Zeremi 14:14 - NYANMIƐN NDƐ'N 1998

¹⁴ Yɛ Anannganman'n tɛli min su kɛ: «I sɔ sran liɛ'm be tɔn be wun suɛn ngbɛn, nán min yɛ n sunmannin be-ɔ. M'an fa-man ndɛ m'an sie-man be nyrun, m'an kan-man ndɛ m'an kle-man be. Bé ti nun ninnge nga be wun i'n, ɔ ti ato. Sa nga be kɛn i kɛ ɔ wa ju'n, finfin ndɛ yɛ be kan-an. Be kpɛ bé ti nun yɛ be kan-an.»

Zeremi 14:14 ပူးပေါင်းရင်းမြစ်များ

Ezai 56:10

Be nga be nian Izraɛlfuɛ'm be su'n, be kwlaa be ti anyansifuɛ mun, be si-man like fi, be ti kɛ alua bɔ be ti bobo bɔ be kwla bo-man'n sa. Be la bé bɛ'm be su, laliɛ yɛ be cɛn-ɔn, be klo lafilɛ saa.

Ezai 9:15

Be nga be ti sran nga'm be nyrun dunfuɛ'n, be mlinlɛ yɛ be mlinnin be-ɔ. Be nga be kplin be su kɛ be dun be nyrun mmua'n, be fa atin tɛ'n.

Zeremi 20:6

Wɔ Pasir, a nin wɔ awlofuɛ'm be kwlaa be ´tra amun lomuɛn be ´kɔ. A ´kɔ Babilɔni, a ´wu lɔ, be ´sie wɔ lɔ, a nin ɔ janvuɛ nga a kannin Nyanmiɛn nuan ndɛ ato kleli be mun.› »

Zeremi 28:11

Kpɛkuun ɔ kɛnnin i sran'm be kwlaa be nyrun lɛ kɛ Anannganman wan yoo: «Ɔ ka afuɛ nnyɔn, kɛ m ´bu be kɔmin su waka nga Nɛbikadnɛzar b'ɔ ti Babilɔni famiɛn'n fa sieli i nvle-nvle'm be nunfuɛ'm be kwlaa be kɔmin su'n i nun sa.» Yɛ Zeremi ɔli i liɛ-ɔ.

Zeremi 28:13

«Kɔ ko se Anania kɛ: ‹A buli be kɔmin su waka'n nun sɔ sanngɛ a wa fa blalɛ yɛ a ´kaci i-ɔ.›

Zeremi 28:15

Yɛ Nyanmiɛn nuan ijɔfuɛ Zeremi seli Nyanmiɛn nuan ijɔfuɛ Anania kɛ: ‹Anania, sie ɔ́ su tie, Anannganman'n ɔ'a sunman-man wɔ. W'a yo man sran'm b'a gua be wla ase ngbɛn.›

Zeremi 29:21

Anannganman b'ɔ sie mɛn wunmuan'n, Izraɛl Nyanmiɛn'n wan yoo: «Kɔlaza i wa Akab nin Maazeza i wa Sedesias bɔ be tɔn bé wun suɛn kɛ be ijɔ mín nuan'n, bé wun ndɛ bɔ n kan'n yɛ: ‹An `nian, n ´fa be n ´wla Babilɔni famiɛn Nɛbikadnɛzar sa nun, ɔ ´kun be amun nyrun.

Zeremi 29:31

«Sunman sran man ɔ ko se be nga be trali be lomuɛn wa ɔli'n be kɛ Sɛmaɛza b'ɔ ti Neselamfuɛ'n i wun ndɛ yɛ: i ndɛ ng'ɔ kan kle amun'n, ɔ kɛn i ngbɛn, m'an sunmɛn-mɛn i. Amún wla b'ɔ cici ti ngbɛn.»

Zeremi 37:19

?Amun Nyanmiɛn nuan ijɔfuɛ nga be waan Babilɔni famiɛn'n su ba-man wa nan ɔ nin mɛn nga nunfuɛ'm be su kun-man'n, i sɔ Nyanmiɛn nuan ijɔfuɛ'm be o ninfan?

Zeremi 5:31

Min nuan ijɔfuɛ'm be bo ato jasin. Min nyrun jranfuɛ'm be like nyanlɛ akunndan yɛ be bu-ɔ. Min nvle'n klo i sɔ sa ng'ɔ ju lɛ'n! ?Yɛ i sin'n, amun ´yo i sɛ?»

Zeremi 8:10

«I sɔ'n ti n ´fa bé yi mun m ´man sran uflɛ. N ´fa be fie mun m ´man be mɛn'n i fafuɛ mun. I sran bɔ be lɛ nyrun o, be bɔ be lɛ-man nyrun o, be kwlakwla'n, be bɔbɔ be like liɛ nyanlɛ akunndan cɛ yɛ be bu-ɔ. Be nga be tɔn be wun suɛn kɛ be ti min nuan ijɔfuɛ mun o, be nga be tɔn be wun suɛn kɛ be ti min nyrun jranfuɛ mun o, be kwlakwla be ti ato buafuɛ kpan.

Zeremi 8:11

Be fa min nvlefuɛ'm bé kannin'n i fualɛ'n fa yo ngowa. Be waan: ‹Sa fi su ju-man. Lika'n ti fɔun.› Kusu wuun lika'n ti-man fɔun.

