Zeremi 13:19 - NYANMIƐN NDƐ'N 1998

¹⁹ B'a nyin mɛn'n i ngua lɔ klɔ'm be anuan mun. Sran fi nun-man lɔ b'ɔ ´tike-ɔ. B'a tra Zida nvle wunmuan'n lomuɛn b'a wɔ. Be trali be kwlaa ɔli.»

Zeremi 13:19 ပူးပေါင်းရင်းမြစ်များ

2 Famiɛn Mun 25:21

Babilɔni famiɛn'n boli be lele, yɛ ɔ man be kunnin be Ribla lɔ. Ribla'n wo Amat mɛn'n nun. Kɛ Zidafuɛ'm be tuli bé bo be mɛn'n nun lɔ, kɛ ng'ɔ o lɛ'n sa.

1 Be Nyoliɛ 9:1

Be kali Izraɛlfuɛ'm be kwlaa, be klɛli be dunman Izraɛl famiɛn'm be fluwa'n nun. Be trali Zidafuɛ mun lomuɛn ɔli Babilɔni, afin be kacili be sin sili Anannganman.

Zɔb I Nyrɛnnɛn Wunlɛ 12:14

Like ng'ɔ ko bubu i'n, sran fi kwla kplɛn-mɛn i kun, sɛ ɔ to sran kun sin anuan'n, sran fi kwla tike-man.

Zeremi 17:26

Sran'm be ´fɛ i Zida klɔ mun nin Zerizalɛm asa'm be su, nin Bɛnzamɛn nvle'n nun tɔnun lika nun, nin oka lika mun, ɔ nin ja ngua lɔ lika'm be nun be wa yi tɛ nga be yrɛ i nnɛn'n kɔlikɔli'n, ɔ nin bo kun yolɛ'n i su tɛ mun min sua'n nun. Yɛ be yi sraka nga be fa ble annzɛ like ng'ɔ ti kɛ ble sa'n be ´yi sraka'n man min.

Zeremi 20:4

Anannganman'n wan yoo: ‹N ´fa nyrɛnnɛn'n n ´yi wɔ nin ɔ janvuɛ'm be su. Be kpɔfuɛ'm be ´kun be-ɔ, ɔ́ nyin ´ta nun. Yɛ n ´fa Zida nvle wunmuan'n i nunfuɛ mun m man Babilɔni famiɛn'n. Ɔ ´tra be lomuɛn kɔ i mɛn'n nun, wie kusu-ɔ, ɔ ´kun be.

Zeremi 24:1

Kɛ Nɛbikadnɛzar b'ɔ ti Babilɔni famiɛn'n trali Zida famiɛn Zozakim i wa Zekɔnias nin Zida famiɛn'n i awlo lɔ sran dandan mun, ɔ nin sua su bofuɛ nin lakle yofuɛ mun be lomuɛn b'ɔ fali be ɔli Babilɔni'n, le kun Anannganman'n kleli min figie mma gbogbo nnyɔn. Be fa be jinjinnin Nyanmiɛn i sua'n nyrun lɛ.

Zeremi 28:4

Zozakim b'ɔ ti Zida famiɛn'n i wa Zekɔnias nin be kwlaa nga be trali be Zida ɔli Babilɔni'n, n ´fa be n ´sa be sin. N wa yo man amun su yo-man Babilɔni famiɛn'n i kanga kun.› »

Zeremi 32:44

Be ´yi sika be ´to fie, be klɛ i wun fluwa. Be ´fa lalofuɛ be ´fa be nzɔliɛ'n be ´sie i fluwa sɔ'n su be ´kɛtɛ i nuan wa. Be ´to i Bɛnzamɛn nvle'n nun, nin Zerizalɛm asa'n su, nin Zida klɔ'm be su, nin oka'n i su klɔ'm be su, nin tɔnun lika'm be nun, ɔ nin Negɛb lɔ klɔ'm be su. Afin n ´fa be nga be trali be lomuɛn ɔli'n m ´ba.» Anannganman'n yɛ ɔ kan sɔ-ɔ.

