Zeremi 13:18 - NYANMIƐN NDƐ'N 1998

¹⁸ Se famiɛn'n nin i nin be kɛ: «An `bubu gua asiɛ wun gblo. Afin amun famiɛn kle klanman'n ɔ'a fin amún ti su ɔ'a tɔ.

Zeremi 13:18 ပူးပေါင်းရင်းမြစ်များ

2 Famiɛn Mun 24:12

Zozakin fin klɔ'n nun fiteli, ɔ nin i nin, nin i sufuɛ mun, nin i sonja'm bé su kpɛn mun, ɔ nin i awlo lɔ sran dandan mun. Be wa fali bé wun mannin Babilɔni famiɛn'n. Yɛ ɔ trali be yoli i kanga-a. Kɛ ɔ ´yo sɔ'n, wuun Nɛbikadnɛzar yoli famiɛn ɔ'a di i afuɛ mɔcuɛ.

2 Famiɛn Mun 24:15

Famiɛn Zozakin, nin i nin, nin i yi mun, nin sran ng'ɔ lafi bé su'n, ɔ nin Zida kpɛnngbɛn mun, Nɛbikadnɛzar fali be Zerizalɛm ɔli Babilɔni.

2 Be Nyoliɛ 33:12

Kɛ Manase ´wun nyrɛnnɛn'n, ɔ kpan flɛli Anannganman i Nyanmiɛn'n. Ɔ kɛnnin i wun ase i nannan'm be Nyanmiɛn'n nyrun.

2 Be Nyoliɛ 33:19

I Nyanmiɛn srɛlɛ'n nin wafa nga Anannganman fa tɛli i su'n, i sa tɛ b'ɔ yoli'n, ɔ nin i wun bɔ ɔ'a fa mantan-man Nyanmiɛn'n, sraka yiwlɛ lika mun ng'ɔ yoli be'n, ɔ nin lika ng'ɔ kplannin waka nga be sɔ be'n, yɛ lika ng'ɔ takali amuɛn mun kwlaa nan ɔ'a kɛn i wun ase Nyanmiɛn nyrun'n, i kwlaa sɔ'n wo Ozai fluwa'n nun.

2 Be Nyoliɛ 33:23

Ɔ'a bu-mɛn i wun fɔ Nyanmiɛn nyrun kɛ i si Manase liɛ'n sa. I sa tɛ ng'ɔ yoli ɔ tratrali i si liɛ'n su.

Ezipt Lɔ Tulɛ'n 10:3

Moiz nin Aarɔn be ko toli Ezipt famiɛn'n nan b'a se i kɛ: «Anannganman b'ɔ ti Ebre'm be Nyanmiɛn'n, ɔ usa wɔ kɛ: ‹?Ɔ wun ase nga ɔ waan a kɛn-mɛn i lɛ'n, a ´yo i sɔ lele ´fa ju cɛn onin? Man min sran'm be atin nan be kɔ su min.

Ezipt Lɔ Tulɛ'n 39:28

Be fali lɛn tannin kplɔkɔɔ be yoli kle, yɛ be fali lɛn tannin kplɔkɔɔ be yoli kle kanngan mun nin cɛkoto mun.

Nyanndra Mun 27:24

Afin anyanbeun'n ka-man sran kun sa nun mlɔnmlɔn. Ɔ bɔbɔ a si jrɛiin kɛ famiɛn kle'n ka-man awlo kunngba nun tititi.

Ezai 3:20

bé ti kle mun, bé ja jrɔkɔ kanngan mun, be afiɛn kplo nga be wɔli'n mun, be amuɛn ba mun, nin be muae nyanman mun,

Ezai 3:26

Ɔ nunfuɛ'm be kwlaa be ´bo awuyomo, be ´yi ngwlɛ. Be ´sun kɛ bla bɔ i ninnge ng'ɔ lɛ i'n i kwlaa ɔ'a fi i sa, b'ɔ tran asiɛ ba kpa'n su sun'n sa.

Ezai 47:1

Babilɔni, sɛ a ti bla'n, wuun n ´se kɛ: «Ɔ bɔ a ti talua bɔ a si-man bian'n, jra, tran ase ndutre'n nun. Kaldefuɛ'm bé wa bla, tran ase asiɛ wun, afin a ti-man famiɛn kun. Be su flɛ-man wɔ kɛ Babilɔni Klanman kun. Be su flɛ-man wɔ kɛ Babilɔni Klanman Lɛkɛlɛkɛ kun.

Zeremi 22:24

Anannganman'n wan yoo: «Se Zekɔnias b'ɔ ti Zozakim i wa b'ɔ ti Zida famiɛn'n kɛ: ‹Kannzɛ a ti kɛ nga wie sa yɛ n fa wlali min sa fama'n su bɔbɔ'n, sɛ m'an yi-man wɔ cɛ'n, wuun nán min-ɔn.

Zeremi 22:26

A nin ɔ́ nin ng'ɔ wuli wɔ'n, n ´fa amun kɔ mɛn uflɛ b'ɔ ti-man amun awuliɛ mɛn'n nun. Amun ´wu lɔ.