Ngwlɛ Yilɛ 2:14

Ɔ Nyanmiɛn nuan ijɔfuɛ'm be ndɛ nga be kan kleli wɔ'n, ɔ ti finfin ndɛ, ɔ ti ato. B'a kan-man sa tɛ nga a yoli'n b'a kle-man wɔ weiin nan kanga kɔlɛ'n ɔ'a to ɔ'a fuan wɔ-ɔ. Sa nga be waan be wunnin i ɔ́ wun'n, bɔ be kan kleli wɔ'n, ɔ ti ato ngunmin, nán ndɛ kpa yɛ be kannin-ɔn.

Ngwlɛ Yilɛ 2:9

Klɔ'n i anuan'm be bu tɔli. Ɔ sacili be nun gboklo mun mlɔnmlɔn. Famiɛn nin o, famiɛn i awlo lɔ sran dandan mun o, be kwlakwla be o be nga be si-man Nyanmiɛn'n be sa nun. Nyanmiɛn mmla'n, sran fi si-mɛn i kun. Nyanmiɛn nuan ijɔfuɛ'm be bɔbɔ, Anannganman fa-man ndɛ wla-man bé nuan kun.

Ezekiɛl 12:24

Afin be su wun-man aolia nun sa bɔ be ti ngbɛn-ngbɛn'n mun kun yɛ ato ndɛ nga be kan be bɔ bé nuan yia-man'n, be su ti-man be Izraɛl mɛn'n nun kun.

Ezekiɛl 13:2

«Klɔ sran, kan sa kekleekle nga be wa ju be nga be o Izraɛl mɛn'n nun bɔ be bɔbɔ be kpɛ bé ti nun be kan ndɛ mun'n be su'n. Se be kɛ: ‹An `tie Anannganman'n i nuan su ndɛ'n.

Ezekiɛl 13:23

Amun su kwla kpɛ-man amún ti nun se-man kɛ amu'an wun aolia nun ninnge kun. N ´de min sran mun amún sa nun. Kpɛkuun amun wa si jrɛiin kɛ min yɛ n ti Anannganman nin-ɔn.› »

Ezekiɛl 21:29

I sɔ'n ti'n, min Anannganman Nyanmiɛn n wan yoo: Amun nyin kekle bɔ amun yi i nglo cɛn kwlaa'n ti'n, n wla kpɛn amun sa tɛ'm be su tititi. Kɛ amu'an yo-man man min wla ɔ'a fi-man amun su'n ti, amun wa tɔ amun kpɔfuɛ'm be sa nun. Amun aeliɛ'n kle kɛ amun fɔn titi.

Mise 3:11

sa ti bɔ n flɛ amun'n yɛlɛ kɛ klɔ'n su jɔlɛ difuɛ mun'n, sran ng'ɔ cɛ be like'n, i yɛ be bu i ndɛ'n klanman-an. Nyanmiɛn nyrun jranfuɛ'm be kusu be tannin be kalɛ nan b'a kle Nyanmiɛn i mmla mun. Nyanmiɛn nuan ijɔfuɛ'm be kusu, sɛ be ´kan Anannganman i nuan su ndɛ'n, san b'a tannin be kalɛ. Sanngɛ be yo bé wun kɛ Anannganman su yɛ be lafi sa. Be ko se kɛ: «?Anannganman nin ye o nun kwlaa nin-ɔn, nguɛ sa cɛ yɛ ɔ kwla nyan ye-ɔ ?»

Zakari 10:2

Ndɛ nga amuɛn'm be kan'n ti ato ndɛ. Gblɛ yɛlɛ wunnzue nga kɔmiɛnfuɛ'm be yi'n. Finfin ndɛ yɛ laliɛ cɛnfuɛ'm be kan-an, be lakalaka amun ngbɛn. I sɔ'n ti yɛ min sran'm b'a yo aunnvuɛfuɛ yɛ be wlan-wlan daan kɛ bua bɔ be lɛ-man kankanfuɛ bɔ b'a bo je'n sa nin-ɔn.

Zakari 13:3

«Sran ng'ɔ di wlɛwlɛ kɛ ɔ ´ijɔ min nuan ekun'n, i si nin i nin nga be wuli i'n be ´se i kɛ yoo: ‹Kɛ bɔ a bua ato guɛ i Anannganman wun'n, wulɛ yɛ a ´wu-ɔ.› Ɔ man sɛ i si nin nin be ´nian nan ɔ su kɛn i ndɛ sɔ mun'n, be ´wɔ i cua be ´kun i.

Mmla'n 18:20

Sran nga kusu b'ɔ di wlɛwlɛ ɔ fa min dunman'n fa kan ndɛ nga m'an se-mɛn i kɛ ɔ kan'n, annzɛ b'ɔ kan ndɛ amuɛn wie dunman nun'n, i sɔfuɛ'n be ´kun i.»

1 Timote 4:2

Be nga be kle like sɔ'n, be ti atofuɛ be klo dunman, be klun akunndan'n ɔ'a yo kɛ blalɛ nglɛ b'ɔ yra sran-an ɔ yo kokloko'n sa.

1 Jean 4:1

N sran kpa mun, be nga be se kɛ be ijɔ Nyanmiɛn Wawɛ'n nuan'n, nán an lafi be ngba su. An `sa be nian, sɛ be ijɔ Nyanmiɛn nuan sakpa o, annzɛ sɛ like wie yɛ be ijɔ i nuan o. Afin be nga be tɔn bé wun suɛn kɛ be ti Nyanmiɛn nuan ijɔfuɛ'n, be kpanngban kpa b'a ba mɛn'n nun.