Zeremi 13:16 - NYANMIƐN NDƐ'N 1998

¹⁶ An `manman Anannganman amun Nyanmiɛn'n. Ɔ'a yo-man sɔ-ɔ, aosin'n ´ba. Ɔ man amún ja ´kpla oka mun lika tuun'n ti. Ɔ'a yo-man sɔ-ɔ, amun ´minndɛ kɛ aliɛ'n `cɛn lele ngbɛn. Anannganman ´yo man lika'n ɔ kaci aosin tritri kpa. Ɔ ´kaci i kɛ nyanmiɛn ble tuun'n sa.

Zeremi 13:16 ပူးပေါင်းရင်းမြစ်များ

Zɔb I Nyrɛnnɛn Wunlɛ 3:5

Man aosin tritri kpa'n ɔ di i sɔ cɛn liɛ'n, man wie'n i aosin tuun'n ɔ di i wie, yɛ man nyanmiɛn ble'n ɔ kɛtɛ i su. Sɛ ɔ ti sran'n, wuun n ´se kɛ man sa kekleekle'm be tɔ i su yɛ be `kun i srɛ.

Jue Mun 107:10

Be wie'm be trannin aosin tuun kpa nun, be trannin kongo tuun kpa b'ɔ yo sro'n nun. Nyrɛnnɛn'n ɔ sin yiali be mlɔnmlɔnmlɔn, be cili be nin jrɔkɔ.

Jue Mun 107:14

Ɔ yili be bisua tuun sɔ'n nun fiteli. Ɔ kpɛkpɛli jrɔkɔ nga be fa cili be'n be nun.

Jue Mun 29:2

Amun `manman Anannganman. Amun `mɛnmɛn i i dunman b'ɔ ti dan'n ti. Kɛ ɔ yi i nyannyan ng'ɔ ti'n nin i tinmin'n be nglo'n, amun `koto i bo.

Jue Mun 44:19

nán kɛ e nin wɔ e nun-man nun kun ti-ɔ, nán kɛ e yacili wɔ atin'n ti-ɔ.

Ezipt Lɔ Tulɛ'n 10:21

Anannganman seli Moiz kɛ: «Man ɔ́ sa'n su nglo! Man aosin wla Ezipt mɛn'n nun, man ɔ wla kpa tritri ɔ ´yo kpikplikpi kpa kɛ like bɔ be kɛn i-ɔ ɔ yo ye'n sa.»

Nyanndra Mun 4:19

Klunwifuɛ'm be atin liɛ'n, aosin'n dun su tritritri. Like ng'ɔ ko yi be ase'n be wun-mɛn i.

Akunndanfuɛ'n 11:8

Sɛ sran kun cɛ nyanmiɛn'n bo wa lele nan ɔ di afuɛ kpanngban kpa bɔbɔ'n, ɔ fata kɛ i klun jɔ i sɔ'n ti, sanngɛ kusu nán man i wla fi kɛ aosin tuun'n i blɛ'n ɔ wa yo tɛnndɛn. Sa'm be kwlaa be tra sran i akunndan'n su. Like nga be yo be'n, i kwlaa ti afɛ ngbɛn.

Ezai 5:30

I cɛn sɔ nun'n, nganniɛn dan kun ɔ ´tɛ sran sɔ'm be dunman nun wie, ɔ ´tɛ kɛ jenvie yɛ ɔ su bo sa. Kɛ be ´nian mɛn'n, aosin tuun yɛ be ´wun i-ɔ. Nyanmiɛn ble likiliki kpa kun ´kata wia'n i nyrun.

Ezai 59:10

Kɛ e ´nanti'n, e fuafua é sa kɛ anyansifuɛ wie b'ɔ fuɛfuɛ i sa talɛ wun'n sa, e fuafua é sa kɛ sran bɔ i nyinma'n ɔ'a bo'n sa. Wia klengle kpa nun'n, é ja kpla kɛ lika tuun kpa nun'n sa. E ti juejue, sanngɛ fuɛn'm be nyrun ba nyan tra ye.

