Zeremi 13:27 - NYANMIƐN NDƐ'N 1998

²⁷ Ɔ bian bɔ a kunndɛli mín bo'n, ɔ nin ɔ bian sa ngboko'n, ɔ nin ɔ tekle dan nga a boli'n, n wunnin be kpɔlɛ'm be su nin fie'm be su. N wunnin ɔ tete ninnge mun. Zerizalɛm, yako nin ɔ́ wun saun bɔ ɔ waan a yo-man'n. ?Cɛn onin ko yɛ a ´yaci kokowa bolɛ nin-ɔn?»

Zeremi 13:27 ပူးပေါင်းရင်းမြစ်များ

Jue Mun 94:4

Bé nuan nun ndɛ'm be ti dandan ngunmin. Sa tɛ yofuɛ sɔ'm be yia be ti bé wun aniɛn .

Jue Mun 94:8

Sinnglinfuɛ tɛ mun, amun `nian amún wun kpa. ?Komofuɛ mun, blɛ onin ko yɛ amun ´si ngwlɛlɛ-ɔ?

Nyanndra Mun 1:22

«?Ɔo, sinnglinfuɛ mun, nan kɛ amún ti ´ka sinnzin'n nun sa bɔ tititi? ?Amun nga amun to sran mma'n, nan i su cɛ yɛ amun ´ka sa titi-ɔ? ?Amun bɔ amun wun-man sa wlɛ'n, amun kusu, nan kɛ an ´fa amún nyin ci ngwlɛlɛ'n sa?

Ezai 57:7

Oka fleiin'm bé su yɛ amun sɛ amún bɛ mun-ɔn, bé su yɛ amun fu ko yi sraka mun-ɔn.

Ezai 65:7

Min Anannganman, min wan yoo: «Bé sa tɛtɛ'm bɔ be yo be'n nin be nannan'm be liɛ'n, m ´bubu be n ´sie nan n ´si be nuan, be nannan'm be yra ansans be mannin amuɛn mun oka'm be su, be sɔtɔ i sɔ yolɛ'n, ɔ'a cɛ. Be klɔklɔli min kpɔlɛ'm bé su. Bé sa tɛtɛ nga be yoli i laa'n, n ´tannin i nuan kalɛ'n m ´man be. Ɔ ´ti be kpa.»

Zeremi 11:15

Anannganman waan: «?Min sran kpa, a ba nguɛ yolɛ mín sua'n nun wa? ?Wɔ bɔ sa tɛtɛ'n cɛ yɛ a yo'n a bu i kɛ nda nga a ta min'n ɔ nin sraka nga a yi man min'n, be ´yi sa ng'ɔ o ɔ su'n nan ɔ klun wa jɔ?»

Zeremi 3:6

Famiɛn Zozias i blɛ su'n, Anannganman'n seli min kɛ: «?A wun sa nga Izraɛl b'ɔ ti kɛ bian safuɛ'n sa'n, ɔ yo'n? Ɔ lɛ-man oka kun ng'ɔ fu-man su-ɔ, ɔ lɛ-man waka b'ɔ lɛ nnya b'ɔ kɔ-mɛn i bo ko bo-man tekle-ɔ .

Ezekiɛl 16:23

Anannganman Nyanmiɛn'n wan yoo: «Yako o, yako, afin kɛ a wieli ɔ sa tɛtɛ'm be yo'n,

Ezekiɛl 2:10

Ɔ tinngɛli nun min nyrun lɛ. Be klɛli i nyrun nin i sin. Sunlɛ ndɛ, nin awuyomo bolɛ ndɛ, ɔ nin awlaboɛ kpanlɛ ndɛ mun yɛ be klɛli be fluwa sɔ'n nun-ɔn.

Ezekiɛl 20:28

Mɛn nga n tali be nda kɛ n ´fa man be'n, n fa be n ɔli nun. Be fali bé nyin bloli kpɔlɛ fleiin nin waka nga be lɛ nnya wuya'm bé su. Lɛ yɛ be yili be tɛ mun-ɔn, lɛ yɛ be kunnin min ya ɔ nin ble annzɛ like ng'ɔ ti kɛ ble sa bɔ be fa yi sraka'n, ɔ nin be tɛ'm bɔ be bɔn fannin'n, ɔ nin be nzan'm bɔ be gua be ase mun-ɔn.

Ezekiɛl 24:12

I kwlaa nga be ´yo i lɛ'n, ngbɛn-ɔn! Annganblalɛ kpanngban kɛ nga sa'n, sin'n su kwlɛ-mɛn i tu.

Ezekiɛl 24:13

Zerizalɛm, w'a yo fiɛn ɔ́ sa sukusuku'm be yolɛ'n ti. Min waan n ´yo ɔ saun, sanngɛ w'a kplin-man su. I ti nin-ɔn, a su kwla yo-man saun lele san n ´tu min ya dan'n n gua wɔ su.

Ezekiɛl 24:6

I sɔ'n ti, min Anannganman, min Nyanmiɛn, n wan yoo: ‹Klɔ nga i sufuɛ'm be kun sran'n, i yako. Ɔ ti kɛ blalɛ sɛ bɔ annganblalɛ'n ɔ'a di i bɔ annganblalɛ sɔ'n, be tu-ɔ ɔ yo-man ye'n sa. Amun `yiyi blalɛ sɛ'n nun nnɛn kpɔlɛ mun kunngun. Nán be tu wie fɔtɔ nan ɔ ka lɛ.

