun atɛ yolɛ sɔ'n nun, ɔ man i ti'n, amún ti kpɔlɛ nun'n, be su tannin-man deiin.»

Ezai 52:5

?Yɛ siɛn'n, kɛ bɔ be trali min nvlefuɛ mun lomuɛn sa ngbɛn'n, nzu sa yɛ n wa yo-ɔ?» Anannganman yɛ ɔ usa sɔ-ɔ. «Yɛ be nga be kwlali min nvlefuɛ mun'n, be bo sro, ɔ lɛ-man cɛn bɔ be yo-man min dunman'n i finfin-ɔn .» Anannganman yɛ ɔ se sɔ-ɔ.

Zeremi 15:8

N yoli man be angboti mmla'm be yoli kpanngbangban, jenvie nuan aunnyan bɔbɔ ɔ ´fɛ i wun wɔ. N yoli man wia klakla kpa'n nun'n, like sacifuɛ'n ɔ wa tɔli sonja gbanflɛn'n i nin'n su. N yoli man i klun kpa'n suannin i sa kplala, kpɛkuun i wawɛ wanndili i wun.

Zeremi 17:3

Zerizalɛmfuɛ mun bɔ amun o oka b'ɔ o lika kpɛtɛkplɛɛ nun'n, sa tɛ nga amun yoli'n ti, amun amuɛn sɔwlɛ nga amun fa truli lika'n nun'n ti, n wa fa amun ninnge nin amun bɛ trɔ mun m ´man amún bo ninnge fɛnfuɛ mun.

Zeremi 20:5

Klɔ nga sufuɛ'm be ninnge kpakpa'n nin be bɛtrɔ mun, nin be junman'm be nuan ninnge'm be kwlakwla, nin Zida famiɛn'm be bɛtrɔ'n, n ´fa man be kpɔfuɛ mun be ´fa yo be liɛ. Be ´fɛn be ´sua kɔ Babilɔni.

Ezekiɛl 38:13

Sebafuɛ mun, nin Dɛdanfuɛ mun nin Tarsis aata difuɛ mun, ɔ nin be nga be mantan Tarsisfuɛ mun'n be ´usa wɔ kɛ: ‹?E bo ninnge fɛnlɛ nin like sacilɛ ti yɛ a fali wɔ alɛ kunfuɛ mun bali-ɔ? ?A bali jɛtɛ ufue nin sika ɔkwlɛ, nin nannin, nin anyanbeun falɛ nan a ´fa kɔ?›

Sofoni 1:13

Be wa fɛn bé bo ninnge kpakpa mun, bé sua'm be wa bubu. Sua nga be wa kplan'n, be su tran-man nun, vinyi nga be wa ta'n, be su nɔn-mɛn i nzan .»