Zeremi 14:22 - NYANMIƐN NDƐ'N 1998

²² ?Nvle nga nunfuɛ'm bé finfin ninnge nga be su be'n, onin cɛ yɛ ɔ kwla tɔ nzue-ɔ? ?Nzue'n fin nglo lɔ tɔ sa ngbɛn? ?Nán wɔ yɛ man nzue'n tɔ-ɔ? Anannganman e Nyanmiɛn, ɔ su yɛ é wla'n wo-ɔ. Afin wɔ yɛ a yo sa ng'ɔ o lɛ i kwlaa nin-ɔn.»

Zeremi 14:22 ပူးပေါင်းရင်းမြစ်များ

1 Famiɛn Mun 17:1

Eli b'ɔ fin Galaad i klɔ nga be flɛ i Tisbɛ'n su'n, ɔ seli Akab kɛ: «N kan Nyanmiɛn! Anannganman b'ɔ ti Izraɛl Nyanmiɛn, bɔ n su i'n, i dunman nun n ´kan kle wɔ kɛ afuɛ nga be ´ba yɛ'n, bɔlɛ su gua-man nan se kɛ nzue yɛ ɔ tɔ-ɔ. San m'an srɛ Nyanmiɛn kɛ ɔ `tɔ, yɛ ɔ ´tɔ-ɔ .»

1 Famiɛn Mun 17:14

afin Anannganman b'ɔ ti Izraɛl Nyanmiɛn'n wan yoo: ‹Sanmlɛn'n su wie-man sɛ'n nun, yɛ ngo'n su wie-man sɛ mma'n nun le ka nan Anannganman ɔ'a tɔ nzue asiɛ'n su.› »

1 Famiɛn Mun 18:1

Kɛ ɔ yoli sɔ'n, ɔ cɛli kpa bɔ lɔun, kpɛkuun Anannganman wa kan ndɛ kleli Eli. Kɛ nzue'n jrannin'n, i afuɛ nsan su yɛ Anannganman i nuan toli Eli-ɔ. Ɔ seli i kɛ: «Kɔ, fa ɔ́ wun kle Akab, afin n su wa tɔ nzue asiɛ'n su.»

1 Famiɛn Mun 8:36

kɛ a o nyanmiɛn su lɔ'n, tɛ be su, yɛ yaci bé wun sa'n cɛ be, afin be ti ɔ sufuɛ mun nin ɔ nvle nunfuɛ mun. I sin, kle be atin kpa'n man be fa su. Yɛ yo man nzue tɔ asiɛ bɔ a fa mannin be'n su, afin ɔ ti bé aja like yɛ a fa mannin be-ɔ.

Zɔb I Nyrɛnnɛn Wunlɛ 28:26

kɛ ɔ ´sie nzue'n i tɔlɛ'n i wun mmla'n, kɛ ɔ ´kpɛ nyanmiɛn b'ɔ kpa sin'n i mmuɛ'n, kɛ ɔ ´sie nyanmiɛn nun bolɛ'n i nganniɛn'n,

Zɔb I Nyrɛnnɛn Wunlɛ 5:10

Ɔ tɔ nzue asiɛ'n su, Ɔ yo man nzue'n ɔ guagua fie'm be su.

Jue Mun 130:5

N fa min wla'n n gua Anannganman su, n lafi i su, min nyin wo ndɛ ng'ɔ kan'n i sin.

Jue Mun 135:7

ɔ yo man nyanmiɛn ble'n ɔ jaso nyanmiɛn'n b'ɔ la nglo lɔ plaii'n i bue kun lɔ ba. Ɔ yo man nyanmiɛn'n ɔ kpa sin man nzue tɔ, ɔ yo man aunngban'n ɔ fita.

Jue Mun 147:8

Nzue b'ɔ mlan nyanmiɛn'n b'ɔ la nglo lɔ plaii'n su'n, i yɛ ɔ mlɛn i-ɔ. Nzue ng'ɔ ko tɔ asiɛ'n su'n, i yɛ ɔ siesie yɛ man ɔ tɔ-ɔ. Ijre b'ɔ fifi oka'm bé su'n, i yɛ man ɔ fu-ɔ.