Zeremi 33:13

Klɔ nga be o oka'm be su'n nin klɔ nga be o tɔnun'm be nun, nin Negɛb lika'm be nun, nin Bɛnzamɛn nvle'n nun, nin Zerizalɛm asa'n su'n, ɔ nin Zida klɔ'm be su'n, lɔ boli mun nin lɔ bua'm be ´sin sran ng'ɔ ka be'n i nyrun ekun.» Anannganman'n yɛ ɔ kan sɔ-ɔ.

Zeremi 39:9

Klɔ'n nunfuɛ nga be kali klɔ'n nun lɛ'n be nga be fali bé wun ko mannin Babilɔnifuɛ mun'n, ɔ nin ajuin difuɛ mun'n, Nɛbizaradan b'ɔ ti gladi difuɛ'm be kpɛnngbɛn'n fali be ɔli.

Zeremi 52:27

Babilɔni famiɛn'n ɔ boli be lele, yɛ ɔ man be kunnin be Ribla lɔ. Ribla'n wo Amat mɛn'n nun. Kɛ Zidafuɛ'm bé tuli be bo be mɛn'n nun lɔ kɛ ng'ɔ o lɛ'n sa.

Zeremi 52:28

Nɛbikadnɛzar i sielɛ'n i afuɛ nso'n su'n, ɔ trali sran akpi nsan sran ablaɔn-nin-nsan (3.023) be lomuɛn.

Zeremi 52:30

Kpɛkuun i afuɛ ablaɔn-nin-nsan'n su'n, i gladi difuɛ'm be kpɛn b'ɔ be flɛ i Nɛbizaradan'n trali Zuif ya nso ablanan-nin-nnun. Be kwlakwla ng'ɔ tra be ɔli'n be ti sran akpi nnan sran ya nsiɛn (4.600).

Ngwlɛ Yilɛ 1:3

Zidafuɛ mun'n, kɛ be ko wun nyrɛnnɛn'n yɛ be wunnin i-ɔ. Kanga nga be flɛ-mɛn i kanga'n yɛ be su di-ɔ. B'a tra be lomuɛn b'a ɔ nvle wie nun. Be o be nga be si-man Nyanmiɛn'n be afiɛn, nán wunmiɛn kaan sa yɛ be ko de-ɔ. Be yalɛ klefuɛ'm bé su be su, be waan nán be nyan bé ti nɔn nzue, be mian-mian bé sa fii!

Zakari 7:7

?I nun nga bɔ sran ba'n tɛ jin Zerizalɛm'n su, bɔ wuun klɔ nga be mɛntɛn-mɛntɛn i lɛ mun be o be olɛ bliin'n, bɔ sran'm be tɛ o ngua lɔ lika'n nun nin lika kpɛtɛkplɛɛ'n nun lɔ'n, nán ndɛ nga Anannganman fa wlɛli i nuan ijɔfuɛ'm bé nuan laa bɔ be kannin'n yɛ ɔ lɛ-ɔ?

Mmla'n 28:15

Sɛ kusu amu'an ti-man Anannganman amun Nyanmiɛn'n i aniɛn'n, sɛ amu'an fɛ-mɛn i mmla nga n ´fa man amun ndɛ yɛ'n bé su'n, sɛ amu'an nian-man be su b'a nanti-man'n, nyrɛnnɛn sa ng'ɔ wa ´ju amún su'n yɛ:

Mmla'n 28:52

Be ´taka be ngblaliɛ mun amun klɔ'm bé sin, yɛ be ´tran lɛ lele be bubu amun klɔ'm bé wun talɛ kpakpa nga be ti nglo-nglo bɔ amun lafi bé su amun mɛn'n nun'n. Be ´yo i sɔ mɛn nga Anannganman amun Nyanmiɛn'n fa mannin amun'n i wunmuan'n nun.

Zozie 18:5

Be wa kpaci lika nun akpasua nso. Zidafuɛ'm be ´ka be lika liɛ'n nun ngua lɔ, Zozɛf i akpasua sufuɛ'm be kusu be ´ka be liɛ nun Zida i ti su nglo lɔ.