Zeremi 14:11 - NYANMIƐN NDƐ'N 1998

¹¹ Anannganman'n seli min kɛ: «Nán kpata nvle nga nunfuɛ'm be ti, nán srɛ like kpa man be.

Zeremi 14:11 ပူးပေါင်းရင်းမြစ်များ

Ezipt Lɔ Tulɛ'n 32:10

Siɛn liɛ'n, yaci min nun man n yo sa wie. Min ya'n wa jue bé su kɛ sin sa, yɛ n ´nunnun be mlɔnmlɔn. Sanngɛ ɔ liɛ'n, wɔ osu'n wa trɛ, ɔ ´yo nvle dan kun.»

Zeremi 11:14

I sɔ'n ti Zeremi, nán kpata nvle nga nunfuɛ'm be ti. Nán sun flɛ min, nán kpata min. Afin kɛ nyrɛnnɛn'n ´tɔ be su'n, sɛ be flɛ min'n, n su tie-man.»

Zeremi 15:1

Anannganman'n seli min kɛ: «Sɛ bɔ Moiz nin Samiɛl bɔbɔ be fa nvle nga nunfuɛ'm bé wun sa ba min nyrun'n, n su si-man be aunnvuɛ. Fuan be min nyrun lɛ man be wɔ.

Zeremi 7:16

«Zeremi, nán srɛ nvle nga nunfuɛ'm be ti kun. Nán sun flɛ min, nán kpata min be dunman nun. Nán bo wɛ, afin n su di-man su.

1 Jean 5:16

Sɛ sran wie wun i niaan kun b'ɔ su yo sa tɛ b'ɔ ti-mɛn i wie liɛ'n, man ɔ srɛ Nyanmiɛn kɛ ɔ man sran sɔ'n i nguan, yɛ ɔ ´mɛn i. Be nga be yo sa tɛ b'ɔ ti-man be wie liɛ'n, be ndɛ yɛ n kan-an. Sa tɛ'n wie o lɛ be yo-ɔ ɔ ti be wie liɛ, nɛ́n i sɔ sa liɛ'n ti yɛ n se kɛ be srɛ Nyanmiɛn nin-ɔn.