Zeremi 14:13 - NYANMIƐN NDƐ'N 1998

¹³ Yɛ n tɛli su kɛ: «Ee! Anannganman Nyanmiɛn kpli, Nyanmiɛn nuan ijɔfuɛ'm be seli be kɛ: ‹Alɛ su tɔ-man amun su. Awe su kpɛn-man amun su. Nyanmiɛn'n ´yo man amun ´nyan fɔundi dan lika nga nun wa.› »

Zeremi 14:13 ပူးပေါင်းရင်းမြစ်များ

Ezai 56:10

Be nga be nian Izraɛlfuɛ'm be su'n, be kwlaa be ti anyansifuɛ mun, be si-man like fi, be ti kɛ alua bɔ be ti bobo bɔ be kwla bo-man'n sa. Be la bé bɛ'm be su, laliɛ yɛ be cɛn-ɔn, be klo lafilɛ saa.

Zeremi 1:6

N tɛli su kɛ: «Ee min Min Anannganman, n ti bakan n si-man ijɔ .»

Zeremi 20:6

Wɔ Pasir, a nin wɔ awlofuɛ'm be kwlaa be ´tra amun lomuɛn be ´kɔ. A ´kɔ Babilɔni, a ´wu lɔ, be ´sie wɔ lɔ, a nin ɔ janvuɛ nga a kannin Nyanmiɛn nuan ndɛ ato kleli be mun.› »

Zeremi 23:17

Be se be bɔ be bu-man min like fi'n be kɛ: ‹Anannganman waan: Amun ´di alaje.› Be se be bɔ be klun sa'n cɛ yɛ be waan be ´yo'n, bɔ be su mlin'n be kɛ yoo: ‹Sa su nyan-man amun.›

Zeremi 37:19

?Amun Nyanmiɛn nuan ijɔfuɛ nga be waan Babilɔni famiɛn'n su ba-man wa nan ɔ nin mɛn nga nunfuɛ'm be su kun-man'n, i sɔ Nyanmiɛn nuan ijɔfuɛ'm be o ninfan?

Zeremi 4:10

Be ´se kɛ: «Aa! Anannganman Nyanmiɛn w'a se-man e kɛ: ‹Amún wun ´jɔ amun fɔun'n›, kannzu lakalɛ yɛ a lakali nvle nga nunfuɛ nin Zerizalɛmfuɛ mun-ɔn. ?Yɛ ɔ yo sɛ yɛ alɛ'n ɔ'a di ye mlɔnmlɔn sa-a?»

Zeremi 5:12

Zidafuɛ'm be seli kɛ be si-man Anannganman, be waan: «Aa! Anannganman'n nun-man lɛ. Nyrɛnnɛn su tɔ-man e su. I alɛ o, i awe o, wie fi su ba-man.

Zeremi 5:13

Nyanmiɛn i nuan ijɔfuɛ'm be bɔn-man like. Be lɛ-man ndɛ nanndoliɛ be kan-man. Nga be kan'n, man ɔ ju be bɔbɔ be su.»

Zeremi 5:31

Min nuan ijɔfuɛ'm be bo ato jasin. Min nyrun jranfuɛ'm be like nyanlɛ akunndan yɛ be bu-ɔ. Min nvle'n klo i sɔ sa ng'ɔ ju lɛ'n! ?Yɛ i sin'n, amun ´yo i sɛ?»

Zeremi 6:14

Be ´fua min nvlefuɛ'm bé kannin nin-ɔn, be fa yo ngowa. Be waan sa fi su ju-man. Be waan lika'n ti fɔun, kusu wuun lika'n ti-man fɔun.

Zeremi 8:11

Be fa min nvlefuɛ'm bé kannin'n i fualɛ'n fa yo ngowa. Be waan: ‹Sa fi su ju-man. Lika'n ti fɔun.› Kusu wuun lika'n ti-man fɔun.

Ezekiɛl 12:24

Afin be su wun-man aolia nun sa bɔ be ti ngbɛn-ngbɛn'n mun kun yɛ ato ndɛ nga be kan be bɔ bé nuan yia-man'n, be su ti-man be Izraɛl mɛn'n nun kun.

Ezekiɛl 13:22

Afin an bua ato fa sanngan sran kpa'n i akunndan kusu wuun m bɔbɔ m'an sɛnngɛn-mɛn i akunndan. An wla be nga be ti klunwifuɛ'm be fanngan kɛ ɔ ´yo nan bé sa sin ɔ'a bubu-man bé sa tɛ yolɛ'n nun, yɛ kɛ ɔ ´yo nan b'a ka nguan nun'n ti.

Mise 3:11

sa ti bɔ n flɛ amun'n yɛlɛ kɛ klɔ'n su jɔlɛ difuɛ mun'n, sran ng'ɔ cɛ be like'n, i yɛ be bu i ndɛ'n klanman-an. Nyanmiɛn nyrun jranfuɛ'm be kusu be tannin be kalɛ nan b'a kle Nyanmiɛn i mmla mun. Nyanmiɛn nuan ijɔfuɛ'm be kusu, sɛ be ´kan Anannganman i nuan su ndɛ'n, san b'a tannin be kalɛ. Sanngɛ be yo bé wun kɛ Anannganman su yɛ be lafi sa. Be ko se kɛ: «?Anannganman nin ye o nun kwlaa nin-ɔn, nguɛ sa cɛ yɛ ɔ kwla nyan ye-ɔ ?»

2 Piɛr 2:1

Kɛ be nga be tɔn bé wun suɛn kɛ be ti Nyanmiɛn nuan ijɔfuɛ'n be trannin sran'm be nun'n, be nga be tɔn bé wun suɛn kɛ be ti like klefuɛ'n kɛ be wa tran amun nun sɔ-ɔ. Be ´kle amun like nga be ti ato b'ɔ be saci sran'n gblɛ nun'n. Kɛ be bu-man be Min'n b'ɔ kpɔli bé ti'n i like fi kun'n, ɔ man be ´ka lɛ mlin.