Zeremi 14:3 - NYANMIƐN NDƐ'N 1998

³ Sran dandan'm be sunman be sran mun kɛ be ko sa nzue blɛ be. Be kɔ-ɔ, be nyan-man nzue gbo'm be nun lɔ. Be fa be sɛ kee'm be sa be sin ba. Be kata bé ti yɛ be ba-a nyannzuɛn'n dunman nun.

Zeremi 14:3 ပူးပေါင်းရင်းမြစ်များ

2 Samiɛl 15:30

David ´fu Olivie Oka'n kɔ'n, wuun ɔ ´sun. Tannin kɛtɛ i ti, ɔ nanti i ja ngbɛn. Tannin kata be kwlaa nga be nin i fu kɔ'n bé ti. Be ´kɔ'n, wuun be ´sun.

2 Samiɛl 19:4

Be ´sa be sin be ´ba klɔ'n, be fia kɛ sran wie bɔ b'a wanndi alɛ i bo nan nyannzuɛn kun be sa.

1 Famiɛn Mun 17:7

Kɛ ɔ cɛli kaan'n, kpɛkuun nzue ba'n i nun nzue'n wieli nun, afin nzue'n ɔ'a tɔ-man mɛn sɔ'n nun.

2 Famiɛn Mun 18:31

Nán amun tie Ezekias i ndɛ ng'ɔ kan'n!› Asiri famiɛn'n wan yoo: ‹Amun man e siesie ye afiɛn, amun `fa amun wun man min, i liɛ'n amun ´kwla di amun bɔbɔ amun vinyi'n ɔ nin amun bɔbɔ amun figie'm be su mma, yɛ amun ´kwla nɔn amun bɔbɔ amun nzue gbo'n be nun nzue'n.

Ɛstɛr 6:12

Kɛ ɔ yoli sɔ'n, Mardose sɛli i sin ko trannin famiɛn'n i awlo'n i anuan'n nun lɔ. Aman kusu ɔli i awlo ndɛndɛ kpa ɔ nin i nyrun nyannzuɛn'n. Kɛ Aman ´kɔ'n, ɔ fali tannin kɛtɛli i ti.

Zɔb I Nyrɛnnɛn Wunlɛ 6:20

Kɛ be ´ju lɔ-ɔ, like fi! Kpɛkuun nyannzuɛn'n ɔ'a kun be.

Jue Mun 109:29

Be bɔ be kan min wun ndɛ tɛtɛ'n, man bé nyin gua ase. Man nyannzuɛn'n ɔ sra be kɛ tralɛ sa.

Jue Mun 40:14

Anannganman, yaci, de min! Anannganman, bla ndɛndɛ wa uka min!

Zeremi 14:4

Nzue'n tɔ-man mɛn'n nun. Asiɛ'n ɔ'a tɛtɛ sa, i ti fie difuɛ'm be si-man wie se, be kata bé ti nyannzuɛn'n dunman nun.

Zeremi 15:18

?Ɔ yo sɛ ti yɛ min afɛ liɛ'n lɛ-man kpɛbo sɔ-ɔ? ?Kannin ng'ɔ tuli min'n, ɔ yo sɛ ti yɛ ɔ lɛ-man ayre nin-ɔn? ?Nan lakalɛ yɛ a lakali min-ɔn? Nzue ba bɔ nzue nun-man nun titi'n, be lafi i su-ɔ ɔ yo-man ye.

Zeremi 2:13

Afin min nvle'n ɔ'a yo sa tɛtɛ nnyɔn, yɛlɛ kɛ min bɔ n ti kɛ nzue ti b'ɔ wie-man nun sa'n, be yaci min lɛ, kpɛkuun be ko kplan nzue guawlɛ b'ɔ tɛtɛli bɔ be gua nun nzue-ɔ, ɔ ´jran-man.› »

Zeremi 2:37

Kɛ a fin lɔ ´ba'n, ɔ́ sa'n gua ɔ́ ti, afin Anannganman klo-man sran nga a nin be di anuansɛ lɛ'n. A su nyan-man ɔ́ ti.

Zeremi 20:11

Sanngɛ Anannganman'n b'ɔ ti kɛ safunyrɛn sa'n, ɔ jin min sin. Min kpɔfuɛ'm be wa tɔ. Nán be yɛ be ´kwla-a. Be su nyan-man jranwlɛ, ɔ man be ´wun nyannzuɛn. Nyannzuɛn nga be wun i'n, ɔ su titi-man le. Bé wla su fi-mɛn i le.

Zeremi 3:3

I ti nzue'n ɔ'a tɔ-man. Wawa nun nzue'n ɔ'a tɔ-man. Sanngɛ ɔ waan san tekle'n cɛ yɛ a ´bo-ɔ, nán nyan yɛ a ko sa-a.

Ngwlɛ Yilɛ 4:4

Nzue we'n ɔ'a kun ba nɔnman'm be lele be taaman'n ɔ'a mantan. Ba kanngan'm be sun awe lele ngbɛn, sran fi fa-man aliɛ kɔnndɔnman bɔ kun kle-man be.

Ndɛ Nga Nyanmiɛn I Nuan Ijɔfuɛ Oze Kannin'n 2:3

Anannganman'n dunman nun amun `flɛ amun niaan yasua'm be kɛ: «Min sran mun» Yɛ amun `flɛ amun niaan mmla'm be kɛ: «Nsi-be-aunnvuɛ».

Zoɛl 1:20

Blo nnɛn'm be kwlaa bé nyin ta ɔ́ nyin bo, afin nzue ba'm b'a wie nun, yɛ aawlɛ bɔ ti nnɛn'm be didiwlɛ'n, sin'n yrɛli i ngba.

Amɔs 4:7

Kɛ ble kpɛlɛ blɛ'n ka sra nsan nan ɔ'a ju'n, yɛ n jrannin nzue'n amun su-ɔ. N tɔli nzue'n klɔ wie'm be su. Klɔ wie'm be kali lɛ. Nzue'n tɔli fie wie'm be su, sanngɛ wie'm be kali lɛ, be wuli kee.» Anannganman'n yɛ ɔ kan sɔ kle amun-ɔn.

Amɔs 4:8

«Klɔ nnyɔn, wie-ɔ klɔ nsan be sufuɛ'm be ko yia klɔ kunngba su nzue nɛnnɛnlɛ. Be nɛnnɛn kusu-ɔ, ɔ ju-man be nɔnlɛ. Sanngɛ ɔ nin i sɔ ngba'n, amu'an bli-man amun nyin mín wun wa mlɔnmlɔn.» Anannganman'n yɛ ɔ kan sɔ kle amun-ɔn.

Zakari 14:17

Asiɛ'n su nvle nga be nunfuɛ'm b'a ɔ-man Zerizalɛm b'a ko koto-man Anannganman b'ɔ sie mɛn wunmuan'n i bo'n, nzue'n su tɔ-man be mɛn liɛ'n nun.