Zeremi 14:6 - NYANMIƐN NDƐ'N 1998

⁶ Blo aflunmun'm be ko jran kpɔlɛ'm bé ti afiɛn treketreke'n su. Be sie be bue'n kɛ be ´ti nvan kɛ nsoso mun sa. Be kunndɛ nnya-nnya'n lele be nyinma'n bloblo bé ti nun ngbɛn.»

Zeremi 14:6 ပူးပေါင်းရင်းမြစ်များ

Ezai 32:14

Famiɛn'n i awlo'n, b'a tu nun, klɔ'n bɔ i su ti wluwlu'n, sran fi nun-man su kun. Kpɔlɛ'n nin sasawlɛ sua'n b'a ka lɛ ngbɛn, be ´ka lɛ sɔ tititi. Lɛ yɛ blo aflunmun'm be kan ngowa-a, lɛ yɛ nnɛn'm be didi-ɔ.

Zeremi 2:24

A ti kɛ blo aflunmun bla bɔ aawlɛ flɛnnɛn nun yɛ ɔ tran'n sa. Kɛ i like'n ko fu i'n, wuun ɔ su siesie i bue, yɛ i wlɛwlɛ liɛ'n i ti be trɛ i-ɔ, ɔ la. Kɛ i anglo'n ko ju'n, i kunndɛlɛ yo-man ya aflunmun yasua'm bé sa nun.

Ngwlɛ Yilɛ 4:17

E waan wuun sɛ mɛn uflɛ wie nun sran'm be ´ba e delɛ o. Y'a kplongblo e nyinma'n lele y'a fɛ ngbɛn. Y'a nian, y'a nian, e klun fɛfɛfɛ, kpɛkuun sran fi ɔ'a ba-man e delɛ .

Ngwlɛ Yilɛ 5:17

Ye anwlɛn b'ɔ ´kpɛ e klun'n, e nyinmuɛn b'ɔ ´jranjran é ti nun'n,

Zoɛl 1:18

An `tie nnɛn'm be kplinlɛ bɔ be ´kplin-ɔn! An `nian nnɛn'm be wlanlɛ bɔ be ´wlan lika'n nun daan sa-a. Be lɛ-man ijre be di-mɛn i kun, boli mun nin bua mun be ngba be su yo kokloo.

1 Samiɛl 14:29

Zonatan waan: «Mín si yoli e mɛn'n i tɛ. Amun bɔbɔ amun `nian kɛ min nyinma su ɔ'a klo-ɔ, awɛma nzue kan bɔ n dili'n ti.