Zeremi 29:2

Kɛ ɔ ´klɛ'n, wuun famiɛn Zekɔnias, nin i nin, nin awa junman difuɛ kpakpa mun, nin Zida nin Zerizalɛm famiɛn i awlo lɔ sran dandan mun, ɔ nin ajuin difuɛ mun b'a tu Zerizalɛm lɛ b'a ɔ.

Zeremi 36:16

Kɛ be tili fluwa sɔ'n nun ndɛ mun'n, srɛ kunnin be. Kɛ be nian-nian be wiengu sa, nan b'a se Barik kɛ: «E ´kan ndɛ nga a kan kwlaa e kle famiɛn'n.»

Ngwlɛ Yilɛ 1:6

Siɔn i anyrunnyan like'n kwlaa yɛ b'a fa be be su fa kɔ yɛ. I famiɛn i awlo lɔ sran dandan'm be ´kɔ sa ɔ waan flete wie bɔ b'a nyan-man ijre b'a di-man bɔ be su wanndi fakafaka koniɛn difuɛ i nyrun'n sa.

Ngwlɛ Yilɛ 1:9

I mannza mmoja'n wo i tralɛ nun badaa. Sa ng'ɔ juli i su'n ɔ fuli i bɔbɔ nun. I nyin b'ɔ bo i bla-a ɔ'a tɔ. Sran bɔ kun sa ɔ'a fɔnvɔ-mɛn i. Yɛ i waan: «Anannganman, nian nyrɛnnɛn bɔ n wo nun-ɔn, nian kɛ min kpɔfuɛ'n ɔ'a kwla min b'ɔ nyinmɛn-nyinmɛn i wun-ɔn.»

Ngwlɛ Yilɛ 2:10

Siɔn kpɛnngbɛn'm be titi asiɛ ba kpa'n su. Be si-man wie se kun. B'a gua bé ti su ndutre. B'a wla bé bajɛ tralɛ mun. Zerizalɛm talua'm be kwla-man bé ti su man kun.

Ngwlɛ Yilɛ 5:16

E ti sika kle'n ɔ tu tɔli. Sa tɛ nga e yoli'n ti'n, y'a wun nyrɛnnɛn.

Ezekiɛl 16:12

N wlali o bue'n nun nga, n wlali ɔ su nun asunmanndi, yɛ n yoli famiɛn kle n sieli ɔ́ ti'n su.

Ezekiɛl 21:26

Afin Babilɔni lɔ famiɛn'n ɔ ko trannin atin nnyɔn be anngɔnda'n su lɛ yili wunnzue, ɔ kejeli cua mun, ɔ usali amuɛn'm be sa, ɔ niannin nnɛn'm be afɔkɔ'n.

Ezekiɛl 24:17

Fɛfɛ ɔ klun lɔ, nán yo sɛ, fa ɔ kle'n, yɛ wla ɔ ngbabua'n kɛ titi'n sa. Nán kata ɔ nyrun, nán di sɛ aliɛ.»

Ezekiɛl 24:23

Amún ti wun tannin'm be ´ka lɛ, amun ngbabua'm be ´ka amún ja, amun su sun-man, amun su yo-man sɛ. I kusu'n, amun wa yo kokloo amun sa tɛ'm be ti, yɛ sran kun ɔ wa bo i wiengu su awuyomo .

Ezekiɛl 44:18

Man be cici be ti wun nin tannin tanmue bɔ lɛn yɛ be fa yoli'n, yɛ be ci be afiɛn nin tanmue bɔ lɛn yɛ be fa yoli'n. Nán be wla like nga be wla bɔ wunfle tu be'n.

Daniɛl 5:20

Sanngɛ famiɛn'n ɔ wa tuli i wun, ɔ wa keteli i anwlɛn'n, yɛ ɔ yoli nuan difuɛ. I blɛ sɔ nun'n, Nyanmiɛn tuli i famiɛn bia'n su, kpɛkuun ɔ'a nyan-man nyrun kun.

Zonas 3:6

Kɛ famiɛn'n tili ndɛ sɔ'n, ɔ jasoli i famiɛn bia'n su, ɔ yili i tralɛ'n, ɔ wlali bajɛ tralɛ yɛ ɔ trannin nzuɛn nun.

Matthieu 18:4

I sɔ'n ti, sran kwlaa ng'ɔ yo wɛtɛɛ kɛ ba kaan nga sa'n, ɔ wa yo be kwlaa nga Nyanmiɛn sie be'n be nun dan.

Jacques 4:10

An `yo amún wun aenvuɛ e Min Nyanmiɛn'n i nyrun, yɛ ɔ man amun ´nyan nyrun.

1 Piɛr 5:6

I sɔ'n ti, an `yo amún wun aenvuɛfuɛ'm Nyanmiɛn b'ɔ kwla sa kwlaa yo'n i nyrun nan sɛ cɛn ng'ɔ sieli'n ju'n ɔ'a man amun su .