Ezai 59:9

I sɔ'n ti yɛ Nyanmiɛn ɔ sisi i bo b'ɔ nian-man e lika nin-ɔn. I sɔ'n ti yɛ ɔ de-man ye nin-ɔn. E kunndɛ kɛ lika b'ɔ kpaja weiin ɔ bla, sanngɛ aosin'n yɛ ɔ ba-a. E kunndɛ kɛ aliɛ'n ɔ cɛn, sanngɛ lika tuun'n nun yɛ e nanti-ɔ.

Ezai 60:2

Afin aosin'n ɔ kata asiɛ'n su, lika tuun ɔ dun sran'm be su, sanngɛ ɔ liɛ'n, Anannganman kpaja ɔ su, i nyrun nyannyan'n ɔ fite nglo ɔ́ su .

Ezai 8:22

I sin, kɛ be nian asiɛ nin-ɔn, be ´wun kɛ nyrɛnnɛn nin aosin tuun, ɔ nin srɛ b'ɔ kun sran'n yɛ be o su-ɔ. Be ´su bé bo yi i aosin tikitiki'n nun.

Zeremi 14:19

«?Nan Zida i blo yɛ a yi i mlɔnmlɔn-ɔn? ?Ɔ konvi li yɛ ɔ'a tu Siɔn su-ɔ? ?Ɔ yo sɛ ti yɛ a bo ye nin kannin ng'ɔ tu be-ɔ be nyɛn-mɛn i wun ayre nin-ɔn? Y'a minndɛ fɔundi'n lele ngbɛn. E minndɛ juejue yolɛ'n, sanngɛ sa ng'ɔ ba'n ɔ yo sro.

Zeremi 2:6

B'a usa-man kɛ: ‹?Anannganman'n b'ɔ fali ye Ezipt lɔ bali'n, b'ɔ kleli ye atin aawlɛ flɛnnɛn nun lɔ'n, ɔ liɛ lika kee sɔ'n, lika kunman-kunman sɔ'n, nzue we lika sɔ'n, awlaboɛ lika sɔ'n, lika bɔ sran fi sin-man nun'n, bɔ sran fi tran-man lɔ'n, Anannganman sɔ'n wo nin?

Zeremi 23:12

I sɔ'n ti atin nga be nanti su'n, ɔ wa yo ndrɔn, aosin'n ɔ wa wla su, afin blɛ nga e nin be yia nun'n, n ´fa nyrɛnnɛn'n n ´yi be su, bé ja'n ´seli, be ´tɔ.› » Anannganman'n yɛ ɔ kan sɔ-ɔ.

Zeremi 4:23

Kɛ n nian asiɛ'n, ɔ ti kɛ like fi nun-man su sa. Nglo lɔ'n kusu ɔ kpaja-man kun.

Zeremi 50:6

Min nvle'n yoli kɛ bua fa kun bɔ b'a mlin'n sa. Be kankanfuɛ'm be mlinnin be. Ɔ man be wlan oka'm be su sa daan! Be fu oka nga su, be jra be ko fu kpɔlɛ nga su. Be si-man be osu atin'n kun .

Zeremi 6:21

I sɔ'n ti Anannganman'n wan yoo: «N wa fa ninnge wie mun n ´sie nvle sɔ'n i nunfuɛ'm be atin'n su n ´fa yi be ase. Man siɛ mun nin be mma mun, nin be tranfuɛ mun, nin be janvuɛ mun, be kwlakwla be wu.»

Zeremi 8:15

E waan wuun lika'n ´tɔ fɔun o, kannzu sa tɛ'n yɛ ɔ su ju-ɔ. E waan wuun e su wa yo juejue o, kannzu sa sroesroe yɛ ɔ su ju-ɔ.

Ngwlɛ Yilɛ 4:17

E waan wuun sɛ mɛn uflɛ wie nun sran'm be ´ba e delɛ o. Y'a kplongblo e nyinma'n lele y'a fɛ ngbɛn. Y'a nian, y'a nian, e klun fɛfɛfɛ, kpɛkuun sran fi ɔ'a ba-man e delɛ .

