Zeremi 13:14 - NYANMIƐN NDƐ'N 1998

¹⁴ N ´yo man be jaso be wiengu wun, siɛ mun nin ba mun be ´kun be wun. N su yaci-man sran fi lɛ. N su si-man wie aunnvuɛ mlɔnmlɔn, n ´nunnun be kwlaa'n kpan.› » Anannganman'n yɛ ɔ kan sɔ-ɔ.

Zeremi 13:14 ပူးပေါင်းရင်းမြစ်များ

2 Be Nyoliɛ 20:23

Amɔnfuɛ mun nin Moabfuɛ'm be tɔli Edɔmfuɛ'm be su be kunnin be lele be wieli weiin. I sin be blili bé nyin be kunnin be bɔbɔ bé wun.

Zɔb I Nyrɛnnɛn Wunlɛ 27:22

Nyanmiɛn si-man be aunnvuɛ, ɔ to bé wun ta mma. A ´nian-an, be su wanndi kɛ ɔ ´yo nan ta mma'n ɔ'a nyan-man be'n ti.

Jue Mun 2:9

A ´fa ɔ famiɛn kpɔnman b'ɔ ti blalɛ'n yɛ a ´fa bo mɛn sɔ'm be nunfuɛ mun-ɔn. A ´bubu be nun kɛ be su bo sɛ bɔ be fa ufa be wu'n sa .› »

Ezai 27:11

Kɛ waka sama'm be wu kee'n, be bubu be nun, bla'm be fa yo yie be trɔ. Nanwlɛ nvle nga nunfuɛ'm be wun-man sa wlɛ mlɔnmlɔn. I sɔ'n ti be yifuɛ'n ɔ si-man be aunnvuɛ mlɔnmlɔn, sran ng'ɔ boli be jrali asiɛ'n su'n, be yo-mɛn i annvɔ mlɔnmlɔn.

Zeremi 15:5

«?Zerizalɛm, wan cɛ yɛ ɔ ´yaci wɔ lɛ-ɔ? ?Wan yɛ ɔ ´koko wɔ-ɔ? ?Wan yɛ ɔ ´usa wɔ osu-ɔ?»

Zeremi 15:6

Anannganman'n waan: «A yili min ase. A kacili ɔ sin sili min. Yɛ n kusu e nin wɔ e yiali nun-ɔn. Yɛ n nunnunnin wɔ-ɔ, afin kɛ n ko si wɔ aunnvuɛ'n yɛ n sili-ɔ.

Zeremi 16:5

Yɛ Anannganman'n seli min ekun kɛ: «Awlo nga be yo sɛ nun'n, nán wlu nun. Nán kɔ sɛ bo, nán yo sran fi yako. Min klun jɔ-man nvle nga nunfuɛ'm bé wun kun. N yo-man be kpa kun, n si-man be aunnvuɛ kun.» Anannganman'n yɛ ɔ kan sɔ-ɔ.

Zeremi 21:7

I sin, Sedesias b'ɔ ti Zida famiɛn'n nin i awlo lɔ sran dandan mun, ɔ nin klɔ'n nun sran nga tukpacɛ b'ɔ sa ndɛndɛ'n nin alɛ'n, ɔ nin awe'n ɔ'a kun-man be'n, n ´fa be n ´wla Nɛbikadnɛzar b'ɔ ti Babilɔni famiɛn'n i sa nun. N ´fa be ´wla be kpɔfuɛ mun nin be bɔ be klo-man be nin nguan'n bé sa nun. Nɛbikadnɛzar su si-man be aunnvuɛ, ɔ su yo-man be blɛblɛ mlɔnmlɔn, ɔ ´kun be.› »

Zeremi 25:16

Man be nɔn nan bé ja'n tanndan bé bo, nan be nyin su kpɛ be blɛ bɔ be wa wun sran nga be ´fa tokofi kun be'n.»

Zeremi 47:3

Kɛ siɛ'm be ti nnɛn kpanngɔ'm bé ja bo nganniɛn'n, kɛ be ti kakaklolo'm be kplalɛ'n, kɛ be ti kakaklolo'm bé nganniɛn'n, be si-man wie se kun. Bé wla ´fi be mma mun mlɔnmlɔn.

Zeremi 48:12

Ɔ man i ti Anannganman'n wan yoo: «Cɛn wie lele'n, n wa sunman sran kɛ be wɔ be ko kaci be gua tomua uflɛ nun nan be `bobo tomua klikli'n.

Zeremi 6:21

I sɔ'n ti Anannganman'n wan yoo: «N wa fa ninnge wie mun n ´sie nvle sɔ'n i nunfuɛ'm be atin'n su n ´fa yi be ase. Man siɛ mun nin be mma mun, nin be tranfuɛ mun, nin be janvuɛ mun, be kwlakwla be wu.»

Ngwlɛ Yilɛ 2:21

Gbanflɛn mun nin kpɛnngbɛn'm be fuɛn'm be jaja klɔ gua'n su. Min talua mun nin min gbanflɛn mun, alɛ'n ɔ dili be. Kɛ a fali ya'n, a kunnin be, a nunkunnin be, w'a si-man be aunnvuɛ.

