Zeremi 15:10 - NYANMIƐN NDƐ'N 1998

¹⁰ Ee! ?Min mmo, ɔ yo sɛ yɛ man a wuli min b'ɔ m'an wun nyrɛnnɛn sa-a? Mɛn'n nun sran'm be kwlaa be yi min blo, be klo-man min sa, be nin min lɛ i. N nian bo-man sran bosia le, kusu n nian usa-man kɛ sran bo min bosia le, sanngɛ sran kwlaa kpɛ min nzowa.

Zeremi 15:10 ပူးပေါင်းရင်းမြစ်များ

1 Famiɛn Mun 21:20

Eli ɔli, ɔ ko kannin ndɛ'n kleli Akab. Yɛ Akab seli i kɛ: «Nja b'ɔ kpɔ min, e nin wɔ y'a yia ekun.» Eli kusu waan: «Ɛɛn! Kɛ bɔ like ng'ɔ kun Anannganman i ya'n i cɛ yɛ ɔ waan a ´yo'n, i ti yɛ m bali-ɔ.

1 Famiɛn Mun 22:8

Izraɛl famiɛn'n tɛli Zozafat su kɛ: «Kun tɛ o lɛ, sanngɛ i wun yo-man min fɛ, afin min wun ndɛ liɛ ng'ɔ kan kle min'n, wie fi ti-man kpa. Be flɛ i kɛ Mise, Zimla i wa-a.» Zozafat tɛli i su kɛ: «Famiɛn, ɔ li nán kan sɔ.»

Jue Mun 109:28

Be liɛ'n, be bo sran'm be sannzan, sanngɛ ɔ liɛ'n, a yra ɔ nuan klanman man sran. Sɛ be waan be ´yo min like'n, man nyannzuɛn'n yɛ ɔ kun be-ɔ. Sanngɛ min bɔ n ti ɔ sufuɛ'n, n liɛ'n n klun ɔ ´jɔ.

Jue Mun 15:5

Sɛ be fɛ sika i sa nun'n, ɔ se-man kɛ be su i bo. Sɛ be waan be ´cɛ i like nan ɔ `tɔn sran nga ɔ'a yo-man sa'n i suɛn'n, ɔ kplin-man su . Sran ng'ɔ yo kɛ nga sa titi'n, ɔ su tɔ-man le nan kɛ ɔ ´yo-ɔ ɔ'a yo.

Jue Mun 69:4

N kpan lele n fɛ ngbɛn, min alowa'n yo min ya siɛn'n. Min Nyanmiɛn, n nian wɔ atin lele ngbɛn.

Ezipt Lɔ Tulɛ'n 22:25

Sɛ a fa ɔ wiengu kun i tralɛ kɛ aowa sa'n, dun mmua fa mɛn i nan wia'n ɔ'a tɔ,

Nyanndra Mun 26:2

Sannzan nga sran ɔ'a yo-man like fi bɔ be bo i'n, ɔ ti ngbɛn. I wafa'n ti kɛ anunman b'ɔ tu kɔ lelele ɔ tran-man like su'n sa .

Zeremi 15:20

N ´yo wɔ kɛ aaba talɛ dan sa. Nvle nga nunfuɛ'n be nin wɔ ´kun, sanngɛ be su kwla yo-man wɔ like fi. Afin e nin wɔ e o nun, n ´uka wɔ, n ´de wɔ.» Anannganman'n yɛ o kan sɔ-ɔ.

Saun Yolɛ 25:36

Nán amun se kɛ amun ´kunndɛ mmlusuɛ i su annzɛ amun ´bo i akpo. Man amun nzuɛn klanman'n ɔ kle kɛ amun nyin yi min. Amun `man amun niaan sɔ'm be atin man be tran amún wun lɛ.

Saun Yolɛ 25:37

Sɛ amun boli i bosia'n, sɛ ɔ ´yi'n, nán amun `se kɛ ɔ su i bo. Sɛ amun mɛnnin i aliɛ wie b'ɔ ti yilɛ liɛ'n, cɛn nga b'ɔ ´yi'n, nán amun se kɛ ɔ fa wie gua su.

Abakik 1:3

?Nguɛ ti yɛ a yo man n wun sa tɛ nga mun-ɔn? ?Nguɛ ti yɛ i sɔ sa nyrɛnnɛn-nyrɛnnɛn liɛ mun a tran lɛ nian be sɔ-ɔ? Mianmianlɛ nin sa kekleekle'n sin yia min pɛ! Lika'n kwlaa, jɔlɛ dilɛ nin ndɛ kpɛlɛ'n yɛ ɔ o nun-ɔn.

Matthieu 24:9

Be wa fa amun wla nyrɛnnɛn nun, be ´kun amun, yɛ nvle'n kwlaa be ´kpɔ amun n dunman nun.

Matthieu 5:44

Sanngɛ n liɛ'n, n ´kan kle amun kɛ, an `klo amun kpɔfuɛ mun, yɛ be nga be wua amun amuɛn'n, an `yra be nguan. Be nga be kpɔ amun'n, an `yo be kpa, yɛ be nga be yo amun tɛtɛ bɔ be kle amun yalɛ'n, an `srɛ Nyanmiɛn kɛ ɔ yo be kpa .

JÉSUS-CHRIST I DYASIN FE'N BO LUC KLELI'N 2:34

Simeɔn yrali i nuan mannin be, nan ɔ'a se i nin Mari kɛ: «Nian, ba ng'ɔ o yɛ'n, ɔ o lɛ Izraɛlfuɛ'm be sunman be ase finlɛ'n ti, yɛ ɔ o lɛ be sunman kusu bé su manlɛ'n ti. Ɔ wa yo kɛ like kun bɔ be wa kɛn i wun ndɛ tɛ sa,

JÉSUS-CHRIST I DYASIN FE'N BO LUC KLELI'N 6:22

Kɛ sran'm be ´kpɔ amun, bɔ be ´kan amun bo, bɔ be ´kpɛ amun nzowa, bɔ be ´saci amun dunman m bɔ n kacili Sran'n min ti'n, amun liɛ su ti ye !

Sa nga bé yôli'n 28:22

Sanngɛ e klo kɛ e si akunndan ng'ɔ o ɔ klun'n, afin e si kɛ be kan sran nga be fa ndɛ sɔ'n su'n bé wun ndɛ lika'n kwlaa.»