Ezekiɛl 36:25

N ´fa nzue klengle kpa n gua amún su, yɛ amun ´yo yɛiin. N ´salo amun fiɛn'n kwlaa yɛ n ´yi amun amuɛn sɔlɛ nzuɛn'n.

Ezekiɛl 36:37

Anannganman Nyanmiɛn'n wan yoo: «N wa yaci Izraɛlfuɛ mun ekun nan be flɛ min kɛ n `uka be. Yɛ n wa tɛ be su, ɔ man be ´yo kpanngban kɛ nnɛn fa kun sa.

Ezekiɛl 6:13

Kɛ sran'm be fuɛn'm be ´tɔ be amuɛn'm be afiɛn'n, bɔ fuɛn wie'm be ´lala sin yia be sraka yiwlɛ mun'n, bɔ wie ´tɔ kpɔlɛ'm bé su, nin oka'm be ti afiɛn'n, nin waka mɔnnɛn'm bé bo, nin susrɛ'm bé bo'n, ɔ nin lika nga be yra ansans lɛ be man be amuɛn mun be kwlaa be nun'n, kpɛkuun amun wa si jrɛiin kɛ min yɛ n ti Anannganman nin-ɔn.

Ndɛ Nga Nyanmiɛn I Nuan Ijɔfuɛ Oze Kannin'n 1:2

Ndɛ nga Anannganman'n fa wlali Oze nuan'n, i bo bolɛ'n yɛ. Ɔ seli Oze kɛ: «Ko ja tekle bla kun nan a nin i be `wu wlaka ba. Afin min sran nga be o min mɛn'n nun'n, tekle'n yɛ be si-ɔ. Sa ti bɔ n se kɛ be si tekle'n yɛlɛ kɛ, be kacili bé sin be sili min, kpɛkuun amuɛn mun yɛ be sɔ be-ɔ.»

Ndɛ Nga Nyanmiɛn I Nuan Ijɔfuɛ Oze Kannin'n 4:2

Like nga be yo i siɛn'n yɛlɛ be wiengu'm be amuɛn wualɛ nin be lakalakalɛ, nin be kunlɛ, nin bé bo ninnge'm be wualɛ, nin sran'm be bɔbɔ be wualɛ, ɔ nin be wiengu'm bé yi nin bé wun'm bé bo kunndɛlɛ. Sran kunlɛ'n yɛ be jin su sa mlɔnmlɔnmlɔn-ɔn.

Ndɛ Nga Nyanmiɛn I Nuan Ijɔfuɛ Oze Kannin'n 8:5

Samarifuɛ mun, amun nannin ba nga amun fali sika ɔkwlɛ yili'n, nán min nyinma wun i kun! Ɔ ti min klɔklɔlɛ like, amu'an klɔklɔ min. Kɛ an wo amun liɛ sa'n, ɔ lɛ-man kɛ b'a nyan-man amún wun ndɛ kan b'a kan-man.

Sofoni 3:1

Nyin kekle klɔ, klɔ saciwa, klɔ bɔ i su kpɛnngbɛn'm be mianmian sran'n, n ´yo i yako!

Matthieu 11:21

Ɔ seli kɛ: «Kɔrazɛnfuɛ mun, an yako, Bɛtsaidafuɛ mun, an yako, afin sɛ ɔ ti kɛ sa kekleekle bɔ be yoli be amun klɔ'n su'n yɛ be yoli be Tir nin Sidɔn'n, wuun lɔfuɛ'm be wasa bé wun nzuɛn'n, wuun be wla bajɛ tralɛ'n, wuun be kacili be nzuɛn'n ɔ'a cɛ .

2 Korɛntfuɛ Mun 12:21

Sa nga ti yɛ srɛ kun min yɛlɛ kɛ n ´ju amun wun lɔ bɔ n ´wun sran kpanngban bɔ be yoli sa tɛtɛ laa bɔ lele ndɛ be nian kaci-man be nzuɛn'n be tɛ yo ninnge tɛtɛ, be tɛ kunndɛ bla nin bian, yɛ be bo wlaka'n, be ti n ´sun. Yɛ min Nyanmiɛn'n man mín nyin ´gua ase ekun amun nyrun.

2 Korɛntfuɛ Mun 7:1

N sran kpa mun, sa nga Nyanmiɛn seli kɛ ɔ ´yo be'n, i kwlaa sɔ'n ti'n, man e wla sa ng'ɔ saci sran'n i kwlaa nin akunndan tɛtɛ'n kwlaa be ase. Sɛ e waan e nyin yi Nyanmiɛn'n, man e nian e wun kpa kɛ nán man sa kaan sa tran e nin i ye afiɛn.

Jacques 4:4

An ti kɛ bla b'ɔ kunndɛ bian i wun bo sa. ?An si-man kɛ sran ng'ɔ klo mɛn'n i dilɛ'n, wuun ɔ kpɔ Nyanmiɛn? Ɔ man sran nga i waan ɔ ´fa mɛn'n tɛkɛ i ti su'n, ɔ kaci Nyanmiɛn i kpɔfuɛ.

Sa nglô yile 8:13

N niannin lɔ ekun, n wunnin anunman nyin kun, ɔ tu sinnin nyanmiɛn ble kpa nun lɔ. Ɔ kpannin kekle kpa, ɔ seli kɛ: «Awɛ bɔ anz nsan nga'm be wa bo'n ti, asiɛ'n sufuɛ'm be yako, be yako, be yako.»