Ezekiɛl 24:14

M bɔbɔ min Anannganman, min yɛ m'an kan-an, san ɔ ´ju, n ´yo, n su kɔ-man min sin, yɛ n su si-man aunnvuɛ, n su koko-mɛn i sin. Kɛ ɔ nzuɛn'n nin wɔ aeliɛ'n be fa ti'n yɛ be ´fa tu wɔ fɔ-ɔ.» Anannganman Nyanmiɛn'n yɛ ɔ kan sɔ-ɔ.

Ezekiɛl 7:3

Siɛn'n, awieliɛ'n ɔ'a to amun. N wa fa amun wun ya. M'bu amun fɔ kɛ amun nzuɛn'n fa ti. Amun wa sua amun tete sa'm bé su afɛ'n.

Ezekiɛl 7:4

N su si-man amun aunnvuɛ. N su yo-man amun blɛblɛ. Afin amún sa nga an yoli'n i su afɛ'n yɛ n ´fa yi amun su-ɔ. Amun tete sa'm be ´ka amun afiɛn, yɛ amun wa si jrɛiin kɛ min yɛ n ti Anannganman nin-ɔn.›

Ezekiɛl 7:9

N su si-man amun aunnvuɛ. N su yo-man amun blɛblɛ. N ´yo man amun ´fɛ nantilɛ tɛtɛ nga amun nantili'n bé su afɛ'n. Amun tete sa nga amun yoli'n be wa tɔ amun bɔbɔ amún ti su. Kpɛkuun amun wa si jrɛiin kɛ min yɛ n ti Anannganman bɔ n tu sran fɔ nin-ɔn.

Ezekiɛl 8:18

Min liɛ'n nga n wa fa yo be'n, ɔ ´ju be. N su si-man be aunnvuɛ, n su yo-man be blɛblɛ. Kɛ be kpan kekle mín su nun kɛ n wa de be'n, n su tɛ-man be su .»

Ezekiɛl 9:10

Min kusu n su wun-man be aunnvuɛ, n su yo-man be blɛblɛ. Bé sa nga be yoli'n, n ´yo nan be fɛ i nuan afɛ'n.› »

Ezekiɛl 9:5

N ´ti-ɔ, ɔ su wla sran nga be kali lɛ'n bé su nun kpa kɛ: «An `su sran ng'ɔ o yɛ'n su klɔ'n nun nan an `kun klɔ'n nun sran mun. Nán an si be aunnvuɛ kɛ an ´yaci be lɛ.

Ndɛ Nga Nyanmiɛn I Nuan Ijɔfuɛ Oze Kannin'n 2:4

«Amun nin Izraɛl b'ɔ ti amún nin'n amun `fu su, afin ɔ ti-man mín yi kun, yɛ n kusu n ti-mɛn i wun kun i sɔ'n ti, amun nin i `fu su . Nzɔliɛ ng'ɔ o i nyrun b'ɔ man be si kɛ ɔ si tekle'n, man ɔ yi. Kun ng'ɔ o i nyɔnflɛn nnyɔn'm be afiɛn'n nun b'ɔ man be si kɛ ɔ kunndɛ bian i wun bo'n, man ɔ yi i ekun.

Zakari 11:6

N kusu, min Anannganman, n su si-man asiɛ'n su sran'm be aunnvuɛ wie kun. M ´man atin man sran'm be yo be wiengu'm be kanga, yɛ m ´man atin man be yo be famiɛn'm be kanga. Famiɛn'm be ´sanngan mɛn'n nun, sanngɛ n su de-man sran fi bé sa nun.»

Matthieu 10:21

Sran bɔ be ti niaan'n, kun ɔ wa fɛ i niaan bian wlɛ sran'm bé sa nun kɛ be `kun i, yɛ sran wie'm be wa yo be mma'm be sɔ wie, ba'm be ´jao be si nin be nin'm be wun kɛ be ´kun be.

Marc 13:12

Sran'm be wa fa be niaan bian mun man sran mun kɛ be kun be, yɛ yasua'm be kusu be wa yo be mma'm be sɔ-ɔ, ba'm be wa jao bé si nin be nin'm bé wun, be ´fa be man sran mun kɛ be `kun be.

Mmla'n 29:20

Anannganman ɔ ´yo man ɔ ´wun nyrɛnnɛn. Ɔ ´yi i Izraɛl akpasua'm be nun. Sa yalɛ nga be kan be ndɛ mmla bɔ be ti klɛwa fluwa nga nun'n, Anannganman ´fa yi i su. Kɛ Anannganman nin be nuan sɛli su sɔ-ɔ.

1 Samiɛl 14:16

Lika sasafuɛ nga Sail sieli be Gibea bɔ be ti Bɛnzamɛn akpasua'n sufuɛ'n be ´nian-an, Filistifuɛ mun yɛ b'a bo b'a sanndi yɛ. Wie'm be kɔ wa wie'm be kɔ wa.