Ezekiɛl 21:15

Sran'm be sacilɛ ti yɛ be sili i nnana sɔ nin-ɔn. Be sili i nnana kɛ be ´toto nan ɔ bo mianmianmian.

Ezekiɛl 34:12

N ´tian bé nuan kɛ bua su nianfuɛ ɔ tian i nnɛn nga b'a bo b'a sanndi'n bé nuan'n sa. Cɛn nga bɔ nzue tɔ'n, lika kwlaa nga be ɔli lɛ'n, n ´ko kunndɛ be.

Ezekiɛl 36:15

N ´yo man a su ti-man nvle-nvlefuɛ'm be nzowa kpɛlɛ'n kun. A su wun-man nyannzuɛn nvle-nvlefuɛ'm bé sa nun kun. Afin ɔ mɛn nun'n be su kun-man ba kanngan'm be kun.› » Anannganman Nyanmiɛn yɛ ɔ kan sɔ-ɔ.

Zoɛl 2:2

Cɛn sɔ'n ɔ ´yo aosin tritritri, cɛn sɔ'n ɔ ´yo nzue mlanlɛ lika sa tuun yɛ ɔ yo bɔlɛ ufue lika sa munnduun. Kakaa fa fa nga be ba'n, be sɔnnin kpa, be yo wlɛ. Kɛ be ´ba'n, lika'n lu kɛ sɛnzɛ'n su tɔ oka'm be su sa. I sɔ like liɛ'n, be nian wun-man wie asiɛ'n su le, i kusu be su ko wun-man wie asiɛ'n su le mlɔnmlɔn kun.

Amɔs 4:13

I yɛ ɔ yili oka mun nin aunngban nin-ɔn. Sa ng'ɔ wa yo'n, ɔ dun mmua bo su kle sran mun. Ɔ cɛn aliɛ yɛ ɔ san aliɛ. I dunman'n yɛlɛ Anannganman, b'ɔ ti mɛn wunmuan'n i Nyanmiɛn'n .»

Amɔs 5:18

Amun bɔ an wo Anannganman i cɛn'n i minndɛlɛ'n, amun yako lele! ?Amun klun lɔ'n, an bu i kɛ i sɔ cɛn'n nun'n muae yɛ amun wa nyɛn i Anannganman sa nun-ɔn? Ɔ siɛ i mlɔnmlɔn! Amún nyin yɛ ɔ ´si amun ble-ɔ.

Malasi 2:2

«Sɛ amu'an fa-man mín nuan su ndɛ'n, nan amu'an kplin-man amún nyin b'a manman-man min'n, m ´bo amun sannzan. Muae nga n ko man amun'n, n ´fa nyrɛnnɛn n ´kaci i, yɛlɛ kɛ sa fi lo-man amun.

Jean 12:35

Jésus seli be kɛ: «Lika'n tɛ kpaja amún wun wa kan. Kɛ an tɛ wun ase'n, an `nanti nan lika'n ɔ'a dun-man amun. Sran ng'ɔ nanti aosin nun'n, ɔ wun-mɛn i bo.

Zozie 7:19

Zozie seli Akan kɛ: «N wa, manman Anannganman b'ɔ ti Izraɛl Nyanmiɛn'n. Nian nanwlɛ di, kan sa nga a yoli'n, nán fia wie fi su.»

1 Piɛr 2:8

Ɔ ti yɛbuɛ b'ɔ kpla sran'm bé ja, ɔ ti yɛbuɛ dan kun bɔ sran'm be fin ase su.» Bé ja'n kplɛli i yɛlɛ kɛ b'a fa-man Nyanmiɛn ndɛ'n su, afin kɛ Nyanmiɛn'n sieli be liɛ'n sɔ-ɔ .

1 Samiɛl 6:5

Putɛputɛ'n ɔ nin gbekle nga be saci amun mɛn'n, amun `yi be ba. Amun `manman Izraɛl Nyanmiɛn'n. Sɛ ɔ ´yaci amun nin amun mɛn nunfuɛ mun, nin amun amuɛn'm be yalɛ klelɛ o.