Jue Mun 25:21

Ɔ su yɛ n lafi-ɔ. Uka min, nán man n yo sa tɛ. Man n nanti kɛ ɔ fata'n sa.

Jue Mun 25:3

Sran ng'ɔ lafi ɔ su'n, ɔ wun-man nyannzuɛn le. Be bɔ be yi wɔ blo'n, be yɛ be nin nyannzuɛn'n ɔ fata-a, nán be nyan like fi.

Jue Mun 27:14

Fa ɔ́ wla'n gua Anannganman su. Jran kekle, yɛ tra wɔ anwlɛn. Fa ɔ́ wla'n gua Anannganman su.

Ezai 30:18

I sɔ'n ti, Anannganman'n sunnzun kɛ ɔ ´yo amun ye, i waan ɔ ´si amun aunnvuɛ. Afin Anannganman ti Nyanmiɛn kun b'ɔ yo sa i nuan su. Be kwlaa bɔ be fa bé wla guɛ i su'n, be liɛ su ti ye .

Ezai 30:23

Kpɛkuun Anannganman ɔ ´yo man nzue ´tɔ ninnge nga amun luali'm be su. Yɛ amun ´nyan aliɛ b'ɔ ti kpa, amun ´nyɛn i kpanngban kpa. I blɛ sɔ nun'n, lika nga amun nnɛn'm be didi nun'n, be ´yo tɛtrɛ kpa.

Ezai 41:29

Amun `nian, be ti-man like fi mlɔnmlɔn, yɛ ninnge nga be yo be'n be ti ninnge ngbɛn-ngbɛn ngunmin. Be amuɛn'm be ti kɛ aunngban b'ɔ fita vuu ngbɛn'n sa, nán like fi yɛlɛ be.

Zeremi 10:12

I kwlalɛ b'ɔ kwla'n ɔ man ɔ yili asiɛ'n. I ngwlɛlɛ'n man ɔ wlali mɛn'n i bo ase. I ngwlɛlɛ'n man ɔ trɛli nglo lɔ'n nun kɛ tannin sa.

Zeremi 10:13

I nuan b'ɔ ´uke sa'n, kpɛkuun nyanmiɛn su lɔ nzue'm b'a kan b'a bo nun. Nzue'n mlan dan kpa asiɛ'n i bue kun lɔ. Ɔ man nyanmiɛn'n kpa sin kpɛkuun nzue'n tɔ. Aunngban'n fin i finwlɛ nun fite.

Zeremi 10:15

Be ti ninnge finfin, be nin finfin yolɛ fata. Cɛn nga Anannganman'n ´tu be fɔ'n, be ´wie nunnun.

Zeremi 10:3

Nvle kun nga'm be ninnge nga be yo'n ɔ ti finfin like. Be ko kpɛ waka bo nun, ajuin difuɛ'n fɛ i soma'n fa sɛ.

Zeremi 16:19

Anannganman, wɔ bɔ a man wunmiɛn'n, bɔ a ti kɛ min sasawlɛ klɔ'n sa, kɛ sa tɔ'n, ɔ́ sin yɛ n fia-a. Nvle-nvle'm be ´fin mɛn'n i bue kun lɔ be ´ba ɔ sin be ´se kɛ: «Like nga e nannan'm be yaci é si'm bé sa nun'n, ɔ ti ato like, ɔ yo-man sa fi ye.

Zeremi 5:12

Zidafuɛ'm be seli kɛ be si-man Anannganman, be waan: «Aa! Anannganman'n nun-man lɛ. Nyrɛnnɛn su tɔ-man e su. I alɛ o, i awe o, wie fi su ba-man.

Zeremi 5:24

An bu-man akunndan se-man kɛ: ‹Man e nyin yi Anannganman e Nyanmiɛn'n, afin i yɛ kɛ nzue'n ju i blɛ'n, ɔ tɔ man ye-ɔ. Ɔ tɔ nzue klikli nin afuɛ nuan nzue kasiɛn'n. I yɛ man afuɛ nuan kwlakwla e nyan blɛ e ti e fie su ninnge mun-ɔn.›

Zeremi 51:16

I nɛn b'ɔ ´uke sa'n, kpɛkuun nyanmiɛn su lɔ nzue'n b'a kan b'a bo nun. Nzue'n ɔ mlan dan kpa asiɛ'n i bue kun lɔ. Ɔ man nyanmiɛn'n ɔ kpa sin kpɛkuun nzue'n tɔ. Sɛ e ´kwla se'n, aunngban'n fin i sua'n nun lɔ fite.

Ndɛ Nga Nyanmiɛn I Nuan Ijɔfuɛ Oze Kannin'n 2:7

Bé nin sili tekle. I b'ɔ wuli be'n, i bɔbɔ kuɛkuɛli i wun, afin ɔ ko se kɛ: ‹N ´kɔ min soman'm bé sin, afin sɛ n ´nyan aliɛ n ´di o, sɛ n ´nyan nzue n ´nɔn o, sɛ n ´nyan kondro n ´kla o, sɛ n ´nyan be n ´la su o, sɛ n ´nyan nguɛn n ´kpakpa o, sɛ n ´nyan nzan n ´nɔn o, i kwlaa sɔ'n fin be.›

Zoɛl 2:23

Siɔnfuɛ mun amun kusu, man amun klun jɔ, man amún wun blibli amun Anannganman amun Nyanmiɛn'n i dunman nun. Afin kɛ ɔ ko tɔ nzue nga amun fa di amun fie'm be su junman'n, bɔ wawa'n ju i kɔmin su'n, ɔ ´tɔ kɔnguɛ nzue'n ´man amun.

Amɔs 4:7

Kɛ ble kpɛlɛ blɛ'n ka sra nsan nan ɔ'a ju'n, yɛ n jrannin nzue'n amun su-ɔ. N tɔli nzue'n klɔ wie'm be su. Klɔ wie'm be kali lɛ. Nzue'n tɔli fie wie'm be su, sanngɛ wie'm be kali lɛ, be wuli kee.» Anannganman'n yɛ ɔ kan sɔ kle amun-ɔn.

Mise 5:6

Zakɔb osu nunfuɛ nga be ka lɛ'n be ti'n, nvle kpanngban nga Izraɛlfuɛ sɔ'm be wo be afiɛn'n be yo kpa, kɛ ninnge bɔ bɔlɛ gua be su'n sa. Izraɛlfuɛ sɔ'm be ti nvle kpanngban sɔ'm be ´yo kɛ ijre bɔ nzue tɔ su'n sa. Nán sran yɛ man nzue sɔ'n tɔ-ɔ, i bɔbɔ i klun klo yɛ ɔ tɔ-ɔ .

Mise 7:7

Min liɛ'n, Anannganman nyrun yɛ min nyin ta-a. Nyanmiɛn b'ɔ de min'n i su yɛ n lafi-ɔ. Min Nyanmiɛn'n ɔ ´ti min aniɛn.

Matthieu 5:45

I sɔ'n nun'n, amun wa yo amun Si b'ɔ o nyanmiɛn su lɔ'n i mma mun, afin ɔ bo wia'n man be bɔ be ti tɛ'n nin be bɔ be ti kpa'n, yɛ ɔ tɔ nzue'n man nanwlɛfuɛ nin be bɔ be ti-man nanwlɛfuɛ'n.

Mmla'n 28:12

Anannganman ´tike i ninnge kpakpa'm bé su ´man amun. Ɔ ´tike nyanmiɛn su nzue'n, kpɛkuun kɛ nzue tɔlɛ blɛ'n ɔ ju'n, ɔ ´tɔ i nan ninnge nga amun ´yo be'n be yo ye. Amun ´bo nvle sunman be bosia, sanngɛ amun liɛ'n, amun su usa-man afɛ le.

Mmla'n 32:21

Kɛ bɔ be fali like ngbɛn-ngbɛn nga be ti-man Nyanmiɛn'n be fa fɔkɔli min anwlɛn b'ɔ man ya kunnin min'n ti'n, n kusu n ´yo man be nyin ´ci nvle kun b'ɔ ti-man nvle kpa'n, yɛ n ´yo man nvle bɔ i nunfuɛ'm be si-man ngwlɛlɛ'n be ´fita be anwlɛn su.